SONDAPPA 1:7 - WUKE SUSI WATTI'U AL᷊AL᷊USASSA

⁷ Pa'ellega i Tou rumanta sulal᷊ummu winabbawa! Anambon taumata sarun ma'ellega si Tou, nasutta i mangitou lai apan nangusu'a si Tou. Anambon walahanna su runia sarun lumal᷊on Tou. Ore, Atonna! Amin!

SONDAPPA 1:7 Iomraidhean Croise

AYUB 33:26

Napawe i tou umal᷊iomanna, Ruata sarun umakkanne, ne i tou sarun maddalo Ruata ringannu lullala'a wuṛṛu Ruata sarun mamelengngu lal᷊umannangnge.

DARALO 22:16

Tonggol᷊angku namara ere pilessa, lila'u naddeetta su saṛṛangaddu moṛṛongku. Mawu, I'o nanantangku su wowon awu naal᷊ihidda taumata natete.

DARALO 68:1

Su piaṛṛa'u mangangantari. Daralon Daud.

DARALO 97:2

I Tou papal᷊iwutannu winabbawa wuṛṛu ararandumma; atatul᷊idda wuṛṛu tita uddewe sasariannu araratuan-Ne.

YESAYA 19:1

Eteindi tanata su ola'u Mesir. Mawu nirumanta su Mesir uasa'e winabbawa apan mal᷊ihakka. Manga paal᷊uannu Mesir mangngiladda su saruan-Ne wuṛṛu taumata Mesir naurangnga naungnge.

DANIEL 7:13

Sulal᷊ummu sonda'u rabbi udde, i ya'u naasilo sambau lihidde ere taumata. I Tou nirumanta ringanni papal᷊iwutannu winabbawa ana see inaite ringannu Tou apan wiakka saran mal᷊annu-l᷊annu wuṛṛu niapasingkatta si tou.

NAHUM 1:3

Atonna Mawu, mal᷊annu masa'u; arawe i Tou lembon uataṛṛino na'oman sara isai-isai ma'ola'a pasasal᷊a sarun tawe iapaal᷊iu-Ne wuassu ṛuumanna. Suapa Mawu umattu, isudde lai rumanta tadia; su tanpa ledda-Ne uaṛṛinda, isudde awu mabbal᷊i winabbawa.

ZAKARIA 12:10

Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

ZAKARIA 12:11

Su allo udde sarun pia lal᷊uai apan wahewallu su Yerusalem, naal᷊ihidda nilumuain Hadad-Rimon su Walahannu Megido.

REENGANNA 24:17

Ellehangku i tou, arawe wal᷊ine orassa indi; saileangku i tou, arawe ro'en marau. Sangkatou ratu wuassu Israel darantane, sarun dumanta naal᷊ihidda anumpitanna masemakka. Manga piaṛṛa'u Moab sarun ṛimunsaanne walahanni Set sarun pateanne.

MATIUS 16:27

Tate mal᷊annu lai Ana'u Taumata, su sampunna ringannu manga mala'ekanNe, sarun dumanta ringannu taṛṛinon IamangNge. Su tempo udde i Tou sarun mabbal᷊issa manga taumata tumuṛṛuttu inolaannu sangkatou-sangkatou.

MATIUS 16:28

Asingkatawe! Wuassu wallatti yamiu isindi piaddu tawe mate, tantal᷊anna taambe naasilo Ana'u Taumata rumanta mamarenta ere sangkatou Ratu.”

MATIUS 24:30

Wua'udde tandan Ana'u Taumata sarun iasilo su langitta. Su tempo udde manga walahanna su runia sarun lumuai. I mangitou sarun maasilo Ana'u Taumata rumanta wuassu winabbawa ringannu taṛṛino wuṛṛu awawantuga apan bahewa.

MATIUS 25:31

“Napawe Ana'u Taumata rumanta ere sangkatou ratu tatantalongannu anambo mala'ekan-Ne, i Tou sarun uma'ianna su adderan araratuanna apan mawantuga.

MATIUS 26:64

Mawu Yesus sinumimbakka, “Aroddite ere su wisaranu. Arawe pangimante: manattakka orassa indi yamiu sarun maasilo Ana'u Taumata uma'ianna su samba'an uanannu Ruata Lembo Mataṛṛino, wuṛṛu rumanta sulal᷊ummu winabbawa wuassu langitta!”

