SONDAPPA 11:3 - WUKE SUSI WATTI'U AL᷊AL᷊USASSA

³ I Ya'u sarun mandolokku ruang katou tiala-U apan ual᷊uṛṛem peddeta ilallal᷊o, wuṛṛu i mangitou sarun mamasingkatu watti'u Ruata al᷊annune 1260 su allone.”

SONDAPPA 11:3 Iomraidhean Croise

PANDARIADDI 37:34

I Yakub nanggesa'a laungnge ana waugu massusa wuṛṛu nalluṛṛen laubbu lalal᷊o. Aroddi al᷊annune i tou lulluain anangnge udde.

2 SAMUEL 3:31

Wua'udde i Daud namarenta si Yoab wuṛṛu tantarane tadea'u manggesa'a laubbi mangitou, wuṛṛu malluṛen nasa lullal᷊o lapiddu lumuain Abner. Ne sutempo i mangitou nanguntuddu asuangnga, i Ratu Daud sassane u'amatta su liuddu asuangnga.

1 MARARATU 21:27

Napawe i Elia nuddusse nabbisara, i Ahab nanggesa'a laungnge wuṛṛu nalluṛṛen laubba karongnga naola'a tatiala sussassilla, ana see nappuassa. Sutempo mati'illa lai i tou nappaattu nasa karongnga, wuṛṛu amungkangngu umamatta, hatine sidutu massusa.

2 MARARATU 19:1

Sutempo i Ratu Hizkia naaringikka aalae wuassu siri tallu udde, i tou nanggesa'a launge wuṛṛu nalluṛṛen nasa karonga tatialan massusa, ana see i tou inaite watukku Wal᷊en Mawu.

1 TAWARIKH 21:16

I Daud naasilo mala'ekatta udde tuttalla'a suwallatu langitta wuṛṛu runia. Ringannu uaagassa hal᷊ele, mala'ekatta udde nasaddiate makkimunsa'a Yerusalem. Ne i Daud wuṛṛu manga matatimmadu tumanangnge, apan sutempo udde tantal᷊anna ual᷊uṛṛen laubba karongnga maola'a tatiala sussassila, niumal᷊intudda su leta'a.

NEHEMIA 9:1

Su allo darua pul᷊o appatta wul᷊anna udde lai, tumana'u Israel naammulla. I mangitou nappuasa tadea'u mapal᷊iatta'u sasassilla ana waugu manga rosan mangitou. I mangitou naṛṛaen batanganne wuassu anambon taumata raho. Naola'a tatiala massusa, i mangitou nalluṛṛen nasa karongnga wuṛṛu nanal᷊iawukku leta'a su pua. Wua'udde i mangitou dirumarisikka wuṛṛu nanga'u al᷊awo'u rosan mangitou wuṛṛu rosan al᷊amonan mangitou.

AYUB 16:15

I ya'u ual᷊uṛṛen karongnga tatialan masusa, wuṛṛu ua'ianna su awu ana waugu niawaddo.

DARALO 69:11

I ya'u lulluai wuṛṛu nappuasa arawe i mangitou mangngadio'a si ya'u.

YESAYA 22:12

Sutempo udde Ruata Apan Atanggaṛṛanne wuṛṛu Lembontaṛṛino nandolokki yamiu lumuai wuṛṛu lumallu, mallunggukka pua wuṛṛu malluṛṛe nasa karongnga.

YEREMIA 1:10

Allo indi i Ya'u mangonggolla si'o taṛṛino su manga walahanna wuṛṛu manga araratuanna – taṛṛino ipanuwangnga wuṛṛu ipangema'a, tadea'u ipamaddo wuṛṛu ipamate, iapararisikka wuṛṛu ipassuanna.”

LAL᷊ALLU 2:10

Manga matatimmadu soa ua'ianna nimmoune su leta'a; i mangitou mannal᷊iawukku awu su pua wuṛṛu nalluṛṛen nasa karongnga tatialan massusa. Manga maṛṛuala lai niumaruutu puane sara leta'a.

YEHEZKIEL 4:6

Wua'udde, lallowangke su samba'a aikkatanna wuṛṛu pattemmate ṛuumanna ana waugu pasasal᷊an Yehuda appatu pul᷊o su allone al᷊annune, allo massallo udde atappasanne santonna ṛuumanni mangitou.

DANIEL 12:7

Taumata waine udde namatte na ta'iakke ruan ba'a watukku langitta. I ya'u naaringikka i tou nassalu ringannu arannu Ruata apan awasa wuṛṛu nabbisara, “Manga arariadianna udde umamatta al᷊annune tatallu setenga su tonnane. Napawe pandal᷊al᷊eo su saruannu umattu Ruata nasuete, ne masuete lai manga arariadianna apan maatiangnga udde.”

DANIEL 7:25

I tou sarun mabbisara lumawangnga Ruata Apan Atanggaṛṛanne wuṛṛu mangallangnga umattu Ruata, wuṛṛu i mangitou sarunaggasanne al᷊annune tatallu setenga su tonnane.

