SONDAPPA 1:8 - WUKE SUSI WATTI'U AL᷊AL᷊USASSA

⁸ “Ete i Ya'u apan paarorone wuṛṛu pangudusanne,” wisaran Mawu Ruatan, apan nirumanta, apan nirumantate, wuṛṛu nirumanta sarangkal᷊o'engnge, Apan Lembon Taṛṛino.

SONDAPPA 1:8 Iomraidhean Croise

PANDARIADDI 17:1

Napawe i Abram uukke sioten pul᷊o sio su tonnane, Mawu naipasilon batanganne si tou wuṛṛu nabbisara, “Ete i Ya'u Ruata Apan Lembontaṛṛino. Paatuṛṛutte si Ya'u wuṛṛu sidutu pa'ola'e apulu-U.

PANDARIADDI 28:3

Antimanna Ruata Lembon Taṛṛino mangal᷊amatta pa'a'awingngu wuṛṛu mangonggolla si'o ana'a papapulunna apan manambo, ma'oman sara i'o maola'a al᷊amonan balahanna manambo!

PANDARIADDI 35:11

Ana see Ruata nabbisara apia, “Ete i Ya'u Ruata Lembontaṛṛino. I'o pabbalage ringannu manambo-nambo! I'o sarun manossokku manga balahanna wuṛṛu maola'a iamangngu al᷊amona manga ratu.

PANDARIADDI 43:14

Antimanna Mawu Ruata Apan Lembontaṛṛino ma'ola'a gubernure udde umakkanni yamiu, na'oman sara i tou mapaawelengngi Benyamin wuṛṛu i Simeon si yamiu. Su ola'u i ya'u indi, amungkangngu i ya'u ṛinone awul᷊ianten manga ana'u, apa sarun iwisara.”

PANDARIADDI 48:3

Wisaran Yakub si Yusuf, “Ruata Lembontaṛṛino buatte naipasilon batangan-Ne si ya'u su Lus, su leta'u Kanaan, wuṛṛu buatte nangal᷊amatta si ya'u.”

PANDARIADDI 49:25

Ruatan iamangngu nantul᷊ungngu; Apan Lembon Taṛṛino nangal᷊amatta si'o ringannu uranna wuassu langitta wuṛṛu ua'e wuassu wantan leta'a. Ringannu ana'a wuṛṛu sapi,

SASABANGNGA 3:14

Unnu Ruata, “I Ya'u eteudde I YA'U INDI. Eteindi apan iwisaranu su balahannu Israel, i Tou apan isassaggo I YA'U INDI, buatte nandolo'u ringanni yamiu.

SASABANGNGA 6:3

Ruata lai na'ola'a pa'aire si mangitou. I Ya'u ma'ire sarun mangonggolu wanua Kanaan si mangitou, wanua tampan pabbiaṛṛanni mangitou dorone naal᷊ihidda taumata raho.

YESAYA 41:4

Isaite apan na'ola'a sarangkanambone udde? Isaite apan nanantunnu amamattu runia? Ya'u, Mawu, ete i Ya'u apan paarorone, wuṛṛu sidutu pia maddatingngu panginsueanne.

YESAYA 43:10

Ei uma-U, ete i yamiu manga tiala-U, i yamiu Ta'u nipile maola'a manga allang-Ku, tadea'u masingka-U wuṛṛu mangngimanna si Ya'u, wuṛṛu maasunna manungku ete i Ya'u Ruata. I Ya'u Ruata Apan Tinggassa taweddu wal᷊ine ro'en al᷊amonane wuṛṛu piate i Ya'u.

YESAYA 44:6

Eteindi wisara Mawu Apan Lembontaṛṛino, Ratu mallal᷊u'adda Israel, “I Ya'u Ruata Apan Tinggassa, apan paarorone wuṛṛu panguddusanne.

YESAYA 48:12

Mawu nabbisara, “Paddaringikke Israel, umatta apan niwagoang-Ku, i Ya'u sidutu Ruatanu. Ete i Ya'u paarorone, wuṛṛu i Ya'u lai panguddusanne.

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

REENGANNA 24:4

apan buatte naddaringikka manga wisaran Mawu Duata wuṛṛu naasilo sondappa wuassu Apan Lembontaṛṛino, apiddu naṛṛa'a, arawe ringannu mata uaalla.

2 KORINTUS 6:18

I Ya'u sarun maola'a Iamangngu, wuṛṛu i yamiu sarun maola'a al᷊aṛṛana-U ete aroddi wisaran Mawu Apan Lembon Mataṛṛino.”

SONDAPPA 1:11

Tingikka udde nabbisara, “Woṛṛetta'a apa apan niasiloannu, wuṛṛu onggol᷊a'a wuke udde su pitu jamaatta apan isassago indi: Efesus, Smirna, Pergamus, Tiatira, Sardis, Filadelfia, wuṛṛu Laodikia.”