MARKUS 13:26

Su tempo udde Ana'u Taumata sarun iasilo rumanta wuassu winabbawa ringannu taṛṛino apan bahewa wuṛṛu mawantuga.

MARKUS 14:62

“Ete i Ya'u,” sasimbakku Mawu Yesus, “wuṛṛu i yamiu sarangkanambone sarun maasilo Ana'u Taumata uma'ianna su uanannu Ruata Apan Lembo Mataṛṛino wuṛṛu rumanta sulal᷊ummu winabbawa wuassu langitta!”

LUKAS 21:27

Su tempo udde Ana'u Taumata sarun rumanta sulal᷊ummu winabbawa ringannu taṛṛinone wuṛṛu awawantuga apan bahewa.

YOHANES 19:34

Arawe sandiṛṛannu Mawu Yesus niusu'u sangkatou tantara ringannu sambeangnga; wuṛṛu tawe nal᷊annu sinumabangke raṛṛa wuṛṛu ua'e.

YOHANES 19:37

Sulal᷊ummu Wuke Susi uawoṛṛetta lai: “I mangitou sarun ma'ellega si Tou apan suete niusu'i mangitou.”

1 TESALONIKA 1:10

I mangitou uahahatto lai su ola'u ereapa i yamiu mangngantimma darantan Ana'u Ruata wuassu surga, eteudde Mawu Yesus, apan suete niapaawiakku Ruata wuassu papate. Ete Mawu Yesus udde lai apan manal᷊amatta si ite wuassu asasa'un Duata apan sarun rumanta.

1 TESALONIKA 4:17

Wua'udde, i ite apan ta'e wiakka su tempo udde sarun masengkengnga su sampunna ringanni mangitou sulal᷊ummu winabbawa maisasomban Duata su winalanganna. See i ite matana'e ringannu Mawu saran mal᷊annu-l᷊annu.

IBRANI 10:29

Aroddi awakkane ṛuumanna apan ionggola su taumata apan maṛṛinda Ana'u Ruata. Taumata udde mangngadio'a ṛaṛṛam pa'airen Ruata, eteudde papaten Kristus apan namaresi si tou wuassu rosa. I Tou mangngadio'a Ghaṛṛaho apan mangngonggolu al᷊amatta.

IBRANI 6:6

Arawe wua'udde i mangitou nassinaadu Mawu! Apa wotongnge mangaṛṛa'a si mangitou apia mawal᷊u wuassu manga rosa mangitou. Ana waugu i mangitou tantal᷊anna mangngarussan Ana'u Ruata apia wuṛṛu manggal᷊usa'a si Tou su saruannu awada'alla.

1 YOHANES 3:2

Manga tuṛṛangnga apan arangnguanna! Ete i ite orassa indi al᷊aṛṛana'u Ruata, arawe ola'i ite su tempo addantane taambe natualaga. Arawe i ite masingkata manungku amungkangu Kristus rumanta, i ite sarun maola'a ere i Tou, ana waugu i ite sarun maasilo si Tou sulal᷊ummu olang-Nge apan nasuungnga.

YUDAS 1:14

Henokh, pangangawanna appitune wuassi Adam, dorone suete namasingkattu ola'u manga taumata udde. Henokh nabbisara, “Pa'ellega, Mawu sarun rumanta ringannu su ṛiwune mala'ekan-Ne apan susi,

SONDAPPA 22:20

I Tou apan namasingkatu anambon watti'a indi nabbisara, “Atonna, i Ya'u mal᷊ihakke rumanta!” Amin! Rantate, o Mawu Yesus!

SONDAPPA 22:4

wuṛṛu ma'ellega hati-Ne. Aran-Ne sarun iwoṛṛeta su pakkani mangitou.

MAL᷊AṚṚUUNGNGA 5:31

Antimanna manga seen-Nu, oh Mawu, mate ere i Sisera, arawe anambon manga hawe-Nu mabbal᷊i wahewalla naal᷊ihidda matannallo su winalanganna! Wua'udde, wanua udde matammude appatu pul᷊o su tonnane al᷊annune.