SONDAPPA 13:15 - WUKE SUSI WATTI'U AL᷊AL᷊USASSA

¹⁵ Winatangnga aruane udde niwala mangonggolu singangu su paal᷊uanna udde, na'oman sara paal᷊uanna udde wotongnge mabbisara wuṛṛu mamate anambon taumata apan maddiri massubba si tou.

SONDAPPA 13:15 Iomraidhean Croise

PANDARIADDI 2:7

Wua'udde Ruata nanganu leta'a sangkompenga, niola'a nabbal᷊i sangkatou taumata, ana see napaasabangu singangu apan mangngonggollu wiakka sulal᷊ummu loṛṛangu ngirunne; ne nabbiakke taumata udde.

DARALO 115:5

I mangitou pia moṛongnga, arawe tawe maawisara, pia mata, arawe tawe maasilo.

YEREMIA 10:14

Naasilo sarangkanambone udde taumata naatutukke, manungku i tou woddo wuṛṛu tawe pasasunna. Manga basen wul᷊awanna niawul᷊iannu hatine, ana waugu paal᷊uanna sassubbanna lanna'u limane udde awusu wuṛṛu tawe sasangngone.

YEREMIA 10:5

Manga paal᷊uanna sassubbanna udde naal᷊ihidda saṛṛen taumata su waillu katimu. I mangitou tawe maawisara, wuṛṛu tawe maal᷊empangnga, wuṛṛu ṛinone a'bengketanna. Arie mata'utti mangitou, ana waugu i mangitou tawe ma'ola'a al᷊al᷊eo si yamiu; ma'ola'a apapia lai i mangitou tawe maaola'a.”

YEREMIA 51:17

Naasilo sarangkanambone udde naatutukke taumata, manungku i tou woddo wuṛṛu tawe passasunna. Manga mapapanden bul᷊awanna niawul᷊iannu aranne, ana waugu paal᷊uanna sassubbanna niolangnge palassu wuṛṛu tawe sasangngone.

DANIEL 7:20

I ya'u maapulu lai maasingkatta su ola'u mapul᷊o tanndu'a su puane wuṛṛu su ola'u tandu'a addio'a apan tinumuwo sal᷊immurine ana see nanawutta tallun bua wuassu manga tandu'a apan paarorone udde. Tandu'a addio'a udde pia matane wuṛṛu moṛṛongnga apan mattal᷊imoṛṛonggannu ringanu mawunga. I tou lembon maata'utta wuassu manga tanda'u apan waine udde.

DANIEL 7:25

I tou sarun mabbisara lumawangnga Ruata Apan Atanggaṛṛanne wuṛṛu mangallangnga umattu Ruata, wuṛṛu i mangitou sarunaggasanne al᷊annune tatallu setenga su tonnane.

YAKOBUS 2:26

Ne, su ereapa wadangnga ringannu tawe ghaṛṛaho, udde wadangnga nate, aroddi lai pangangimanna tawe pallal᷊agu, udde pangangimanna apan nate.

SONDAPPA 13:1

Wua'udde i ya'u naasilo sambau winatangnga nilumapputa wuassu lal᷊ummu tahal᷊oangnga. I tou pia tatandunge mapul᷊o wuṛṛu puane pitu. Suapan tatandunge pia araposan araratuanna, wuṛṛu suapan puane uawoṛṛetta sambau aranna aal᷊uandaga su Ruata.

SONDAPPA 13:12

Su saruannu winatanga apan paarorone udde i tou nappaattu taṛṛino apan wahewalla apan niasombanganne wuassu winatangnga udde lai. Ahewallu runia wuṛṛu anambon apan uatana'a su wowone, niwata'a massubba winatangnga paarorone udde, apan lessane wahewalla napiate.

SONDAPPA 13:14

Wuṛṛu anambon taumata apan mabbiakka su runia niawusuanne ringannu manga al᷊aṛṛindu'a apan botongnge olaanne su saruannu winatangnga apan paarorone udde. Wuṛṛu i mangitou sarangkanambone nirolokka mandarisikku sambau paal᷊uanna wuassu winatangnga apan suete nilessan hal᷊ele, arawe ta'e wiakka.

SONDAPPA 14:11

Timbula wuassu putungnga apan mannansara manga taumata udde sidutu tuttimbula saran mal᷊annu-l᷊annu. Allo ṛabbi tawe illol᷊one i mangitou sassansaranna, eteudde i mangitou apan massubba winatangnga udde wuṛṛu paal᷊uanne, anambon taumata apan pia tatialan arannu winatangnga udde!”

