SONDAPPA 18:15 - WUKE SUSI WATTI'U AL᷊AL᷊USASSA

¹⁵ Manga mabbawalu'a apan naalate ana waugu mabbal᷊u'a su soa udde sarun rumarisikka wuasu marau, ana waugu i mangitou matta'utta aṛṛinoannu asasusane. I mangitou sarun lumuai wuṛṛu lumal᷊o,

SONDAPPA 18:15 Iomraidhean Croise

YEHEZKIEL 27:31

Ana waugu i'o i mangitou nallunggukka pua, nalluṛṛen laubba karongnga napenen asasusa. I mangitou lulluai lullal᷊o wuṛṛu lullallun ola'u wiakku.

ZAKARIA 11:5

Manga mamamalline mammate manga domba udde ringannu tawe naasomba ṛuumanna. I mangitou apan mabbalu'u ṛemessu manga domba udde mabbisara, ‘Dalo su Mawu! Orassa indi niatambante paa'alan kite!’ Manga mallal᷊u'udda udde tawe maapendamma umakkanna su manga domba papadul᷊iananni mangitou.

MARKUS 11:17

Wua'udde Mawu Yesus nangaṛṛa'e manga taumata isudde. I Tou nabbisara, “Sulal᷊ummu Wuke Susi uawoṛṛetta ereindi: Ruata nabbisara, ‘Wal᷊e-U sarun isago wal᷊e tampa pangangal᷊iomanannu al᷊awo'u walahanna.’ Arawe niola'i yamiu sal᷊akku taumata taṛṛa ṛampassa!”

WATTI'U MANGA RASUL 16:19

Napawe manga mawune naatutukka manungku tempo mangitou maasomba roitta udde nawul᷊ite, i mangitou nanametta si Paulus wuṛṛu si Silas, see itarua niwol᷊engnga watukku tampam pangillol᷊oanna iapaasaruanna pamarenta.

SONDAPPA 18:12

Tateddu mamalli wul᷊awanna, sal᷊a'a, permata, wuṛṛu mutiara mangitou; wuṛṛu lai mal᷊aṛṛenessa linen, ungu, sutera, wuṛṛu mal᷊aṛṛenessa maṛṛamu ua'itumma; alawo'u hating kalu apan mal᷊awa asombanganna, sarannapa wuassu gadinga wuṛṛu wuassu alu apan maarega, wuassu witu'a, atta'a, wuṛṛu pualam;

SONDAPPA 18:13

pising kalu matemangnga, manga rampa, setanggi, mur, wuṛṛu amania; anggore wuṛṛu lana, taponna wuṛṛu gandumma; sapi wuṛṛu domba, awal᷊o wuṛṛu kereta, manga allangnga, see lai niawan taumata.

SONDAPPA 18:14

Manga mabbal᷊u'a nabbisara su wawine udde, “Sarangkanambone apan ipa'apulunu maola'a pussaanu nawul᷊ite lai, wuṛṛu al᷊awo'u pa'a'alanu wuṛṛu araṛṛamagu nawul᷊ite. I'o tate maasomba apia!”

SONDAPPA 18:19

Ne i mangitou nangalassen awu su pua mangitou maola'a tatiala lullal᷊o, see nilumuai wuṛṛu u'ui, “Uare, wal᷊ine hampa silakane soa apan wahewalla indi! Pa'a'alane suete naaola'a anambon taumata apan uatahuanna apalla su tahal᷊oangnga nabbal᷊i ala! Arawe tumba'u sulal᷊ummu sangkaorassa, i tou inawul᷊ianten al᷊awo'u sarannapa!”

SONDAPPA 18:3

Ana waugu al᷊awo'u walahanna suete na'inumma anggoru apulum pasasandage. Manga ratu su runia sussandaga ringanni tou, wuṛṛu manga mabbawal᷊u'a su runia nabbal᷊i ala ringannu apulune apan tawe ia'ul᷊inna udde.”