DANIEL 8:14

I ya'u naaringikka mala'ekatta sangkatou lai sinumimbakka, “Maddatingngu 1.150 su alonne lai. Su al᷊annunne udde sasamban bawallo wuṛṛu sasamban marua allo tate iongolla. Wua'udde wakutte wal᷊en patataṛṛamawuanna sarun isul᷊e apia.”

YOEL 1:13

Ei manga imam apan mangngimbe su mezbah, palluṛṛeten nasa karongnga, wuṛṛu lalluaite. Suttate su Wal᷊en Mawu tadea'u sumangitta saṛṛabbi tuudda, ana waugu tate sasamba anggore wuṛṛu gandumma su Ruatanu.

YUNUS 3:5

Tumana'u Niniwe mangngimanna tanatan Duata udde. Anambon tumanangnge nakkawessa tadea'u mappuasa, wuṛṛu anambon taumata, mawae timmadde ara'e lai dario'a, malluṛṛen nasa karongnga ipamasingkatta manungku i mangitou sinumassillu manga rosan mangitou.

YUNUS 3:8

Taumata wuṛṛu winatangnga ṛinone mappaattu nasa karongnga. Maola'a tatialan sasassillu anambon taumata ṛinone umal᷊iomanna ringannu atonna-tonna su Ruata. I mangitou ṛinone mangapia pallal᷊agune apan dal᷊eo wuṛṛu inolaanne apan nepenen dosa.

REENGANNA 11:26

Ruan katou su wallatu siri pitun pul᷊o piaṛṛangnge udde, i Eldad wuṛṛu i Medad, natana'a su paddasananna wuṛṛu tawe inai suadio'a ringanni ngana'a waine watukku Rasannu Mawu. Su paddasananna udde Ghaṛṛaho Mawu niumonto'a sitarua, ne itarua lai mannatakke lai mabbisara ere sangkatou nabi.

MATIUS 11:21

“Nasilakate yamiu Korazim! Wuṛṛu nasilakate lai yamiu, Betsaida! Unnu wisara manga al᷊aṛṛindu'a apan niola'a su pattangnganni yamiu suete niola'a su Tirus wuṛṛu Sidon, asinungka manga taumata poiaroddi mal᷊annute nawal᷊u wuassu paddarosa mangitou wuṛṛu suete nalluṛṛen laubbu massusa, see nandenoten awu su pua mangitou.

MATIUS 18:16

Arawe amungkangngu tawe, apira'e sangkatou ara'e ruang katou lai. Ana waugu sulal᷊ummu Wuke Susi uawoṛṛetta, ‘Mattingkatul᷊ungnga darua ara'e sire tallu sakassi pandumanne mapal᷊iatta'u sangkatou niaṛṛiaannu pasasal᷊a.’

LUKAS 10:13

“Nasilakate i yamiu Korazim! Wuṛṛu nasilakate i yamiu Betsaida! Unnu wisara manga al᷊aṛṛindu'a apan niola'a su pattangnganni yamiu udde suete niola'a su soan Tirus wuṛṛu Sidon, manga taumata poiaroddi mal᷊annute nawal᷊u wuassu manga rosa mangitou, wuṛṛu nalluṛṛeten laubbu asasusa see nangadon awu su pua mangitou.

LUKAS 24:48

Ete i yamiu maola'a manga tatialane wuassu sarangkanambone udde.

YOHANES 15:27

Wuṛṛu i yamiu lai ṛinone mangonggolu tatiala su ola'u riri-U ana waugu i yamiu uaaukke ringang-Ku ro'en paarorone.

YOHANES 3:27

I Yohanes sinumimbakka, “Taumata tawe maatahuanna al᷊awo'a amungkangngu tawe ionggolu Ruata si tou.

WATTI'U MANGA RASUL 1:8

Arawe i yamiu sarun maasomba taṛṛino, amungkangngu Ghaṛṛahon Ruata nirumantate ringanni yamiu. Wuṛṛu yamiu sarun ma'ola'a manga tatiala-U su Yerusalem, su ahewallu Yudea, su Samaria, wuṛṛu sara pentakku runia.”

WATTI'U MANGA RASUL 13:31

Wua'udde manga pira allo al᷊annune i Tou nirumanta namasilon batangan-Ne su manga taumata apan suete nirumanta ringanni Tou wuassu Galilea watukku Yerusalem. Ete i mangitou udde orassa indi naola'a manga tatialan Tou su walahannu Israel.

WATTI'U MANGA RASUL 2:32

Ete Mawu Yesus udde apan niapaawiakku Ruata apia wuassu papate. Iami sarangkanambone suete naasilo sassane olangnge udde.

WATTI'U MANGA RASUL 3:15

Manga tuṛṛangnga namate si Tou, sumbal᷊i ete i Tou punnu wiakku taumata nambo. Wuṛṛu Ruata suete napaawiakki Tou apia wuassu papate. Wuṛṛu i yami suete naasilo sassane olangnge udde.

