SONDAPPA 12:9 - WUKE SUSI WATTI'U AL᷊AL᷊USASSA

⁹ Naga apan bahewalla udde niramme su liudde! Ete i tou atoanna timmade udde apan aranne Setanna ara'e Ghaṛṛaho Lal᷊eo, apan nangawusu ahewallu runia. I tou niramme su runia su sambau ringannu manga mala'ekanne.

SONDAPPA 12:9 Iomraidhean Croise

PANDARIADDI 3:1

Atoanna eteudde sambau winatangnga apan apandeanne wuassu al᷊awo'u winatangnga apan niola'u Ruata. Atoanna udde naiwal᷊o wawine udde, “Apa Ruata atonna-tonna naningaddi raddua umanna manga wuan kaaluanna sulal᷊ummu wailla indi?”

PANDARIADDI 3:13

Ruata naiwal᷊o wawine udde, “Anio i'o na'ola'a udde?” Sasimbakke, “I ya'u niwahiannu atoanna, na'oman sara i ya'u niumanna wua'udde.”

1 TAWARIKH 21:1

Setanna maapulu manilaka taumatan Israel; ana waugu udde i tou nassal᷊o'i Daud tadea'u ma'ola'a pandareengnga.

2 TAWARIKH 18:21

Ghaṛṛaho udde sinumimbakka, ‘I ya'u sarun inai wuṛṛu anambon nabi-nabin Ahab iapaawusu.’ Mawu nabbisara, ‘Mapia, ola'e udde, i'o sarun maasal᷊o'i tou.’ ”

DARALO 109:6

Pilete sangkatou taumata lal᷊eo iapaṛṛuungnga si tou, wala'e i tou iala'e manga ro'amme.

YESAYA 14:12

Ei ratun Babel, dorone i'o anumpitanna aṛṛusuallo apan mal᷊ansiangnga, arawe orassa indi nundu'e su leta'a! Dorone i'o mammaddon manga walahanna, arawe orassa indi i'o nema'e su leta'a.

YESAYA 27:1

Sutempo udde Mawu sarun mappaattu hal᷊ele-Ne apan matohassa wuṛṛu maṛṛoro ipakkuumannu Lewiatan, atoanna apan tuttundo wuṛṛu mammul᷊issa udde, wuṛṛu ipamate nagan tahal᷊oangnga.

YESAYA 65:25

Serigala wuṛṛu ana'u domba su sampunna u'anna nannal᷊o; singa u'anna laṛṛami ere lai sapi, wuṛṛu atoanna tate lai maasilaka. Su ahewallu wui-U apan na'ukkassa, taweddu lai apan mallinga ara'e ma'ola'a al᷊al᷊eo.”

YEHEZKIEL 28:16

I'o tawe atanaanne mabbal᷊u'a, wuṛṛu eteudde apan nangapiddu watukku araṛṛagissa wuṛṛu rosa. Ne i'o Ta'u nilimbuaṛṛanna wuassu wowone-U apan na'ukkassa, wuṛṛu mala'ekatta uariaga si'o nallimbuakka si'o wuassu pattangngannu permata apan lullendappa udde.

MATIUS 13:39

Seetta apan nangasi'u akke, eteudde Setanna. Tempo mangitingnga eteudde Allong Kiamatta, wuṛṛu manga taumata apan mangitingnga, eteudde manga mala'ekattu Ruata.

MATIUS 24:24

Ana waugu sarun dumanta manga mananal᷊amatta awusu wuṛṛu manga nabi awusu. I mangitou sarun ma'ola'a al᷊awo'u inolaanna apan bahewalla, wuṛṛu manga al᷊aṛṛindu'a ipangawusu, amungkangngu wotongnge, al᷊aṛṛana'u Ruata lai.

