SONDAPPA 13:4 - WUKE SUSI WATTI'U AL᷊AL᷊USASSA

⁴ Wuṛṛu i mangitou maddalo naga udde ana waugu i tou suete nangonggolu taṛṛinone su winatangnga udde. Wuṛṛu i mangitou massubba winatangnga udde lai. I mangitou nabbisara, “Tawe sul᷊ungnge winatangnga indi! Tawedu wotongnge mamangalo lumawanna si tou!”

SONDAPPA 13:4 Iomraidhean Croise

SASABANGNGA 15:11

Ruata suapane apan botongnge maasul᷊ungnga Si'o, oh Mawu Apan Lembon Mawantuga wuṛṛu na'ukkassa? Isai wotongnge mappa'ola'a manga al᷊aṛṛindu'a wuṛṛu inolaanna apan bahewalla ere Mawu?

YESAYA 46:5

Ringanni sai i yamiu mappulu manumanding-Ku? Apa piaddu wotongnge isul᷊ungnga si Ya'u?

2 KORINTUS 4:4

Monganna lal᷊eo apan uaparenta runia indi nakkapingnga ṛingirannu manga taumata apan tawe mangimanna udde. Monganna apan sidutu mannal᷊are si mangitou tadea'u i mangitou tawe maasilo semakka wuassu Watti'u Al᷊al᷊uassa udde, su ola'u awawantugi Kristus, apan naola'a lihiddu Ruata.

TAHIUL᷊E 9:2

Manga taumatane wahahewalla wuṛṛu matohassa wa'ikke; i mangitou udde wawalla, wuṛṛu i yamiu buatte naaringikka manungku tawe saran sangkatou apan maaroappa si mangitou.

2 TESALONIKA 2:4

Ringannu mawunga i tou sarun lumawangnga wuṛṛu mananggaku watangan-Ne su anambon inolaanna apan sassubbannu taumata, ara'e anambon paal᷊uanna apan sassunnannu taumata udde Ruata. Ewe'e lai i tou sarun uma'ianna sulal᷊ummu Wal᷊e Duata wuṛṛu mamasingkata manungku eteudde i tou Ruata.

SONDAPPA 12:3

See niasiloante apia su langitta sambau apan ma'aṛṛindu'a. Pia sambau naga maṛṛamu apan wahewalla atonna pia puane pitu wuṛṛu tatandunge mapul᷊o. Suapan puane pia araposan araratuanna.

SONDAPPA 12:4

Ringannu tol᷊ene i tou nanggemonnu sepertiga wuassu manga anumpitanna su langitta wuṛṛu nituntunga watukku runia. Naga udde uarisikka su saruannu wawine apan mangunsiwete udde ringannu panduma mangallupa anangnge, napawe i tou niasungkangke.

SONDAPPA 13:11

See i ya'u naasilo sambau winatangnga waine sinumabbanga wuassu lal᷊ummu runia. I tou pia tatandunge darua ere tatandu'u ana'u domba. Tingikke ere tingikku naga.

SONDAPPA 13:15

Winatangnga aruane udde niwala mangonggolu singangu su paal᷊uanna udde, na'oman sara paal᷊uanna udde wotongnge mabbisara wuṛṛu mamate anambon taumata apan maddiri massubba si tou.

SONDAPPA 13:2

Winatangnga apan ta'u niasiloanna udde olangnge naal᷊ihidda ere macan tutul, wuṛṛu leddane naal᷊ihidda beruangnga, wuṛṛu sasumigge naal᷊ihidda sasumiggu singa. See winatangnga udde nionggol᷊annu naga atatohassi tou sassane, wuṛṛu adderan araratuanne, wuṛṛu taṛṛinone apan bahewalla.

SONDAPPA 17:14

I mangitou sarun mamangalo lumawanna Ana'u Domba udde. Arawe Ana'u Domba udde wuṛṛu mallal᷊aṛṛenggen-Ne apan matuṛṛuta apan suete niwagoan-Ne wuṛṛu nipile-Ne udde sarun mapaarugi manga ratu udde, ana waugu ete i Tou Mawun al᷊awo'u tuangnga, wuṛṛu Ratun al᷊awo'u ratu.”

SONDAPPA 18:18

Wuṛṛu nangintul᷊i su tempo i mangitou naasilo timbula susapputta wuassu putungnga apan mannutungnga soa udde. I mangitou inumui, “Tawe saran paassa pia soa waine apan wahewalla ereindi!”

SONDAPPA 9:20

Arawe lambem walahannu taumata apan tawe nipate manga asasusa udde, tawe lai manantangngu lanna'u lima mangitou sassane. I mangitou tawe illol᷊one massubba manga ghaṛṛaho lal᷊eo wuṛṛu manga paal᷊uanna wul᷊awanna, sal᷊a'a, witu'a, watu wuṛṛu alu apan tawe maasilo wuṛṛu tawe maaringikka, ara'e lai maa'amatta.

1 SAMUEL 17:24

Napawe taumatan Israel naasilo si Goliat, i mangitou nampattal᷊angngu atata'utta.