1 KORINTUS 12:28

Aroddi lai sulal᷊ummu jamaatta, Ruata buatte nangatokku tampan al᷊awo'u taumata: Paarorone manga rasul; aruane manga nabi, atallune manga huru, see i mangitou apan ma'ola'a al᷊aṛṛindu'a, wua'udde i mangitou apan nionggol᷊annu al᷊amatta mapaapian taumata waine, ara'e ma'ola'a mamamiaṛṛa'a, ara'e lai iapaawisara ringannu al᷊awo'u sasinaukka apan maaṛṛindu'a.

2 KORINTUS 13:1

Indi atallunete i ya'u rumanta mattembo si yamiu. Sulal᷊ummu Wuke Susi uawoṛṛetta, “Suapan hatto ṛinone pia matatialane darua ara'e sire tallu, wakkute udde hatto udde atonna.”

EFESUS 4:11

Ete i Tou apan “nangonggolu manga aonggola su taumata”; sangkawageanganna nitenega naola'a rasul, waine naola'a nabi; wuṛṛu waine lai naola'a mamamasingkatu Watti'u Al᷊al᷊uassa udde, wuṛṛu waine lai netenega naola'a manga huru wuṛṛu mamamadul᷊i jamaatta.

TAHIUL᷊E 17:6

Arawe i tou tumba'u wotongnge iṛṛuumanna amungkangu pia ruan katou mattiala ara'e nilumebbe; sangkatou taumata tawe wotongnge iṛṛuumanna pateanna amungkangngu tumba'u sangkatou matatialane.

TAHIUL᷊E 19:15

“Tumba'u sangkatou matatiala tawe ipaatta mapal᷊iatta'u sangkatou niansil᷊anna udde nassal᷊a; mattingkatul᷊unga ruan katou pappandumanna su hatto udde.

SONDAPPA 1:5

wuṛṛu wuassi Yesus Kristus, mattatiala apan matuṛṛuta. Ete i Tou apan paarorone niapaawiakka apia wuassu papate wuṛṛu ete i Tou ahebbal᷊anne uaparenta manga ratun runia. Mawu Yesus mandangngu si ite, wuṛṛu ringannu papate-Ne, i Tou napaal᷊iung kite wuassu manga rosang kite,

SONDAPPA 11:2

Arawe arie manguukka rallaka su samba'an liuddu Wal᷊e Mawu udde, ana waugu wageangnge udde suete tinantilla su manga taumata apan tawe maaillal᷊a Mawu. I mangitou sarun maṛṛinda soa apan susi udde appatu pul᷊o dua su wul᷊anne al᷊annune.

SONDAPPA 11:6

I mangitou pia taṛṛino ipanutubba langitta tadea'u tawe manguranna tantal᷊anna i mangitou mammasingkatu watti'u Ruata. I mangitou uatahuanna lai taṛṛino su anambon al᷊imatan ua'e, ipamal᷊u ua'e mabbal᷊i ṛaṛṛa. Wuṛṛu i mangitou uatahuanna lai taṛṛino ipamuulla runia ringannu al᷊awo'u hating kasasusa, suapan tempo ipaapulu mangitou.

SONDAPPA 12:6

Ne wawine udde tinumal᷊angnga su wadda'a, su tampa apan suete nissaddian Ruata si tou. Su tampa udde i tou sarun paddul᷊iananna 1260 allo al᷊annune.

SONDAPPA 13:5

Winatangnga udde niwala mabbisara manga inolaanna apan ipammunga wuṛṛu ipangngal᷊uandaga Ruata. I tou niwala mammarenta appatu pul᷊o dua su wul᷊anne al᷊annune.

SONDAPPA 19:10

I ya'u nassumaga su saruannu mala'ekatta udde ana waugu nassubba si tou, arawe i tou nabbisara si ya'u, “Arie! Arie passubba si ya'u, passubbate Ruata! Ana waugu i ya'u lai allangnga ere i'o wuṛṛu ere anambon tuṛṛangu apan uaaggasa matohassa su watti'u Mawu Yesus!” Ana waugu ete watti'u Mawu Yesus udde mannantiro manga taumata apan mabatti'u papatta.

SONDAPPA 20:4

See i ya'u naasilo manga adderan araratuanna, wuṛṛu manga taumata apan ua'ianna su manga adderan araratuanna udde inonggol᷊annu taṛṛino ipangema'u ṛuumanna. I ya'u lai naasilo manga ṛimuuddu taumata apan suete niponggo'a puane ana waugu i mangitou mattiala su ola'u Mawu Yesus, wuṛṛu mammasingkatu tanata Ruata. Manga taumata udde tawe massubba winatangnga, ara'e lai paal᷊uanne. I mangitou lai tawe saran paassa nanengkama tatiala manga winatangnga udde su pakkana ara'e su lima mangitou. Ne i mangitou nabbiakka apia wuṛṛu namarenta ere sangkatou ratu suadio'a ringanni Kristus saṛṛiwu su tonnane al᷊annune.