MATIUS 25:41

See Ratu udde sarun mabbisara su manga taumata su samba'an aiṛṛiNe, ‘Roote wua isindi, manga taumata lal᷊eo! Suttate sulal᷊ummu putungnga apan tawe iapadumma, apan suete nissaddia su Setanna wuṛṛu su manga ralol᷊oṛṛanne!

MATIUS 4:1

Wua'udde Mawu Yesus niehettu Ghaṛṛahon Ruata watukku wadda'a, ana see iapawono'a su Setanna.

MATIUS 4:10

Mawu Yesus sinumimbakka, “Passal᷊iu i'o mamamono'a! Sulal᷊ummu Wuke Susi, uawoṛṛetta: Passubbate Mawu Ruatanu, wuṛṛu pangimbete si Tou sassane!”

MATIUS 4:5

Wua'udde Setanna nangapiddu Mawu Yesus watukku Yerusalem, soa na'ukkassa, wuṛṛu nangadoten Tou su wowon sal᷊awon Wal᷊e Mawu.

MATIUS 4:8

Wua'udde Setanna nangapidde Mawu Yesus su wuidda apan matanggakka atonna wuṛṛu tina'ete si Tou al᷊awo'u araratuanna su runia ringannu al᷊awo'u pa'aalane.

LUKAS 10:18

Mawu Yesus sinumimbakka, “I Ya'u naasilo Setanna nanawo wuassu langitta naal᷊ihida sawallo.

LUKAS 13:16

Ne, orassa indi pia sangkatou wawine papapulunni Abraham, apan mapul᷊ote ual᷊u su tonnane al᷊annune aiitannu Setanna. Apa i tou tawe iapaapallossa wuassu aiitta udde su allon Sabatta?”

LUKAS 22:3

Wua'udde Setanna nangintaṛṛo si Yudas apan isassago lai Iskariot, eteudde sangkatou wuassu sire mapul᷊o dua mallal᷊aṛṛenggennu Mawu Yesus.

LUKAS 22:31

“Simon, Simon, paddaringikka! Setanna suete niwala mamono'a si yamiu; ere gandumma iṛṛae wuassu wal᷊a'ane na'oman sara apan mappianne iṛṛae wuassu apan dal᷊eo.

LUKAS 8:12

Wualanna apan nanawo su lal᷊anna isassumandingnga su manga taumata apan madaringikka wisara udde. Arawe Setanna nirumanta wuṛṛu nangaṛṛo watti'a udde wuassu naungngi mangitou, tadea'u i mangitou tawe mangngimanna wuṛṛu tawe masal᷊amatta.

YOHANES 12:31

Tempone nia'omante runia parikisanna; orassa indi tembonannu runia tate ipaatta.

YOHANES 14:30

I Ya'u tate mabbisara manambo lai ringanni yamiu, ana waugu nia'omante tempone tembonannu runia indi rumanta. Arawe i tou tawe uataṛṛino su riri-U.

YOHANES 16:11

wuṛṛu manungku Ruata mannattake maṛṛuumanna, ana waugu tembonannu runia indi suete niṛṛuumanna.

YOHANES 8:44

Ete Setanna iamangngu, wuṛṛu i yamiu tuttuṛṛutta apulun iamangngu. Ro'en panataṛṛanne Setanna udde taṛṛa pate. I tou taambe saran paassa manamba'a apapia, ana waugu tawe apapia si tou. Amungkangngu i tou mangawusu, udde naṛṛino ana waugu ete aroddi pallal᷊agune. I tou taṛṛa awusu wuṛṛu punnu al᷊awo'u awusu.

WATTI'U MANGA RASUL 26:18

tadea'u i mangitou sumabangnga wuassu ararandumma wuṛṛu sumutta su asasemakka; tadea'u i mangitou mal᷊iu wuassu wawono'u Setanna, see mangngimante Ruata. Ne ringannu mangngimanna si ya'u, manga rosa mangitou sarun ampunganna wuṛṛu i mangitou sarun mareengnga su walahannu Ruata apan suete nipile.’ ”

WATTI'U MANGA RASUL 5:3

Ne i Petrus nabbisara si tou, “Ananias, anio i'o namalan Setanna namiaṛṛa'u naungngu, na'oman sara i'o nangawusu Ghaṛṛahon Ruata, ringannu mal᷊anna-l᷊annaba nama'ungnga roitta ipaannu sassane sambageanganna roitta la'unnu leta'a udde?

