SONDAPPA 14:7 - WUKE SUSI WATTI'U AL᷊AL᷊USASSA

⁷ Mala'ekatta udde u'ui ringannu tingikka apan ma'ikkatta, “Aata'utten Ruata wuṛṛu paddalote awawantu-Ge! Ana waugu nia'omante tempone Ruata mamarikissa taumata. Subbaite i Tou apan nandiaddi langitta, runia, tahal᷊oangnga wuṛṛu al᷊awo'u al᷊imatan ua'e!”

SONDAPPA 14:7 Iomraidhean Croise

PANDARIADDI 22:12

“Imbaṛṛangnga mamate ana'a udde ara'e olaannu ereapa i tou,” unnu Mawu sulal᷊ummu mala'ekata udde. “Orassa indi i Ya'u masingkatta manungku i'o maadatta wuṛṛu matuṛṛutta si Ya'u, ana waugu i'o tawe nanol᷊a'a manantillu anangngu tinggassa udde si Ya'u.”

NEHEMIA 9:6

Wua'udde tumana'u Israel niumal᷊iomanna arendi, “Ete I'o Mawu, Ete I'o apan Lembontinggassa; I'o na'ola'a anumpitanna wuṛṛu ahewallu winalanganna, see lai tahal᷊oangnga wuṛṛu runia see al᷊awo'u lal᷊oṛṛone, see I'o nangonggollu pabbiaṛṛanna wuṛṛu I'o nappaddul᷊i. Ete Si'o al᷊awo'u taṛṛino su langitta u'al᷊intudda massubba; i mangitou niumaruutta Si'o wuṛṛu massaṛṛubbawa.

DARALO 115:15

Antimanna i yamiu al᷊amatannu Mawu, mandariaddi langitta wuṛṛu runia!

DARALO 124:8

Aontolla si ite darantane wuassu Mawu apan nandiaddi langitta wuṛṛu runia.

DARALO 33:6

Mawu nanita, ne langitta nariaddite; matannallo, wul᷊anna wuṛṛu anumpitanna niola'u ṛengetan-Ne.

DARALO 36:1

Su piaṛṛa'u mangangantari. Wuassi Daud, allangu Mawu.

DARALO 89:7

Su langitta tawe sul᷊ungnge ere I'o, oh Mawu, tawe riaddiannu surga apan uasul᷊ung-Ngu.

DARALO 95:5

I Tou uataṛṛino tahal᷊oangnga; ana waugu i Tou ma'aolangnge, ammaranne lai lanna'u lima-Ne.

SASABANGNGA 20:11

Sulal᷊ummu tempo annummu allo, i Ya'u, Mawu, na'ola'a runia, langitta, tahal᷊oangnga, wuṛṛu al᷊awo'a sulal᷊umme, arawe su allo appitune i Ya'u nangillol᷊o. Ana waugu udde i Ya'u, Mawu, nangal᷊amatta allon Sabat wuṛṛu niṛṛae passubanna si Ya'u.

YESAYA 40:3

Pia tingikka apan u'ui, “Saddiate lal᷊annu Mawu su wadda'u anne. Tul᷊idde lal᷊anna wahewalla su wadda'a mal᷊alangnga hunan Duatan kite!

YESAYA 40:6

Pia tingikka apan mabbisara, “Wattia'e!” I ya'u naiwal᷊o, “Apa apan sarun ta'u iwatti'a?” “Wattia'e manungku taumata naal᷊ihidda wal᷊abbukka, naal᷊ihidda bunga apan tumba'u tal᷊ang kaddio'a aṛṛansange.

YESAYA 40:9

Saate su wowone apan matanggakka, wuṛṛu al᷊iata'e watti'u al᷊al᷊uassa su Yerusalem! Pangintul᷊ite ringannu tingikka matelengnga, wuṛṛu al᷊iata'e watti'u al᷊al᷊uassa su Sion! Wal᷊oa'e su manga soan Yehuda manungku Ruata mangitou sarun dumanta!

YESAYA 42:12

Mappianne i mangitou mamantuga Mawu, wuṛṛu mamasingkatti Tou su manga wanua marau.

