SONDAPPA 1:2 - WUKE SUSI WATTI'U AL᷊AL᷊USASSA

² Ne i Yohanes nabbati'en sarangkanambone apan niasiloanne udde; wuṛṛu ete indi watti'i tou su ola'u tanatan Ruata apan tinohassu Mawu Yesus Kristus wuassu tatiala-Ne.

SONDAPPA 1:2 Iomraidhean Croise

YOHANES 1:32

I Yohanes nangagillu lai tatiala indi, “I ya'u naasilo Ghaṛṛahon Ruata niumonto'a ere manu'a merpati wuassu langitta see nangintaṛṛo si Tou.

YOHANES 12:17

Manga taumata apan uasemodda su tempo Mawu Yesus namago si Lazarus niapasabangnga wuassu lal᷊abinganna wuṛṛu namangunna si tou wuassu papate, sidutu mattiala su olangnge udde.

YOHANES 19:35

Taumata apan naasilo sassane arariaddianna udde, ete i tou apan namasingkattu olangnge udde, tadea'u i yamiu lai mangngimanna. Wuṛṛu tatialane udde atonna, wuṛṛu i Tou masingkatta manungku olangnge udde atonna.

YOHANES 21:24

I Yohanes apan nangonggolu tatiala su ola'u manga riadianna indi. Ete i tou lai suete namoṛṛeta. Wuṛṛu i ite masingkatta manungku apa apan niapaasingkatti tou udde atonna.

YOHANES 3:11

Pangimante: i yami mabbisara tumba'u apa apan asingkatanni ami, wuṛṛu i yami mattiala tumba'u su ola'u apa apan niasiloanni ami; arawe i yamiu maddiri mangngimanna tatiala wuassi ami.

WATTI'U MANGA RASUL 22:15

I'o sarun maola'a daroloṛṛanna mammasingkatta su anambon taumata apa apan suete niasiloannu wuṛṛu niaringiṛṛannu.

WATTI'U MANGA RASUL 26:16

Pabbangunte wuṛṛu darisikke! I Ya'u nattingkapasilom batangang-Ku si'o pandumanne i'o Ta'u itenega maola'a mangangimbe-U. I'o ṛinone mamasingkatta su taumata waine apa apan niasiloannu allo indi su ola'u riri-U wuṛṛu apa apan sarun ipantingidda si'o su tempo apan sarun dumanta.

WATTI'U MANGA RASUL 4:20

Ana waugu i yami tawe maaillol᷊o mabbisara su ola'u apa apan suete niasiloanni yami wuṛṛu niaringiṛṛanni yami sassane.”

1 KORINTUS 1:6

Udde mapaal᷊iatta'a manungku watti'a su ola'i Kristus aroddite nal᷊inna sulal᷊ummu naungngu,

1 KORINTUS 2:1

Manga tuṛṛangnga! Su tempo i ya'u nirumanta ringanni yamiu wuṛṛu namasingkata si yamiu su ola'u pandumannu Ruata apan taambe niasingkatannu runia, i ya'u tawe mappaattu asingkattu runia indi ara'e nabbisara ringannu wisara sasal᷊o'a.

1 YOHANES 1:1

Lal᷊oṛṛon suratta indi mannal᷊a'a ola'u Ṛengetanna apan mangngonggolu wiakka, eteudde Ṛengetanna apan piate ro'en wuassu al᷊amonane. I yami suete naaringikka, wuṛṛu suete naasilo matan kami sassane. I yami suete naellega, wuṛṛu suete nangagasu liman kami.

1 YOHANES 4:14

I yami sassane suete naasilo Ana'u Ruata, wuṛṛu i yami namasingkata manungku i Tou nirolokku Iamangnga maola'a Ratun Punnu Sal᷊amattu runia indi.

3 YOHANES 1:12

Anambon taumata maddalo si Demetrius. Ewe'e Ruata lai maddalo si tou. I yamiu lai maddalo si tou wuṛṛu tuṛṛangnga masingkatta manungku apa apan iwabbatti'i yami udde apangimananna.

SONDAPPA 1:11

Tingikka udde nabbisara, “Woṛṛetta'a apa apan niasiloannu, wuṛṛu onggol᷊a'a wuke udde su pitu jamaatta apan isassago indi: Efesus, Smirna, Pergamus, Tiatira, Sardis, Filadelfia, wuṛṛu Laodikia.”

SONDAPPA 1:19

Ana waugu udde woṛṛetta'a manga inolaanna apan niasiloannu, eteudde manga inolaanna apan sarun mariaddi orassa indi wuṛṛu manga inolaanna apan sarun mariaddi sal᷊immurine.

SONDAPPA 1:9

I ya'u Yohanes, tuṛṛangu apan mal᷊uassa wuṛṛu massusa suadio'a ringanni yamiu sulal᷊ummu asasusa apan naṛṛia'a su mallal᷊aṛṛenggenni Kristus. I ite masabare matataṛṛanga ana waugu walahanna pussa'a-Ne. I ya'u niramme su Patmos ana waugu i ya'u mammasingkatu tanatan Ruata, apan tinohassu Mawu Yesus sulal᷊ummu tiala-Ne.

SONDAPPA 12:11

Manga tuṛṛangi ite suete napaarugin tou ringannu ṛaṛṛan Ana'u Domba udde, wuṛṛu ringannu watti'a apan atonna wuassu Ruata apan niwatti'i mangitou. I mangitou mal᷊uassa nanantillu niawa mangitou ma'oman sara mate.

SONDAPPA 12:17

Naga mangke nasa'u atonna su wawine udde, na'oman sara i tou inaite namangalo walahanna waine wuassu wawine udde, eteudde anambon taumata apan tuttuṛṛuta manga parentan Ruata, wuṛṛu nattiala su ola'u Mawu Yesus wuṛṛu taṛṛino-Ne.

SONDAPPA 20:4

See i ya'u naasilo manga adderan araratuanna, wuṛṛu manga taumata apan ua'ianna su manga adderan araratuanna udde inonggol᷊annu taṛṛino ipangema'u ṛuumanna. I ya'u lai naasilo manga ṛimuuddu taumata apan suete niponggo'a puane ana waugu i mangitou mattiala su ola'u Mawu Yesus, wuṛṛu mammasingkatu tanata Ruata. Manga taumata udde tawe massubba winatangnga, ara'e lai paal᷊uanne. I mangitou lai tawe saran paassa nanengkama tatiala manga winatangnga udde su pakkana ara'e su lima mangitou. Ne i mangitou nabbiakka apia wuṛṛu namarenta ere sangkatou ratu suadio'a ringanni Kristus saṛṛiwu su tonnane al᷊annune.

SONDAPPA 22:21

Sal᷊andeanna Mawu Yesus sarun mangonggolu al᷊aman-Ne su anambon al᷊aṛṛana'u Ruata!

SONDAPPA 6:9

Wua'udde Ana'u Domba udde namesangnga segele al᷊imane. Ne i ya'u naasilo su al᷊ungngu meddan sasamba pia ṛimuuddu manga taumata nate nipate ana waugu mannohassa tanatan Ruata sulal᷊ummu tiala mangitou.