SONDAPPA 17:11 - WUKE SUSI WATTI'U AL᷊AL᷊USASSA

¹¹ Wuṛṛu winatangnga apan rorone suete nabbiakka, arawe tempo indi tate nabbiakka lai; eteudde ratu aual᷊une. I tou udde sangkatou wuassu wallatu sire pitu ratu udde lai, apan orassa indi tantal᷊anna mattudan tampa apateanne.

SONDAPPA 17:11 Iomraidhean Croise

SONDAPPA 13:10

“Taumata apan ṛinone iṛṛuumanna, atonna i tou sarun iṛṛuumanna. Wuṛṛu taumata apan ṛinone pateannu hal᷊ele, atonna i tou sarun pateannu hal᷊ele. Ana waugu udde walahannu Ruata ṛinone matammuda wuṛṛu matuṛṛuta.”

SONDAPPA 13:12

Su saruannu winatanga apan paarorone udde i tou nappaattu taṛṛino apan wahewalla apan niasombanganne wuassu winatangnga udde lai. Ahewallu runia wuṛṛu anambon apan uatana'a su wowone, niwata'a massubba winatangnga paarorone udde, apan lessane wahewalla napiate.

SONDAPPA 13:3

Sambau wuassu wallatu pitu puam winatangnga udde aellehanna ere lessa apan wahewalla, arawe lessa udde napiate. Ahewallu runia uatantalongnga winatangnga udde ringannu tuttiangnga.

SONDAPPA 17:8

Winatangnga udde rorone suete nabbiakka, arawe orassa indi tate mabbiakka apia. Ete adio'a lai tou sumabbanga wuassu rampisu papate wuṛṛu inai mattudan tampam papatene. Manga taumata apan mabbiakka su runia, apan aranne tawe uawoṛṛetta sulal᷊ummu Wuken Taumata Wiakka tantal᷊anna runia taambe niriaddi sarun tumiangnga napawe maasilo winatangnga udde. Ana waugu winatanga udde rorone suete nabbiaka. Orassa indi i tou tate nabbiaka lai, arawe i tou sarun rumanta apia.