SONDAPPA 16:4 - WUKE SUSI WATTI'U AL᷊AL᷊USASSA

⁴ Wua'udde mala'ekatta atallune nallal᷊innu lal᷊oṛṛon cawanne su manga sal᷊ukka wuṛṛu manga al᷊imatan ua'e, ne al᷊awo'u ua'ene nabbal᷊i ṛaṛṛa.

SONDAPPA 16:4 Iomraidhean Croise

DARALO 78:44

Manga sal᷊ukki mangitou niwal᷊u nabbal᷊i daṛṛa, na'oman sara i mangitou tawe na'inumma ua'ene.

SASABANGNGA 8:5

Mawu nabbisara si Musa, “Doloṛṛa'e i Harun mamal᷊aattu ta'inne su manga sal᷊ukka, manga enggesanne wuṛṛu manga li'u tadea'u manga aakka sumapputta wuṛṛu mamene leta'u Mesir.”

YESAYA 50:2

Anio wuassu uma-U tawe saran sangkatou sinumimbakka, sutempo i Ya'u mammaggo si mangitou? Apa i mangitou mal᷊annabba ana waugu massunna i Ya'u tawe mapaamallossa wuṛṛu maapanal᷊amatta si mangitou? Atonna-tonna, wuassu parenta-Ku tahal᷊oangnga nabbal᷊i mamara, manga sal᷊ukka Ta'u niola'a wadda'u anne, na'oman sara manga inassa nate wuṛṛu hal᷊urune mawukku'a.

YEHEZKIEL 35:8

Manga wowone sarun Ta'u omboannu manga winal᷊unannu, wuidda wuṛṛu wawal᷊anne sarun Ta'u peneannu sol᷊en pangalo.

HOSEA 13:15

Salaiwe Israel mabbiakka sulal᷊umanna'a ere nannal᷊o apan masuwukka, arawe i Ya'u sarun mandolokku anginna ra'i apan mal᷊oso wuassu wadda'a mamara. Anginna udde sarun mapamanaran anambon al᷊imatan kua'e wuṛṛu manga paṛṛihi, ma'oman sara mawul᷊ite sarangkanambone apan maarega.

SONDAPPA 11:6

I mangitou pia taṛṛino ipanutubba langitta tadea'u tawe manguranna tantal᷊anna i mangitou mammasingkatu watti'u Ruata. I mangitou uatahuanna lai taṛṛino su anambon al᷊imatan ua'e, ipamal᷊u ua'e mabbal᷊i ṛaṛṛa. Wuṛṛu i mangitou uatahuanna lai taṛṛino ipamuulla runia ringannu al᷊awo'u hating kasasusa, suapan tempo ipaapulu mangitou.

SONDAPPA 14:7

Mala'ekatta udde u'ui ringannu tingikka apan ma'ikkatta, “Aata'utten Ruata wuṛṛu paddalote awawantu-Ge! Ana waugu nia'omante tempone Ruata mamarikissa taumata. Subbaite i Tou apan nandiaddi langitta, runia, tahal᷊oangnga wuṛṛu al᷊awo'u al᷊imatan ua'e!”

SONDAPPA 16:5

I ya'u naaringikka mala'ekatta apan uataṛṛino ua'e nabbisara, “Ṛuumanna apan niemangngu udde matul᷊idda, I'o Lembon Susi, Ruata apan nirumanta, wuṛṛu nirumantate!