SONDAPPA 13:2 - WUKE SUSI WATTI'U AL᷊AL᷊USASSA

² Winatangnga apan ta'u niasiloanna udde olangnge naal᷊ihidda ere macan tutul, wuṛṛu leddane naal᷊ihidda beruangnga, wuṛṛu sasumigge naal᷊ihidda sasumiggu singa. See winatangnga udde nionggol᷊annu naga atatohassi tou sassane, wuṛṛu adderan araratuanne, wuṛṛu taṛṛinone apan bahewalla.

SONDAPPA 13:2 Iomraidhean Croise

2 MARARATU 2:24

I Elisa nanaile wuṛṛu nanutudda si mangitou ana see nantal᷊an mangitou ringannu arannu Mawu. Orassa udde lai darua beruanga wawine sinumabbanga wuassu mahurange wuṛṛu namaṛṛu wadangu appatu pul᷊o dua su atoune al᷊aṛṛana'a wuassu wallattu manga al᷊aṛṛana'a udde.

DARALO 22:21

Liuaawe niawa'u wuassu hal᷊ele, sal᷊amatewe i ya'u wuassu aṛṛauttu asu.

AMSAL 17:12

Mapianne massomban inangngu beruangnga apan niawul᷊iannu anangnge, wuassu ringannu taumata woddo apan niumal᷊iwun awawawoddone.

AMSAL 28:15

Taumata lal᷊eo apan uaparenta taumata su awussa, naal᷊ihidda singa mammiṛṛonganna ara'e beruangnga apan tumambote.

YESAYA 5:29

Manga tantarane mammaṛṛo ere singa apan wakkute nanametta sinangngone, see tinal᷊angnge, wuṛṛu taweddu maapallossa.

YEREMIA 13:23

Wotongnge taumata maitumma mamal᷊u kaluren pisine, ara'e harimau mamul᷊in woṛṛentenge? Udde tawe mariaddi! Aroddi lai i yamiu apan ninumarampe ma'ola'a al᷊al᷊eo tawe mariaddi ma'ola'a apapia.

YEREMIA 5:6

Ana waugu i mangitou sarun pateannu singa wuassu mahurangnge, wuṛṛu ringanna wangngasannu serigala wuassu wadda'u anne. Macan tutul sarun mammal᷊intadda maddea'a inassa maranin manga soa mangitou, wuṛṛu suapan taumata apan sumabbangnga sarun tamboanne. Sarangkanambone udde mariaddi ana waugu i mangitou manambote rosane, wuṛṛu masokka-sokka tumal᷊i'udda Ruata.

HOSEA 11:10

Mawu nabbisara, “Uma-U sarun tumantalongnga si Ya'u napawe i Ya'u mamiṛṛinganna ere singa wuṛṛu mammata'utta seetti mangitou. Uma-U sarun masasaṛṛawutta rumanta wuassu samba'a waṛṛatta tadea'u massubba si Ya'u.

AMOS 3:12

Naal᷊ihidda sangkatou mallal᷊u'adda winatangnga apan naasangkalla tumba'u sampare ledda ara'e sampoto tal᷊ingan dombane apan buatte niaṛṛattu singa, aroddi lai tumba'u addio'a apan sarun matantangnga wuassu tumana'u Samaria apan orassa indi matema-temangnga mattiilla su lallowanganne apan mapia.”

AMOS 5:19

Olangnge naal᷊ihidda taumata apan tinumal᷊angngu watanganne wuassu singa, arawe nassomban beruangnga. Arawe ere taumata apan napul᷊e watukku wal᷊en wuṛṛu nangunsandakku limane su darandunga, ana see nipul᷊issu atonna!

HABAKUK 1:8

Awal᷊o mallihaṛṛanna wuassu macan tutul, wuṛṛu maṛṛagisanna wuassu serigala apan mal᷊unussa. Tantaran awal᷊onne nirumanta wuassu manga wanua marau; i mangitou nirumanta naahil᷊idda asiaṛṛe apan nangapatta inanne.

