SONDAPPA 1:3 - WUKE SUSI WATTI'U AL᷊AL᷊USASSA

³ Lal᷊umanna'a su taumata apan mabbasa wuṛṛu maddaringikka watti'u papattam wuke indi see tuttuṛṛuta apa apan uawoṛṛetta sulal᷊ummu wuke indi. Ana waugu tate mal᷊annu lai sarangkanambone indi sarun mariaddi.

SONDAPPA 1:3 Iomraidhean Croise

AMSAL 8:34

Lal᷊umanna'a su taumata apan maddaringikka si ya'u apan mamiallo ua'ianna su ngaran bal᷊e'u, wuṛṛu uariaga su ngara wahewalla atatanaangku.

YEREMIA 51:61

Wua'udde i ya'u nabbisara si Seraya, “Napawe i'o na'omate su Babel, paddea'e lal᷊anne tadea'u anambon woṛṛetta sulal᷊ummu buke indi wotongnge iwasanu su manga taumata poiaroddi.

MATIUS 24:15

“I yamiu sarun maasilo ‘Al᷊al᷊eo apan maahohakka’, ere suete niapasingkatti Nabi Daniel, uarisikka su tampa susi. (Iapasingkatta su mabbawasa: Ṛingira'a apa atappasanne!)

LUKAS 11:28

Arawe Mawu Yesus sinumimbakka, “Nangillembon lal᷊umanna'a lai su taumata apan maddaringikka wisaran Ruata wuṛṛu mappaamattu al᷊aṛṛang-Nge!”

ROMA 13:11

Su liuddu sarangkanambone udde i yamiu maasingkata manungku tempo indi eteudde temponu mapu'o wuassu atatiilla. Ana waugu tempone i ite iapaasal᷊amatta maranite orassa indi, wuassu i ite wakkute mannattaka mangngimanna.

ROMA 13:12

Ṛabbi maranite mal᷊iudda; wuṛṛu ete lai adio'a allote. Nariaddi mappianne i ite mangillol᷊o ma'ola'a inolaanna apan marandumma. I ite ṛinone mapaasuungngu watanganni ite ringannu ahiddu asasemakka.

1 PETRUS 4:7

Sarangkanambone maraniten panginsueanne, ana waugu udde ṛinone i yamiu ua'ul᷊inna apulun wadangnga wuṛṛu uariagga, tadea'u i yamiu wotongnge umal᷊iomanna.

2 PETRUS 3:8

Arawe manga tuṛṛangku, hatto sambau indi arie paabbul᷊iane: manungku su aellegu Mawu, allo massallo tawe paṛṛalane ringannu saṛṛiwu su tonnane – itarua udde nassul᷊ungnga si Tou.

SONDAPPA 22:10

See i ya'u nabbisara apia, “Imbaṛṛanga mangadappingu manga papatta sulal᷊ummu wuke indi, ana waugu tempone maranite sarangkanambone indi sarun mariaddi.

SONDAPPA 22:12

“Panutukke indi” wisara Mawu Yesus, “Tate mal᷊annu lai I ya'u sarun rumanta ringannu uaapiddu lal᷊antakke ipabbal᷊issa al᷊awo'u taumata tumuṛṛuttu inolaannu sambau-sambau.

SONDAPPA 22:20

I Tou apan namasingkatu anambon watti'a indi nabbisara, “Atonna, i Ya'u mal᷊ihakke rumanta!” Amin! Rantate, o Mawu Yesus!

SONDAPPA 3:11

I Ya'u mal᷊ihakke rumanta! Paariagai paapia-pia apa apan tatahuananni yamiu, tadea'u tawe saran sangkatou mangaṛṛo lal᷊antaku auntungannu.