SONDAPPA 14:9

Sangkatou mala'ekatta atallune nanansuna darua mala'ekatta udde, lapiddu inumui ringannu tingikka ma'ikkatta, “Taumata apan massubba winatangnga udde ringannu paal᷊uanne, wuṛṛu pia tatialam winatangnga udde su pakkane ara'e su limane,

SONDAPPA 16:2

Ne mala'ekatta paarorone inaite wuṛṛu nallal᷊innu lal᷊oṛṛon cawanne su runia. Ne nilumappute manga pinsula apan mahiadda wuṛṛu tumaniten mataddu'a su anambon taumata apan pia tatialam winatangnga udde, wuṛṛu su manga taumata apan massubba paal᷊uanne.

SONDAPPA 16:5

I ya'u naaringikka mala'ekatta apan uataṛṛino ua'e nabbisara, “Ṛuumanna apan niemangngu udde matul᷊idda, I'o Lembon Susi, Ruata apan nirumanta, wuṛṛu nirumantate!

SONDAPPA 17:14

I mangitou sarun mamangalo lumawanna Ana'u Domba udde. Arawe Ana'u Domba udde wuṛṛu mallal᷊aṛṛenggen-Ne apan matuṛṛuta apan suete niwagoan-Ne wuṛṛu nipile-Ne udde sarun mapaarugi manga ratu udde, ana waugu ete i Tou Mawun al᷊awo'u tuangnga, wuṛṛu Ratun al᷊awo'u ratu.”

SONDAPPA 17:17

Ana waugu Ruata suete nangal᷊ore naungngi mangitou mapaamattu pandumannu Ruata. Ruata suete na'ola'a si mangitou sangkire ipanantillu taṛṛino mangitou su winatangnga udde, tadea'u winatangnga udde mamarenta ma'oman sara matipussa apa apan suete niapaasingkatu Ruata.

SONDAPPA 17:6

See i ya'u naasilo manungku wawine udde niwu'annu ṛaṛṛam walahannu Ruata wuṛṛu ṛaṛṛa manga taumata apan nipate ana waugu matuṛṛuta Mawu Yesus. Su tempo i ya'u naasilo wawine udde, ya'u tinumiangnga.

SONDAPPA 18:20

Ei surga, lala'e ana waugu aṛṛaṛṛimunsa'u soa udde! Ei, al᷊aṛṛana'u Ruata, manga rasul, manga nabi, lala'e! Ana waugu Ruata suete naṛṛuumanni tou maola'a sambau bawal᷊issu sarangkanambone apan niola'i mangitou si yamiu!

SONDAPPA 18:24

Babel niṛṛuumanna ana waugu sulal᷊ummu soa udde suete niasombanganna ṛaṛṛa manga nabi, ṛaṛṛa manga al᷊aṛṛana'u Ruata – aunne ṛaṛṛan anambon taumata apan suete nipate su wowon runia indi.

SONDAPPA 19:20

Ne winatangnga udde niasametta suadio'a ringannu nabi awusu apan suete na'ola'a manga al᷊aṛṛindu'a su saruannu winatangnga udde. (Ringannu manga al᷊aṛṛindu'a uddewe winatangnga udde nangawusu manga taumata apan uatahuanna tatialam binatangnga udde, wuṛṛu manga taumata apan massubba paal᷊uannu winatangnga udde.) See winatangnga udde wuṛṛu nabi awusu udde niramme ta'e wiakka sulal᷊ummu tahal᷊oangngu putungnga apan lukkenggama ringannu belerangnga.

SONDAPPA 20:4

See i ya'u naasilo manga adderan araratuanna, wuṛṛu manga taumata apan ua'ianna su manga adderan araratuanna udde inonggol᷊annu taṛṛino ipangema'u ṛuumanna. I ya'u lai naasilo manga ṛimuuddu taumata apan suete niponggo'a puane ana waugu i mangitou mattiala su ola'u Mawu Yesus, wuṛṛu mammasingkatu tanata Ruata. Manga taumata udde tawe massubba winatangnga, ara'e lai paal᷊uanne. I mangitou lai tawe saran paassa nanengkama tatiala manga winatangnga udde su pakkana ara'e su lima mangitou. Ne i mangitou nabbiakka apia wuṛṛu namarenta ere sangkatou ratu suadio'a ringanni Kristus saṛṛiwu su tonnane al᷊annune.