SONDAPPA 17:5 - WUKE SUSI WATTI'U AL᷊AL᷊USASSA

⁵ Su pakkane uawoṛṛetta sambau aranna apan ia'addappinga. Aranna udde eteudde, “Babel Apan Wahewalla, inangngu manga sumasandaga wuṛṛu taumata lal᷊eo su runia.”

SONDAPPA 17:5 Iomraidhean Croise

YESAYA 3:9

Ala'uanni mangitou apan mawunga mapal᷊iatta'u al᷊al᷊eon mangitou. Ringannu matualaga i mangitou narosate ere taumatan Sodom paarorone. Nasilakate i mangitou! I mangitou mandantan asasilaka su watanganni mangitou sassane.

YEHEZKIEL 16:35

Ei Yerusalem, sumasandaga, paddaringikke apa apan niwisara Mawu Apan Atanggaṛṛanne, “I'o buatte nalluatta laungngu, wuṛṛu ere sumasandaga i'o nantillu watangannu su manga apulunu wuṛṛu su manga paal᷊uanna apan maarantinna udde. Manga anangngu nipatenu wuṛṛu niolangngu sasamba su manga paal᷊uanna udde.

FILIPI 3:19

Wiakku manga taumata ereudde panginsueanne papate, ana waugu mawu mangitou eteudde apulun wadangngi mangitou sassane. Manga inolaanna apan maasili, eteudde ipammunga mangitou; ana waugu i mangitou tumba'u maṛṛingiddu manga inolaanna apan ipaapulun dunia indi.

2 TESALONIKA 2:7

Atatohassa apan mammanara al᷊al᷊eo udde mannatakke mammanara ringannu mal᷊anna-l᷊annaba, arawe ta'e tataṛṛanganna. Napawe mananaṛṛange udde suete niapaasal᷊iu,

SONDAPPA 1:20

Ete indi addapinga wuassu anumpitanna pitu apan niasiloannu su lima uanang-Ku, wuṛṛu wuassu pitu leddan sol᷊o wul᷊awanna udde: Anumpitanna pitu udde eteudde manga mala'ekatta su pitu jamaatta, wuṛṛu pitu leddan sol᷊o udde eteudde pitu jamaatta udde.”

SONDAPPA 11:8

Wuṛṛu winal᷊unanni mangitou sarun iapatal᷊allada su amatannu soa wahewalla, suapa Mawu mangitou niarussa. Aranna sasanato'u soa udde, eteudde Sodom ara'e Mesir.

SONDAPPA 14:8

Mala'ekatta aruane nanansuna mala'ekatta paarorone lapiddu inumui, “Nanawote! Soam Babel apan wahewalla nanawote! I tou suete na'ola'a al᷊awo'u walahanna niwu'annu anggore – eteudde anggore wuassu apulun sasandage!”

SONDAPPA 16:19

Soa wahewalla udde natahia tallung kaadoanna, wuṛṛu naṛṛimunsa'e lai manga soa su anambon araratuanna su runia. See Ruata naanaungnga Babel apan wahewalla udde. Ne Ruata napa'inummi tou anggore wuassu cawannu Ruata – eteudde anggoru asasa'u-Ne apan nangillembo.

SONDAPPA 17:1

Wua'udde sangkatou wuassu sire pitu mala'ekatta apan uaggasa cawanna pitu udde nirumanta ringangku wuṛṛu nabbisara, “Wette, i ya'u sarun manta'e si'o ereapa sumasandaga apan wahewalla udde sarun iṛṛuumanna, eteudde soa wahewalla apan niapararisikka su winggi manga sal᷊ukka.

SONDAPPA 17:2

Manga ratun runia ma'ola'a al᷊al᷊eo ringanni tou, wuṛṛu tumana'u runia nabbal᷊i wu'anna ana waugu na'inumma anggoru sasandage.”

SONDAPPA 17:7

See mala'ekatta udde nabbisara si ya'u, “Anio i'o tinumiangnga? Mappianne i ya'u mamasingkata si'o addapingu wawine udde wuṛṛu addapingu winatangnga apan sasa'eanne, eteudde winatangnga pitu puane wuṛṛu mapul᷊o tatandunge.

SONDAPPA 18:2

Ringannu tingikka apan ma'ikkatta, i tou inumui, “Nanawote! Babel wahewalla nanawote! Orassa indi i tou nabbal᷊ite tampa manga setanna wuṛṛu manga ghaṛṛaho lal᷊eo. Sulal᷊umme mabbiakka al᷊awo'u hati manu'a apan lal᷊eo wuṛṛu ia'arantinu taumata.

SONDAPPA 18:21

Napawe wua'udde, sangkatou mala'ekatta apan matohassa namengketa sambau watu – ere ahewallu watung gahilinganna apan wahewalla – see tinuntunga watukku tahal᷊oangnga lapiddu nabbisara, “Arendi olangnge soam Babel apan tinumelengke udde sarun iramme ringannu ma'ikkatta ma'oman sara tate asombanganna apia.

SONDAPPA 19:2

Pallaṛṛuung-Nge matul᷊idda wuṛṛu masiṛṛonga! I Tou suete naṛṛuumannu sumasandaga apan wahewalla, apan nandal᷊eo runia ringannu sasandage. Ruata suete naṛṛuumannu sumasandaga udde, ana waugu ete i tou namate manga allangngu Ruata.”

SONDAPPA 7:3

Mala'ekatta udde nabbisara, “Paal᷊iwue'o manggohakku ammaranne ara'e tahal᷊oangnga, ara'e manga aaluanna amungkangu yami taambe nangonggolu tatiala segele su pakkanu manga allangngu Ruatang kite.”