ROMA 16:18

Ana waugu manga taumata inolaanne aroddi, wal᷊inewe mammanara manaran Kristus Mawun kite, ewe'e tumba'u mappaal᷊uassu apulu naungngi mangitou sassane. Ringannu sasal᷊o'a wuṛṛu manga wisara apan mapia, i mangitou mammahia manga taumata apan waggan apa-apa.

ROMA 16:20

Ruata apan nangonggolu paddarame su taumata, mal᷊ihakke mandolokku Setanna massuṛṛubawa su taṛṛinonu wuṛṛu maṛṛimunsa'a si tou. Antimanna manga tuṛṛangnga sidutu aal᷊amatanni Yesus Kristus Mawun kite!

2 KORINTUS 11:14

Tawe iaherangnga pallal᷊agu mangitou aroddi, ana waugu Setanna lai sassane mattingkaola'a naal᷊ihida ere mala'ekattu asasemakka!

2 KORINTUS 11:3

Arawe i ya'u sussinggawangnga ṛingiṛṛannu, sarun awono'anna tawe tumuṛṛutta si Kristus, ere Hawa paarorone lai inawono'annu atoanna.

2 KORINTUS 12:7

Arawe tadea'u i ya'u tawe tumaniten mamarabunga ana waugu aellega apan wahewalla udde, i ya'u nionggol᷊annu lihiddu radda'a su wadangku apan maola'a ahiddu Setanna. Radda'a udde nionggola ipamuulla si ya'u, tadea'u i ya'u tawe mamarabunga.

2 KORINTUS 2:11

I ya'u na'ola'a udde tadea'u Setanna tawe maapanganu tempone ipamarenta si ite, ana waugu i ite masingkatu manga pandumanne.

2 KORINTUS 4:4

Monganna lal᷊eo apan uaparenta runia indi nakkapingnga ṛingirannu manga taumata apan tawe mangimanna udde. Monganna apan sidutu mannal᷊are si mangitou tadea'u i mangitou tawe maasilo semakka wuassu Watti'u Al᷊al᷊uassa udde, su ola'u awawantugi Kristus, apan naola'a lihiddu Ruata.

EFESUS 4:14

Ne i ite tate maola'a lai al᷊aṛṛana'a apan nial᷊iwune, wuṛṛu iaapiddu al᷊awo'u hatin al᷊aṛṛa'u manga taumata apan taṛṛa awusu. I mangitou mangngal᷊iwun taumata ringannu wawahian mangitou.

2 TESALONIKA 2:3

Salaiwe ereapa, arie mapaawalan taumata mangawusu si yamiu. Ana waugu tantal᷊anna taambe nia'omanna allo udde, ṛinone mariaddi dorone olangnge indi: Manambo taumata sarun massinaadda, maddandilli Kristus; wuṛṛu Taumata Lal᷊eo apan suete nitantuna iapaasutta su naraka, sarun mamasilon batanganne.

1 TIMOTIUS 2:14

Wuṛṛu wal᷊ine Adam, ewe'e ete wawine apan niawono'anna, na'oman sara nilumawangnga parentan Duata.

2 TIMOTIUS 3:13

arawe manga taumata lal᷊eo wuṛṛu manga taumata taṛṛa l᷊inga sarun mabbal᷊i lembon al᷊eoanne. I mangitou mallinga taumata waine, wutte'e i mangitou sassane nial᷊inganna lai.