YESAYA 44:23

Paggiote ringannu al᷊al᷊uassa, ei langitta, paggiote, ei wantan dunia! Paggioten lal᷊uassa, ei manga wowone! see lai mahurangnge wuṛṛu suapan punnu alu sulal᷊umme! Ana waugu Mawu buatte napal᷊iatta'u awawantu-Ge ringannu nanubbussa Israel uman-Ne.

YESAYA 58:1

Mawu nabbisara, “Pangintul᷊ite ringannu ahewallu auatanna! Pasingkata'e su uma-U manga rosa mangitou.

YEREMIA 10:10

Arawe I'o, Mawu, Ruata apan naṛṛino, Ruata mangangonggllu wiakka, ratu sarangkal᷊o'enge. Amungkangngu I'o masa'u, runia umio'a, amungkangngu I'o mamansagga manga walahanna tawe maataṛṛanga. (

YEHEZKIEL 7:2

“Ei taumata apan mattate, i Ya'u, Mawu Apan Atanggaṛṛanne, ṛinone mamasingkattu wisara indi su Israel: Ete indi pangudusannu watti'u ahewallu wanua indi!”

YEHEZKIEL 7:6

Orassa indi sarangkanambone nuddusse. Ete indi panginsueannu. Tate antimma lai si yamiu.

DANIEL 8:19

“I ya'u sarun mamasingkatta si'o apa apan sarun mariaddi sal᷊immurine maola'a pangillul᷊eannu asasa'un Duata. Ana waugu sondapa udde mapal᷊iatta'u panguddusannu runia.

HOSEA 8:1

Mawu nabbisara, “Patuntingia'e tatialan pangalo! Seetta namangalo wanua-Ku naal᷊ihidda asiaṛṛe nangametta inanne! Uma-U nilumawangnga paaire-U ringanni mangitou, wuṛṛu nilumawangnga manga tatantiro-U.

MALEAKHI 2:2

Pangaddatte si Ya'u ringannu pallal᷊agunu. Amungkangngu i yamiu maddiri maddaringikka wisara-U, i yamiu sarun Ta'u wontohanna. Sarangkanambone apan sengkamanni yamiu ma'ola'a al᷊amatta sarun mawal᷊u mabbal᷊i wawontoga. Mangke atonna, sarangkanambone apan mapia udde buatte Ta'u niwontohanna, ana waugu i yamiu tawe maddaringikka parenta-U.

MATIUS 25:13

See Mawu Yesus nanginsuete sasumandingnga udde arendi, “Ana waugu udde paariaga, ana waugu i yamiu wagga allone ara'e oranne.”

LUKAS 17:18

Anio tumba'u taumata raho indi nabelengnga ma'adiangkamanna su Ruata?”

WATTI'U MANGA RASUL 14:15

“Ei, anio i yamiu ma'ola'a arendi? I yami indi taumata ere lai yamiu! I yami rudanta mamasingkattu Watti'u Al᷊al᷊uassa si yamiu tadea'u i yamiu manantangngu inolaanna lal᷊eo indi wuṛṛu rumanta ringannu Ruata apan biakka, nandiadi langitta wuṛṛu runia wuṛṛu tahal᷊oangnga wuṛṛu anambon lal᷊oṛṛone.

YOSUA 7:19

I Yosua nabbisara si Akhan, “Ana'u, panga'ute wuṛṛu wal᷊oa'e uahahati isindi su saruannu Mawu Ruatan Israel, sarangkanambone apan buatte niolangu. Wal᷊oa'e si ya'u, arie pabbunia'a.”

1 PETRUS 4:7

Sarangkanambone maraniten panginsueanne, ana waugu udde ṛinone i yamiu ua'ul᷊inna apulun wadangnga wuṛṛu uariagga, tadea'u i yamiu wotongnge umal᷊iomanna.

SONDAPPA 11:13

Ne su tempo udde nariaddite linukka apan masaddata. Sepermapul᷊o wuassu soa udde naṛṛimunsa'a, wuṛṛu pitu ṛiwu taumata nate ana waugu linukka udde. Manga taumata waine lembon matta'utta, see i mangitou nadalote awawantugu Ruata su surga.