SONDAPPA 1:17

Su tempo i ya'u naasilo, i ya'u nassumaga su saruan-Ne ere taumata nate. Arawe i Tou namitan lima-Ne aikkatanna si ya'u see nabbisara, “Arie paata'utta! Ete i Ya'u apan paarorone wuṛṛu pangudusanne.

SONDAPPA 1:4

Manga tuṛṛanga apan uatana'a su pitu jamaatta su leta'u Asia! I ya'u Yohanes, mangngantimma i yamiu onggol᷊annu al᷊amatta wuṛṛu al᷊al᷊uassa wuassu Ruata – eteudde i Tou apan nirumanta, apan nirumantate wuṛṛu apan nirumanta sarangkal᷊o'engnge – wuṛṛu lai wuassu pitu ghaṛṛaho apan uatana'a su saruannu adderan araratuannu Ruata,

SONDAPPA 11:17

I mangitou nabbisara, “Mawu, Ruata Lembon Taṛṛino, apan nirumanta, wuṛṛu nirumantate! I yami ma'adiangkamanna Si'o ana waugu I'o suete nappa'attu taṛṛino-Nu apan bahewalla, wuṛṛu nanattakke mammarenta!

SONDAPPA 15:3

Wuṛṛu i mangitou mangantari antari Musa, allangngu Ruata, wuṛṛu antarin Ana'u Domba. Arendi tingikke, “Mawu, Ruata Lembon Taṛṛino, tumaniten wahewalla wuṛṛu ma'atiangnga manga inolaan-Nu! Ratun al᷊awo'u walahanna tumaniten matul᷊idda wuṛṛu tawe sal᷊ane manga inolaan-Nu!

SONDAPPA 16:14

I mangitou eteudde manga ghaṛṛaho lal᷊eo apan ma'ola'a manga al᷊aṛṛindu'a. Tatallu ghaṛṛaho udde inaite su anambon manga ratu su ahewallu runia wuṛṛu nangammule mangitou mapapangalo su Allo apan wahewalla, eteudde Allo wuassu Ruata Lembon Taṛṛino.

SONDAPPA 16:7

Ana see i ya'u naaringikka tingikka wuassu mezbah nabbisara, “Mawu, Ruata Lembon Taṛṛino, atonna wuṛṛu su atatul᷊idda manga ṛuumanna apan niema'a si yami!”

SONDAPPA 19:15

Wuassu moṛṛo-Nge sinumabanga sammata hal᷊ele apan maṛṛoro wuṛṛu ringannu hal᷊ele udde i Tou sarun mapaarugi manga walahanna, wuṛṛu i Tou sarun mamarenta si mangitou ringannu tatumma'ina atta'a. I Tou sarun mamakkan anggore sulal᷊ummu pamamakkannu anggoru asasa'un Ruata Apan Lembon Taṛṛino.

SONDAPPA 19:6

Napawe wua'udde i ya'u naaringikka sambau ere tingikku ammul᷊annu taumata nambo atonna; tingikke naal᷊ihidda lua'a mabbasse wuṛṛu ere rallu'a mappose. I ya'u naaringikka i mangitou mabbisara, “Paddalote Ruata! Ana waugu Ruatang kite Lembon Taṛṛino udde, orassa indi uaparenta!

SONDAPPA 2:8

“Su mala'ekattu jamaatta su Smirna, woṛṛetta'a arendi: Ete indi tanata wuassi Tou apan paarorone wuṛṛu pangudusanne – apan natete wuṛṛu nabbiakka apia.

SONDAPPA 21:22

I ya'u tawe naasilo Wal᷊en Ruata su soa udde, ana waugu Wal᷊en Ruatane eteudde Mawu sassane, Ruata Lembon Taṛṛino, wuṛṛu Ana'u Domba udde.

SONDAPPA 21:6

See i Tou nabbisara, “Nasuete! Ete i Ya'u paarorone wuṛṛu pangudusanne; ete i Ya'u Mawu apan wuassu Panattaṛṛanne ma'omam Panginsueanne. Suapan taumata marou, Ta'u iapa'inumma ringannu tawe bawaekke, wuassu al᷊imatan ua'e apan mangngonggolu wiakka.

SONDAPPA 22:13

Ete i Ya'u apan paarorone wuṛṛu pangudusanne; Ete i Ya'u Mawu apan Panattaṛṛanne ma'oman sara Panginsueanne.”

SONDAPPA 4:8

Siri appata riadianna udde, sambau-sambau pia papaidde annuma, wuṛṛu su ahewallu wadange, wuṛṛu sulal᷊umme napene mata. Allo ṛabbi manga riadianna udde tawe illol᷊one mangngantari, “Susi, susi, susi arannu Mawu, Ruata Lembon Taṛṛino; apan nirumanta, suete nirumanta, wuṛṛu nirumantate sarangkal᷊o'engnge.”