2 TIMOTIUS 4:17

Arawe Mawu uaringanna si ya'u. I Tou nangonggolu atatohassa na'oman sara i ya'u wotongnge mamasingkatu al᷊awo'u Watti'u Al᷊al᷊uassa udde, tadea'u daringiṛṛanu anambon taumata apan wal᷊ine Yahudi.

1 PETRUS 5:8

Ṛinone i yamiu paatehamma wuṛṛu paariagga! Ana waugu Setanna udde seetti yamiu. I tou ere singa u'amatta mammal᷊intadu runia lapiddu mannuntingikka maddea'a pabbawiakke.

SONDAPPA 12:13

Su tempo naga udde naatutukka manungku i tou nirammete su runia, i tou nanattakke mangngenggena wawine apan suete nangunsiwen ana'a esakka udde.

SONDAPPA 12:15

Ne naga udde napaasabbangu ua'e wuassu moṛṛonge apan manambo atonna watukku wawine udde, tadea'u mapa'elekki tou.

SONDAPPA 12:9

Naga apan bahewalla udde niramme su liudde! Ete i tou atoanna timmade udde apan aranne Setanna ara'e Ghaṛṛaho Lal᷊eo, apan nangawusu ahewallu runia. I tou niramme su runia su sambau ringannu manga mala'ekanne.

SONDAPPA 13:12

Su saruannu winatanga apan paarorone udde i tou nappaattu taṛṛino apan wahewalla apan niasombanganne wuassu winatangnga udde lai. Ahewallu runia wuṛṛu anambon apan uatana'a su wowone, niwata'a massubba winatangnga paarorone udde, apan lessane wahewalla napiate.

SONDAPPA 13:4

Wuṛṛu i mangitou maddalo naga udde ana waugu i tou suete nangonggolu taṛṛinone su winatangnga udde. Wuṛṛu i mangitou massubba winatangnga udde lai. I mangitou nabbisara, “Tawe sul᷊ungnge winatangnga indi! Tawedu wotongnge mamangalo lumawanna si tou!”

SONDAPPA 16:10

See mala'ekatta al᷊imane nallal᷊innu lal᷊oṛṛon cawanne su adderan araratuannu winatangnga udde. Ne ahewallu araratuannu winatangnga udde nabbal᷊i maranduma, wuṛṛu taumata mangngi'i lila ana waugu atataddu'a.

SONDAPPA 17:12

Mapul᷊o tatandu'a apan aellehanna udde, eteudde sire mapul᷊o ratu apan taambe nanattakka mamarenta. Arawe i mangitou sarun onggol᷊annu taṛṛino mamarenta maola'a sangkatou ratu su sambau ringannu winatangnga udde sulal᷊ummu sangkaorassa al᷊annune.

SONDAPPA 19:20

Ne winatangnga udde niasametta suadio'a ringannu nabi awusu apan suete na'ola'a manga al᷊aṛṛindu'a su saruannu winatangnga udde. (Ringannu manga al᷊aṛṛindu'a uddewe winatangnga udde nangawusu manga taumata apan uatahuanna tatialam binatangnga udde, wuṛṛu manga taumata apan massubba paal᷊uannu winatangnga udde.) See winatangnga udde wuṛṛu nabi awusu udde niramme ta'e wiakka sulal᷊ummu tahal᷊oangngu putungnga apan lukkenggama ringannu belerangnga.

SONDAPPA 2:13

I Ya'u masingkata suapa i yamiu uatana'a, eteudde su araratuannu Setanna. I yamiu matuṛṛuta si Ya'u. Ewe'e su tempo i Antipas, matatiala-U apan matuṛṛuta udde, nipate su saruannu su tampan Setanna, i yamiu tawe naddandila manungku i yamiu mangngimanna si Ya'u.

SONDAPPA 20:2

See i tou nanametta naga udde, atoanna timmade, – eteudde Setanna ara'e Ghaṛṛaho Lal᷊eo udde – wuṛṛu niṛṛapussa saṛṛiwu su tonanne al᷊annune.