SONDAPPA 14:6 - WUKE SUSI WATTI'U AL᷊AL᷊USASSA

⁶ See i ya'u naasilo sangkatou mala'ekatta waine apan tuttalla'a matanggaka su langitta. Mala'ekatta udde uaapiddu watti'a su ola'u Watti'u Al᷊al᷊uassa apan awasa iapaasingkatta su taumatan runia eteudde su anambon walahanna, ṛuanganna, wahasa wuṛṛu araratuanna.

SONDAPPA 14:6 Iomraidhean Croise

PANDARIADDI 1:6

Wua'udde Ruata nabbisara, “Ariadite sambau atuppa ual᷊e'onna ipattahia ua'e udde mariaddi darua, wuṛṛu maṛṛapingnga ua'e sulal᷊ummu darua tampa apan uaṛṛae.” Ana see olangnge udde nariadite. Ete aroddi Ruata na'ola'a atuppa ual᷊e'onna ipaṛṛaen kua'e su al᷊ungnge udde wuassu ua'e al᷊iu rosone.

2 SAMUEL 23:5

Aroddi lai papapulungku nial᷊amatannu Ruata, pa'aire-Ne si ya'u, tawe mawal᷊u, pa'aire-Ne udde mal᷊annu-l᷊annu wuṛṛu nasuungnga, mangke sidutu uaatokka su sarangkanambone. Ruata uariaga auntungangku wuṛṛu nangutungngu al᷊awo'u apulun naungku.

DARALO 119:142

Atatul᷊iddu Mawu mattaṛṛangnga sarangkal᷊o'engnge, wuṛṛu tita-Nu sidutu naṛṛino.

DARALO 139:24

Ellehete tanne pia al᷊al᷊eo sulal᷊ummu riri'u, wuṛṛu i ya'u sulal᷊anna apan tawe panguddusanne.

DARALO 145:13

Pamamarenta-Nu sidutu su al᷊o'engngu tempo, taṛṛino-Nu mattaṛṛangnga maṛṛawa mappulunna. Mawu matuṛṛutta su anambon paaire-Ne, i Tou napenen darangngu sulal᷊ummu al᷊awo'u inolaan-Ne.

YESAYA 40:8

Wal᷊abbukka nabbal᷊i mamara wuṛṛu bunga tinumolangnga, arawe ṛengetannu Ruatan kite mattatana'a saran mal᷊annu-l᷊annu.”

YESAYA 45:17

Arawe Israel niapasal᷊amattu Mawu; asasal᷊aman-Ne sarun mattaṛṛangnga. I ya'u sarun tawe pansilianna wuṛṛu al᷊uandahanna saran mal᷊annu-l᷊annu.’ ”

YESAYA 51:6

Pa'ellege langitta wuṛṛu panailete runia; langitta sarun mawul᷊i ere timbulla wuṛṛu runia sarun matabbe ere laṛṛeme, anambon tumanangnge sarun mate ere namu'a. Arawe asasal᷊amatta apan Ta'u nionggolla sidutu sarangkal᷊o'enge, wuṛṛu auntungang-Ku tawe panguddusanne.

YESAYA 51:8

I mangitou sarun mate wuṛṛu mawul᷊i, naal᷊ihidda laubba niannu wa'u'a wuṛṛu mal᷊aṛṛenessa wambul᷊un domba niannu wa'u'a. Arawe asasal᷊amatta apan Ta'u nionggolla sidutu sarangkal᷊o'enge, auntungang-Ku uata'a sara maṛṛana'a mappulunna.”

YESAYA 6:2

Uapal᷊iwutta si Tou uarisikka manga riaddianna apan lukkenggamma ere putungnga, sambau-sambau pia papaidde annumma. Papaidde darua ual᷊indumma hatine, darua uataappa waddangnge, wuṛṛu darua lai ipappaatta tuttalla'a.

YEHEZKIEL 1:14

Manga riadianna udde sassane u'al᷊ore inawarendi ere al᷊ihakku sawallo.

DANIEL 4:1

Eteindi papasingkati Ratu Nebukadnezar apan niiringnge su manga taumata wuassu al᷊awo'u walahanna, ṛuangannu walahanna wuṛṛu wahasa su ahewallu runia: “Tabbean paddarame!

DANIEL 9:21

Tantal᷊anna i ya'u u'al᷊iomanna, Gabriel apan buatte ta'u niassiloanna sulal᷊ummu sonda'u apan paarorone udde, tuttalla'a mattudda ringangku. Orassa udde temponete taumata mangonggollu sasamban bawallo.

