SONDAPPA 11:18 - WUKE SUSI WATTI'U AL᷊AL᷊USASSA

¹⁸ Manga taumata apan tawe maaillal᷊a Mawu, mammangalo ana waugu temponete I'o mapaasabangu asasa'u-Nu, wuṛṛu temponete lai I'o mamarikissa manga taumata nate. Ete indi tempone ipangonggolu lal᷊antake su manga allang-Ngu, manga nabi, wuṛṛu su anambon pabbawala-Gu, eteudde anambon taumata apan mattaṛṛamawu Si'o, timmade ara'e dario'a Ete indi tempone ipaṛṛimunsa'a manga taumata apan naṛṛimunsa'a runia!”

SONDAPPA 11:18 Iomraidhean Croise

DARALO 103:11

Arawe atanggakku langitta su wowon dunia, ahewalle udde lai darangngu-Ne su taumata apan ma'imanna.

DARALO 110:5

Mawu udde su samba'a uanannu, napawe i Tou masa'u, manga ratu iwaddo-Ne.

DARALO 147:11

Mawu mal᷊uassa su taumata apan ma'imanna, su taumata apan sidutu mangngantimma darangngu-Ne.

DARALO 2:5

Ana see Mawu namakkamma si mangitou ringannu maṛṛagissa wuṛṛu nipaṛṛoroannu asasa'u-Ne.

DARALO 85:9

I ya'u maapulu maddaringikka wisaran Mawu Ruata; i Tou naddiandin lal᷊umanna'a si ite, al᷊aṛanang-Nge, sawal᷊iate i ite tate ma'ola'a rosa.

MANNANASE 12:13

Napewe sarangkanambone buatte ta'u niṛṛingidda, eteindi aunne apan ta'u niasombanganna. Ata'utten Duata wuṛṛu tuṛṛutte al᷊awo'u parenta-Ne. ana waugu tumba'u udde taumata niriaddi-Ne.

MANNANASE 8:12

Salaiwe maṛṛasutta al᷊al᷊eo a'olaannu sangkatou marosa, i tou sidutu mabbiakka ewe'e lai uukke mal᷊o'engnga. Naudde, isai apan matuṛṛutta Ruata, al᷊awo'u pabbiaṛṛanne mangke mal᷊uassa.

DANIEL 11:44

Ana see watti'a wuassu ra'i wuṛṛu sawannakka sarun mamaṛṛindu'a si tou, ma'oman sara i tou sarun mapapangalo ringannu masaddatta wuṛṛu mamate manambo taumata.

DANIEL 7:26

Ana see mallaṛṛuungngu surga sarun maammulla wuṛṛu manawutta taṛṛinone see makkimunsa'a su si tou ma'oman sara masue.

DANIEL 8:25

Ana waugu i tou maa'alla, manga wawahiane sarun mahessi. I tou sarun mamungan batanganne, wuṛṛu ringannu tawe mapanaungnga dorone i tou sarun mamate manambo taumata. Ewe'e lai i tou waṛṛani mando'appa Ratu Apan Ahewal᷊anne. Arawe i tou sarun rimunsaanna ringannu tawe atatohassu taumata.

MATIUS 5:12

Manga nabi apan nabbiakka su tempo i yamiu taambe su runia, nisansara lai ereudde. Luasse wuṛṛu lala'e, ana waugu lal᷊antakke manambonisaddia Mawu si yamiu.”

LUKAS 1:50

Papapulunna sansunannu papapulunna Mawu napaal᷊iatta'u darangngu-Ne su taumata apan matta'un-Ne.

IBRANI 9:27

Ruata suete nanantuna manungku taumata mate tumba'u paassa wuṛṛu wua'udde parikisannu Ruata.

SONDAPPA 10:7

Arawe napawe mala'ekatta appitune nattiuppa trompeti tou, Ruata sarun ma'ola'a ṛiin-Ne apan uawuni, ere suete niwatti'a su manga allang-Nge eteudde manga nabi.”

SONDAPPA 11:2

Arawe arie manguukka rallaka su samba'an liuddu Wal᷊e Mawu udde, ana waugu wageangnge udde suete tinantilla su manga taumata apan tawe maaillal᷊a Mawu. I mangitou sarun maṛṛinda soa apan susi udde appatu pul᷊o dua su wul᷊anne al᷊annune.