IBRANI 2:14

Ana waugu manga taumata apan nisaggon i Tou ana'a udde, eteudde sangkatou taumata apan wotonge mate, ne Mawu Yesus sassane naola'a uasul᷊ungngi mangitou wuṛṛu mabbiakka sulal᷊ummu ola'u taumata. I Tou na'ola'a aroddi, tadea'u ringannu papate-Ne i Tou wotongnge maṛṛimunsa'a Setanna apan uataṛṛino papate.

1 PETRUS 5:8

Ṛinone i yamiu paatehamma wuṛṛu paariagga! Ana waugu Setanna udde seetti yamiu. I tou ere singa u'amatta mammal᷊intadu runia lapiddu mannuntingikka maddea'a pabbawiakke.

1 YOHANES 5:19

I ite masingkatta manungku i ite pussa'an Duata, salaiwe ahewallu runia indi su al᷊ungngu taṛṛinon Al᷊al᷊eo.

YUDAS 1:9

Mikhael sassane, apan naola'a tembonannu manga malaekatta, tawe pallal᷊agu ereudde. Su tempo i tou natatiakku Setanna sulal᷊ummu pabbawawul᷊o su ola'u isai apan naasomba winal᷊unanni Musa, Mikhael tawe waṛṛani makkuumannu Setanna ringannu wisara ipangngadio'a. Mikhael tumba'u nabbisara, “Mawu sarun mamul᷊o si'o”!

SONDAPPA 12:12

Ana waugu udde, ṛinone surga wuṛṛu sarangkanambone apan uatana'a sul᷊alumme, lumala'a! Arawe nasilakate runia wuṛṛu tahal᷊oangnga, ana waugu Setanna sinumossokke ringanni yamiu ringannu asasa'une apan Bahewalla, ana waugu i tou masingkata, manungku tempone tate mal᷊annu lai.”

SONDAPPA 12:3

See niasiloante apia su langitta sambau apan ma'aṛṛindu'a. Pia sambau naga maṛṛamu apan wahewalla atonna pia puane pitu wuṛṛu tatandunge mapul᷊o. Suapan puane pia araposan araratuanna.

SONDAPPA 12:7

See su surga nariaddite pangalo. I Mikhael wuṛṛu manga mala'ekanne mapapangalo lumawanna naga udde. Wuṛṛu naga udde lai nilal᷊imannu manga mala'ekanne, lumawanna si Mikhael.

SONDAPPA 12:8

Arawe naga udde niapaarugi. I tou wuṛṛu manga mala'ekanne tate iwala matana'a su surga.

SONDAPPA 13:14

Wuṛṛu anambon taumata apan mabbiakka su runia niawusuanne ringannu manga al᷊aṛṛindu'a apan botongnge olaanne su saruannu winatangnga apan paarorone udde. Wuṛṛu i mangitou sarangkanambone nirolokka mandarisikku sambau paal᷊uanna wuassu winatangnga apan suete nilessan hal᷊ele, arawe ta'e wiakka.

SONDAPPA 16:14

I mangitou eteudde manga ghaṛṛaho lal᷊eo apan ma'ola'a manga al᷊aṛṛindu'a. Tatallu ghaṛṛaho udde inaite su anambon manga ratu su ahewallu runia wuṛṛu nangammule mangitou mapapangalo su Allo apan wahewalla, eteudde Allo wuassu Ruata Lembon Taṛṛino.

SONDAPPA 18:2

Ringannu tingikka apan ma'ikkatta, i tou inumui, “Nanawote! Babel wahewalla nanawote! Orassa indi i tou nabbal᷊ite tampa manga setanna wuṛṛu manga ghaṛṛaho lal᷊eo. Sulal᷊umme mabbiakka al᷊awo'u hati manu'a apan lal᷊eo wuṛṛu ia'arantinu taumata.

