SONDAPPA 10:9 - WUKE SUSI WATTI'U AL᷊AL᷊USASSA

⁹ Ne i ya'u inaite nattuda mala'ekatta udde wuṛṛu nadorongnga tadea'u i tou mangonggolu lul᷊unnu wuke adio'a udde si ya'u. I tou nabbisara, “Anute wuṛṛu ante indi. Sulal᷊ummu tiannu i tou sarun maola'a mapetta, arawe sulal᷊ummu moṛṛongu i tou matemangnga naal᷊ihidda pul᷊a.”

SONDAPPA 10:9 Iomraidhean Croise

AYUB 23:12

Manga parentan Duata sidutu tattuṛṛutangku, apulu-Ne daringiṛṛangku, wuṛṛu wal᷊ine apulu'u sassane.

YEREMIA 15:16

I'o mabbisara si ya'u, wuṛṛu naddaringikka suapan iwisara-Nu. I ya'u tatahuanannu, oh Mawu Ruata Apan Lembontaṛṛino, ana waugu udde manga wisara-Nu ma'al᷊uassa wuṛṛu maalal᷊umanna'a si ya'u.

YEHEZKIEL 2:8

Ei taumata apan mattate, paddaringi'o apa apan iwisara-U si'o. Arie mallaṛṛenggenna lumawangnga lai. Wu'ate moṛṛongngu wuṛṛu ante apa apan Ta'u ionggolla si'o.”

YEHEZKIEL 3:14

Taṛṛino Mawu nirumanta si ya'u ringannu masaddata, wuṛṛu sutempo i ya'u niwengketta wuṛṛu niapiddu Ghaṛṛaho-Ne, naungku pendamanna mapetta wuṛṛu masal᷊ihamma.

KOLOSE 3:6

Manga inolaanna ereudde mapaal᷊atton wontogu Ruata su manga taumata apan mal᷊awangnga.

SONDAPPA 10:10

I ya'u nanganu lul᷊unna adio'a udde wuassu limane see nianna. Sulal᷊ummu moṛṛonga pendamanna ere temangngu pul᷊a, arawe napawe ta'u niallupa, sulal᷊ummu tianna i tou nabbal᷊i mapetta.