SONDAPPA 11:18

Manga taumata apan tawe maaillal᷊a Mawu, mammangalo ana waugu temponete I'o mapaasabangu asasa'u-Nu, wuṛṛu temponete lai I'o mamarikissa manga taumata nate. Ete indi tempone ipangonggolu lal᷊antake su manga allang-Ngu, manga nabi, wuṛṛu su anambon pabbawala-Gu, eteudde anambon taumata apan mattaṛṛamawu Si'o, timmade ara'e dario'a Ete indi tempone ipaṛṛimunsa'a manga taumata apan naṛṛimunsa'a runia!”

SONDAPPA 15:4

Isai apan tawe matta'uttu, Mawu? Isai maddiri mamasingkatu awawantu-Gu? Tumba'u I'o apan na'ukkassa. Al᷊awo'u walahanna sarun rumanta massubba Si'o ana waugu manga parenta-Nu apan matul᷊idda suete niaasiloannu anambon taumata.”

SONDAPPA 16:9

Taumata natutungngu sal᷊ihangnge, wuṛṛu i mangitou namontoga arannu Ruata, apan uataṛṛino manga asasusa udde. Salaiwe aroddi, i mangitou maddiri mawal᷊u wuassu manga rosa mangitou wuṛṛu maddiri maddalo awawantugu Ruata.

SONDAPPA 18:10

I mangitou sarun rumarisikka wuassu marau ana waugu i mangitou matta'uttu asasusane. I mangitou nabbisara, “Uare, wal᷊ine hampa silakane soa apan tinumelengke indi – soam Babel apan matohassa! Tumba'u sulal᷊ummu sangkaorassa ṛuumannu suete niapaamatta!”

SONDAPPA 18:17

Arawe tumba'u sulal᷊ummu sangka orassa, i tou niawul᷊iantem paa'alane udde!” Anambon apitenna, sumasa'ene, wuṛṛu masanaene, see anambon taumata apan manarane su tahal᷊oangnga, uarisikka wuasu marau.

SONDAPPA 18:19

Ne i mangitou nangalassen awu su pua mangitou maola'a tatiala lullal᷊o, see nilumuai wuṛṛu u'ui, “Uare, wal᷊ine hampa silakane soa apan wahewalla indi! Pa'a'alane suete naaola'a anambon taumata apan uatahuanna apalla su tahal᷊oangnga nabbal᷊i ala! Arawe tumba'u sulal᷊ummu sangkaorassa, i tou inawul᷊ianten al᷊awo'u sarannapa!”

SONDAPPA 19:5

See niaringiṛṛana wuassu adderan araratuanna udde tingikku wisara apan mabbisara, “Paddalote Ruata, ei manga allangngu Ruata, wuṛṛu anambon taumata – timmade dario'a – apan massubba Ruata!”

SONDAPPA 4:11

“O Mawu, O Ruatang kami! Tumba'u I'o sassane apan wotongnge manengkama daralo, addata wuṛṛu taṛṛino. Ana waugu ete I'o apan na'ola'a sarangkanambone, wuṛṛu wuassu apulu-Nu lai sarangkanambone udde suete nariaddi wuṛṛu wiakka.”

SONDAPPA 4:9

Siri appata riadianna udde mangngantari antarin daralo, addata wuṛṛu a'adiangkamanna si Tou apan ua'ianna su adderan araratuanna udde, eteudde i Tou apan wiakka saran mal᷊annu-l᷊annu. Wuṛṛu su tempo manga riadianna udde mangngantari,

SONDAPPA 8:10

Wua'udde mala'ekatta atallune nattiuppa trompeti tou, ne sambau anumpitanna apan wahewalla, lukkenggama ere sol᷊o, nanawo wuassu langitta, see nema'a su sepertiga wuassu manga sal᷊ukka wuṛṛu al᷊imatan ua'e.

1 SAMUEL 6:5

Nariaddi, yamiu ṛinone mattanno ola'u manga hanne wuṛṛu su wal᷊awo apan masaddatta su wanuanu. Ringannu aroddi yamiu mangngaddatta Mawu Ruatan Israel. Asinungka i Tou tate makkuumanni yamiu, manga mongannu see lai manga letangngu.