MATIUS 10:27

Apa apan Ta'u iwal᷊o si yamiu su marandumma, ṛinone isul᷊eng kamiu apia su semakku allo. Wuṛṛu apa apan isasal᷊imburungnga su tal᷊inganu, wal᷊oa'a udde su awada'alla.

MARKUS 16:15

See Mawu Yesus nabbisara si mangitou, “Roote su ahewallu runia wuṛṛu wal᷊oa'e Watti'u Al᷊al᷊uassa wuassu Ruata udde su anambon taumata.

ROMA 16:25

Daralo su Ruata! I Tou uataṛṛino mannohassa pangangimannu tuṛṛangnga nassul᷊ungngu Watti'u Al᷊al᷊uassa wuassu Ruata apan ta'u iapaasingkatta su ola'u Yesus Kristus. I ya'u namasingkatu watti'a udde nassul᷊ungngu ere apa apan niapaal᷊iatta'u Ruata; eteudde su ola'u paa'apulun Ruata apan mal᷊annute awaganannu taumata.

KOLOSE 1:23

Arawe i yamiu ṛinone sidutu matuṛṛutta mangngimanna wuṛṛu matohassa uarisikka su pangangimannu. Imbaṛṛanga i yamiu mamallosu antimma apan suete nionggolla si yamiu su tempo i yamiu nanengkamma Watti'u Al᷊al᷊uassa wuassu Ruata. Watti'a udde suete niapaasingkata su anambon taumata su ahewallu runia. Wuṛṛu ana waugu udde lai ya'u, Paulus, naola'e darol᷊oṛṛan-Ne.

2 TESALONIKA 2:16

Doronganna Mawun kite Yesus Kristus sassane, wuṛṛu Ruata Iamangngi ite malluassa wuṛṛu manohassa naungngu, tadea'u i yamiu wotonge maamanara wuṛṛu mamasingkatu apapia. Ana waugu Ruata marangngu si ite, wuṛṛu ana waugu apapia naung-Nge i Tou napaatammuda wuṛṛu mangngantimma apapia.

IBRANI 13:20

Ruata suete napaawiakku Mawung kite Yesus Kristus wuassu papate. Ana waugu papate-Ne udde i Tou orassa indi naola'a Mallal᷊u'adda Mawantuga si ite, eteudde manga dombane. Papate-Ne udde lai mannohassa pa'aire apan tawe pangudusanne apan niola'u Ruata ringanni ite.

1 PETRUS 1:25

arawe ṛengetannu Ruata siddutu sarangkal᷊oengnge.” Ṛengetanna udde Watti'u Al᷊al᷊uassa apan suete niapaasingkata si yamiu.

SONDAPPA 10:11

Wua'udde i ya'u nirolokka, “Wattia'a paassa lai watti'u Ruata su ola'u manga walahanna, manga araratuanna, manga wahasa, wuṛṛu manga ratu.”

SONDAPPA 10:7

Arawe napawe mala'ekatta appitune nattiuppa trompeti tou, Ruata sarun ma'ola'a ṛiin-Ne apan uawuni, ere suete niwatti'a su manga allang-Nge eteudde manga nabi.”

SONDAPPA 13:7

I tou niwala lai lullawanna walahannu Ruata lapiddu mandugi si mangitou. Wuṛṛu taṛṛino su al᷊awo'u walahanna, araratuanna, wahasa, wuṛṛu walahanna nionggolla si tou.

SONDAPPA 3:10

Ana waugu i yamiu suete tinumuṛṛuta parenta-U tadea'u mangngimanna, i Ya'u lai sarun manillumma si yamiu wuassu tempon asasusa apan sarun mariaddi su ahewallu runia. Olangnge udde sarun mariaddi ipamono'a anambon taumata su runia.

SONDAPPA 5:9

I mangitou mangngantarin sambau antari apan bakku: “I'o wotongnge manganu wuke udde wuṛṛu mamesangnga manga segelene. Ana waugu I'o suete nipate, wuṛṛu ringannu papate-Nu, taumata wuassu al᷊awo'u ṛuanganna wahasa, araratuanna, wuṛṛu walahanna suete niwallian-Nu hunane su Ruata.

SONDAPPA 8:13

Ana see i ya'u na'ellega, ne i ya'u naaringikka sambau manu'a rajawali tantal᷊anna tuttalla'a matanggakka su winalanganna, u'ui, “Silaka! Silaka! Nasilakate anambon taumata su runia napawe niaringiṛṛante sire tallu mala'ekatta waine apan mattiuppa trompenne murine!”