SONDAPPA 1:15 - WUKE SUSI WATTI'U AL᷊AL᷊USASSA

¹⁵ ledda-Ne luṛṛena naal᷊ihida witu'a itattambuna. Tingik-Ke naal᷊ihidda tingikku ua'e mappampassa apan wahewalla.

SONDAPPA 1:15 Iomraidhean Croise

DARALO 93:4

Arawe Mawu apan uataṛṛino su surga, mattohasanna wuassu lua'u tahal᷊oangnga, mattohasanna wuassu darapan lua'a.

YESAYA 17:13

I mangitou inaite naal᷊ihidda manawangnga apan bahewalla. Arawe Ruata namansaggi mangitou, ana see i mangitou tinumal᷊angngu watanganne sara marau. I mangitou nienggenanna naal᷊ihidda wal᷊a'a su welen buidda itattalla'u anginna, ara'e awu nitiuppu al᷊isusu.

YEHEZKIEL 1:24

Amungkangngu i mangitou tumalla'a, i ya'u maaringikka tingikku papaidde; tingikke ere ua'e mappampassa, ere lempangngu tantara apan manambo, ere tingikku Ruata Apan Lembontaṛṛino. Amungkangngu i mangitou tawe tumalla'a, i mangitou mallappu manga papaidde,

YEHEZKIEL 1:7

Leddane matul᷊idda wuṛṛu lullendappa ere witu'a apan niasa. Aṛṛumain leddane pia anuune ere anu'un bantenga.

YEHEZKIEL 40:3

I ya'u niapiddu Mawu isudde wuṛṛu niasiloangku sangkatou esakka apan lullendappa ere witu'a uarisikka marani ngara wahewalla. I tou uaagassa tal᷊i auukka wuassu linen see lai alu auukka.

YEHEZKIEL 43:2

wuṛṛu ete isudde i ya'u naasilo nirumanta wuassu samba'a ra'i semakka lullendapa apan manniala darantan Duatan Israel. Tingikku Ruata niaringikka ere lua'a ruddapa su laudda, wuṛṛu runia sussal᷊endapa ana waugu semakku darantan Duata.

DANIEL 10:6

Waddangnge lukkena ere permata, hatine ere semakku sawallo, wuṛṛu matane lukkenggamma naal᷊ihidda putungnga.

SONDAPPA 10:1

See i ya'u naasilo sangkatou mala'ekatta matohassa waine sinumossoka wuassu surga. I tou papi'unannu winabbawa wuṛṛu sambua randipakka arak naggial᷊o uapal᷊iwutta su puane. Hatine lullansiangnga naal᷊ihida matannallo, wuṛṛu leddane naal᷊ihidda pal᷊iaṛṛanu putungnga.

SONDAPPA 14:2

See i ya'u naaringikka tingikka wuassu langitta mangngelekka naal᷊ihidda tingikku ua'e wahewalla apan mappampassa wuṛṛu naal᷊ihidda tingikku rallu'a apan masaddata. Tingikka udde niaṛṛingiṛṛana naal᷊ihidda tingikku musikka wuassu mananalangnga kecapi apan tantal᷊anna mannengkella kecapine.

SONDAPPA 19:6

Napawe wua'udde i ya'u naaringikka sambau ere tingikku ammul᷊annu taumata nambo atonna; tingikke naal᷊ihidda lua'a mabbasse wuṛṛu ere rallu'a mappose. I ya'u naaringikka i mangitou mabbisara, “Paddalote Ruata! Ana waugu Ruatang kite Lembon Taṛṛino udde, orassa indi uaparenta!

SONDAPPA 2:18

“Su mala'ekattu jamaatta su Tiatira, woṛṛetta'a arendi: Ete indi tanata wuassu Ana'u Ruata, apan mata-Ne lukkenggama naal᷊ihida putungnga, wuṛṛu ledda-Ne lukkena naal᷊ihidda witu'a nitambuna.