SONDAPPA 17:9 - WUKE SUSI WATTI'U AL᷊AL᷊USASSA

⁹ Su olangnge indi ṛinone pia apande wuṛṛu pasasunna. Pua pitu udde eteudde pitu wuidda; eteudde manga wuidda tampam bawine udde ua'ianna. Wuṛṛu pitu pua udde lai, eteudde sire pitu ratu:

SONDAPPA 17:9 Iomraidhean Croise

DANIEL 12:4

Ana see mala'ekatta udde nabbisara apia si ya'u, “Daniel, tutuwa'e buke udde orassa indi, wuṛṛu reeten segele tadea'u sidutu uatutuba maddatingngu panguddusannu tempo. Manambo taumata sarun maannamma manaṛṛasidda apa apan tantal᷊anna nariaddi. Arawe sahaddi mangitou udde mangke tawe gunane.”

HOSEA 14:9

Taumatan Israel sarun mandammen manga paal᷊uanna apan sassubbanne; i mangitou Ta'u paddul᷊iananna wuṛṛu Ta'u daringiṛṛanna aal᷊iomanne. Naal᷊ihidda aaluanna apan uasaṛṛihalo rongngane, i Ya'u sarun manirungnga si mangitou. Ete i Ya'u punnu al᷊awo'u al᷊amatti mangitou. I Ya'u, Mawu, buatte nabbisara.”

MATIUS 13:11

Mawu Yesus sinumimbakka, “Ana waugu i yamiu suete nionggol᷊annu al᷊amatta ipani'attu addapingnga su ola'u ereapa Ruata mamarenta, arawe i mangitou tawe nionggol᷊anna.

MATIUS 24:15

“I yamiu sarun maasilo ‘Al᷊al᷊eo apan maahohakka’, ere suete niapasingkatti Nabi Daniel, uarisikka su tampa susi. (Iapasingkatta su mabbawasa: Ṛingira'a apa atappasanne!)

SONDAPPA 13:1

Wua'udde i ya'u naasilo sambau winatangnga nilumapputa wuassu lal᷊ummu tahal᷊oangnga. I tou pia tatandunge mapul᷊o wuṛṛu puane pitu. Suapan tatandunge pia araposan araratuanna, wuṛṛu suapan puane uawoṛṛetta sambau aranna aal᷊uandaga su Ruata.

SONDAPPA 13:18

Isindi ṛinone pia apande. Taumata apan masiṛṛongnga wotongnge mandeengngu atappasanne wuassu anambon winatangnga udde, ana waugu reenganna udde, eteudde arannu sangkatou taumata. Reenganne eteudde 666.

SONDAPPA 17:18

Wawine apan niasiloannu udde, eteudde soa apan wahewalla apan uaparenta manga ratu su runia.”

SONDAPPA 17:3

See Ghaṛṛahon Ruata nangintaṛṛo si ya'u, wuṛṛu mala'ekatta udde nangapi'u watukku wadda'a. Poiaroddi ya'u naasilo sangkatou wawine ua'ianna su wowon sambau winatangnga wambul᷊une maṛṛamu uaitumma, wuṛṛu napenem boṛṛetta ringannu manga aranna aal᷊uandaga su Ruata. Winatangnga udde puane pitu wuṛṛu tatandunge mapul᷊o.

SONDAPPA 17:7

See mala'ekatta udde nabbisara si ya'u, “Anio i'o tinumiangnga? Mappianne i ya'u mamasingkata si'o addapingu wawine udde wuṛṛu addapingu winatangnga apan sasa'eanne, eteudde winatangnga pitu puane wuṛṛu mapul᷊o tatandunge.