SONDAPPA 13:10

“Taumata apan ṛinone iṛṛuumanna, atonna i tou sarun iṛṛuumanna. Wuṛṛu taumata apan ṛinone pateannu hal᷊ele, atonna i tou sarun pateannu hal᷊ele. Ana waugu udde walahannu Ruata ṛinone matammuda wuṛṛu matuṛṛuta.”

SONDAPPA 13:16

Anambon taumata, timmade wuṛṛu dario'a, ala wuṛṛu asiangnga, allangnga wuṛṛu tawe allangnga, niwata'u winatangnga udde iapasengkama tatiala su lima aikkatanni mangitou ara'e su pakkani mangitou.

SONDAPPA 14:10

taumata udde sarun ma'inumma anggore wuassu Ruata, eteudde anggoru asasa'u-Ne apan suete nilal᷊inni Tou sulal᷊ummu tampane, apan tawe nihaingnga sarang kadio'a! Anambon taumata udde sarun sansaranna sulal᷊ummu putungnga wuṛṛu belerangnga su saruannu manga mala'ekatta susi wuṛṛu su saruannu Ana'u Domba udde.

SONDAPPA 15:1

Wua'udde i ya'u naasilo su langitta sambau apan maatiangnga wuṛṛu tawe sul᷊ungnge. Pia sire pitu mala'ekatta wuṛṛu pitu asasusa apan panginsueanne. Ete indi panginsueanne Ruata mappaarantan asasa'u-Ne.

SONDAPPA 15:7

Wua'udde sambau wuassu wallatu riadianna appata udde nangonggola su sire pitu mala'ekatta udde pitum bau cawanna wul᷊awanna apan napenen asasa'un Ruata, – Ruata apan wiakka saran mal᷊annu-l᷊annu.

SONDAPPA 18:6

Ola'awe i tou su ereapa i tou suete na'ola'a si yamiu; wal᷊isete i tou paarua wuassu anambon pallal᷊agu apan suete niolangnge. Loṛṛoi mangkone ringannu ua'e inumanna apan paarua maattiṛṛana wuassu ua'e inumanna apan nasaddiate iapa'inumma si yamiu.

SONDAPPA 19:15

Wuassu moṛṛo-Nge sinumabanga sammata hal᷊ele apan maṛṛoro wuṛṛu ringannu hal᷊ele udde i Tou sarun mapaarugi manga walahanna, wuṛṛu i Tou sarun mamarenta si mangitou ringannu tatumma'ina atta'a. I Tou sarun mamakkan anggore sulal᷊ummu pamamakkannu anggoru asasa'un Ruata Apan Lembon Taṛṛino.

SONDAPPA 19:18

Wette uminassa manga ṛemessu manga ratu, wuṛṛu ṛemessu manga panglima, wuṛṛu ṛemessu taumata apan nate su pangalo; wette uminassa ṛemessu manga sumasa'e awal᷊o wuṛṛu ṛemessu manga awal᷊one wuṛṛu ṛemessu anambon taumata, timmade ara'e dario'a, allangnga wuṛṛu tawe allangnga!”

SONDAPPA 19:5

See niaringiṛṛana wuassu adderan araratuanna udde tingikku wisara apan mabbisara, “Paddalote Ruata, ei manga allangngu Ruata, wuṛṛu anambon taumata – timmade dario'a – apan massubba Ruata!”

SONDAPPA 20:12

Wuṛṛu i ya'u naasilo manga taumata nate, timmade dario'a, uarisikka su saruannu adderan araratuanna udde. Ne manga wuke niwu'ate. See sambau wuke apan baine niwu'ate, eteudde Wuken Taumata Wiakka. Wua'udde ṛuumanna niema'a su taumata nate, uasul᷊ungngu pallal᷊agune tumuṛṛuttu apan uawoṛṛetta sulal᷊ummu manga wuke udde.

SONDAPPA 20:15

Manga taumata apan aranne tawe uawoṛṛetta sulal᷊ummu Wuken Taumata Wiakka, iramme sulal᷊ummu tahal᷊oangngu putungnga.

SONDAPPA 22:12

“Panutukke indi” wisara Mawu Yesus, “Tate mal᷊annu lai I ya'u sarun rumanta ringannu uaapiddu lal᷊antakke ipabbal᷊issa al᷊awo'u taumata tumuṛṛuttu inolaannu sambau-sambau.