SONDAPPA 18:23

Taumata tate lai maasilo semakku sol᷊o sulal᷊ummu soa; wuṛṛu tate aringiṛṛana lai ramea andeangngu awingnga isudde. Manga mabbawal᷊u'i yamiu eteudde manga taumata apan tinumelengke su runia, wuṛṛu ringannu manga apandem wal᷊i'immatanu i'o mangngawusu alawo'u walahanna su runia!”

SONDAPPA 19:20

Ne winatangnga udde niasametta suadio'a ringannu nabi awusu apan suete na'ola'a manga al᷊aṛṛindu'a su saruannu winatangnga udde. (Ringannu manga al᷊aṛṛindu'a uddewe winatangnga udde nangawusu manga taumata apan uatahuanna tatialam binatangnga udde, wuṛṛu manga taumata apan massubba paal᷊uannu winatangnga udde.) See winatangnga udde wuṛṛu nabi awusu udde niramme ta'e wiakka sulal᷊ummu tahal᷊oangngu putungnga apan lukkenggama ringannu belerangnga.

SONDAPPA 2:13

I Ya'u masingkata suapa i yamiu uatana'a, eteudde su araratuannu Setanna. I yamiu matuṛṛuta si Ya'u. Ewe'e su tempo i Antipas, matatiala-U apan matuṛṛuta udde, nipate su saruannu su tampan Setanna, i yamiu tawe naddandila manungku i yamiu mangngimanna si Ya'u.

SONDAPPA 2:24

Arawe i yamiu waine su Tiatira apan maddiri tumuṛṛutta al᷊aṛṛa'a lal᷊eo udde, wuṛṛu maddiri mangurumma al᷊aṛṛa'u Setanna. I Ya'u mabbisara manungku i Ya'u tawe manamba winabbawanu apan mawakkata.

SONDAPPA 2:9

I Ya'u masingkatu manga asasusanu; i Ya'u masingkata i yamiu asiangnga arawe wutte'e yamiu ala! I Ya'u masingkatu manga aal᷊uandaga apan ipangal᷊uandaga si yamiu wuassu manga taumata apan mangnga'u ririne Yahudi, wutte'e wal᷊ine; ete i mangitou udde walahannu Setanna!

SONDAPPA 20:10

See Setanna apan nangawusu si mangitou udde, tinuntunga sulal᷊ummu tahal᷊oangngu putungnga wuṛṛu belerangnga. Ete isudde tampane winatangnga wuṛṛu nabi awusu udde niramme paarorone. I mangitou sarun sansaranna allo ṛabbi saran mal᷊annu-l᷊annu.

SONDAPPA 20:8

wuṛṛu i tou sarun inai mangawusu walahanna apan uasal᷊iawukka su ahewallu runia, eteudde Gog wuṛṛu Magog. Setanna nangammuli mangitou inai mapapangalo, sambau ammul᷊anna apan wahewalla atonna, ere anne su tahal᷊oangnga.

SONDAPPA 3:9

Naungete indi: Manga taumata apan naola'a walahannu Setanna udde, manga taṛṛa awusu apan mangnga'u watanganne Yahudi wutte'e wal᷊ine, sarun Ta'u olaanna ma'oman sara i mangitou rumanta umal᷊intudda su saruannu. Wuṛṛu i mangitou sarun maasingkata manungku i Ya'u marangngu si yamiu.

SONDAPPA 9:1

See mala'ekatta al᷊imane nattiuppa trompeti tou, wuṛṛu i ya'u naasilo sambau anumpitanna nanawo wuassu langitta su wowon runia.

SONDAPPA 9:20

Arawe lambem walahannu taumata apan tawe nipate manga asasusa udde, tawe lai manantangngu lanna'u lima mangitou sassane. I mangitou tawe illol᷊one massubba manga ghaṛṛaho lal᷊eo wuṛṛu manga paal᷊uanna wul᷊awanna, sal᷊a'a, witu'a, watu wuṛṛu alu apan tawe maasilo wuṛṛu tawe maaringikka, ara'e lai maa'amatta.