SONDAPPA 1:11 - WUKE SUSI WATTI'U AL᷊AL᷊USASSA

¹¹ Tingikka udde nabbisara, “Woṛṛetta'a apa apan niasiloannu, wuṛṛu onggol᷊a'a wuke udde su pitu jamaatta apan isassago indi: Efesus, Smirna, Pergamus, Tiatira, Sardis, Filadelfia, wuṛṛu Laodikia.”

SONDAPPA 1:11 Iomraidhean Croise

YESAYA 30:8

Ruata nandolo'u niapawoṛṛettu al᷊al᷊eon uman-Ne sulal᷊ummu sambau wuke maola'a pananaunganna saran mal᷊annu-l᷊annu.

YEREMIA 30:2

nabbisara si ya'u, “Woṛṛeta'e sulal᷊ummu sambau buke sarangkanambone apan buatte Ta'u niwisara si'o.

HABAKUK 2:2

Mawu sinumimbakka si ya'u arendi, “Uitte ringannu matualaga pesangngu lete'a maṛṛamu, apa apan Ta'u niapasingkatta si'o tadea'u wotongnge iawasa ringannu mal᷊uassa.

WATTI'U MANGA RASUL 16:14

Sangkatou su wallatti mangitou eteudde mabbawal᷊u'u mal᷊aṛṛenessa ungu, aranne i Lidia taumata wuassu Tiatira. I tou marangngu Ruata, ne Mawu nangal᷊ore naungnge tadea'u i tou manengkamma apa apan ia'aṛṛa'i Paulus si tou.

WATTI'U MANGA RASUL 18:24

Tantal᷊anna udde, nirumantate su Efesus sangkatou Yahudi wuassu Aleksandria, aranne i Apolos. I tou pande massinaukka wuṛṛu masingkattu lal᷊oṛṛon Wuke Susi,

WATTI'U MANGA RASUL 20:17

Wuassu Miletus i Paulus napaapiddu watti'a watukku Efesus, madorongnga manga piaṛṛa'u jamaatta su Efesus rumanta maisasomban tou.

1 KORINTUS 15:32

Amungkangngu udde tumba'u wuassu taumata sassane, apa auntunganne si ya'u mammanara naal᷊ihida ere uasaruanna winatangnga waṛṛani su soa indi, su Efesus? Amungkangngu atonna taumata nate tate iapaawiakka apia, ei, mappianne i ite tumuṛṛutta sasanato'a indi: “Wette i ite umanna wuṛṛu ma'inumma wuṛṛu lumuassa, ana waugu tiṛṛabi lai i ite sarun mate.”

1 KORINTUS 16:8

Tantal᷊anna udde i ya'u sarun matana'a su soa indi, su Efesus, ma'oman sara allon Pentakosta.

EFESUS 1:1

Al᷊aṛṛana'u Ruata su Efesus, apan matuṛṛutta Mawu Yesus Kristus!

TAHIUL᷊E 31:19

Orassa indi woṛṛeta'e antari indi wuṛṛu tantiroa'a su walahannu Israel maola'a sambau tatiala si mangitou.

KOLOSE 2:1

I ya'u maapulu i yamiu maasingkata ereapa ahewalle i ya'u mammanara hunan kamiu, wuṛṛu hunan mangitou su Laodikia see anambon taumata apan tawe maaillal᷊a si'u sassane.

1 TIMOTIUS 1:3

I ya'u maapulu tadea'u i'o sidutu uatana'a su Efesus ere lai suete ta'u niwal᷊o si'o su tempo i ya'u inai watukku Makedonia. Ana waugu su Efesus pia sire pira taumata apan mannal᷊iawukku al᷊aṛṛa'a nassal᷊a, wuṛṛu i'o ṛinone maningaddi mangitou.

SONDAPPA 1:17

Su tempo i ya'u naasilo, i ya'u nassumaga su saruan-Ne ere taumata nate. Arawe i Tou namitan lima-Ne aikkatanna si ya'u see nabbisara, “Arie paata'utta! Ete i Ya'u apan paarorone wuṛṛu pangudusanne.

SONDAPPA 1:19

Ana waugu udde woṛṛetta'a manga inolaanna apan niasiloannu, eteudde manga inolaanna apan sarun mariaddi orassa indi wuṛṛu manga inolaanna apan sarun mariaddi sal᷊immurine.

SONDAPPA 1:2

Ne i Yohanes nabbati'en sarangkanambone apan niasiloanne udde; wuṛṛu ete indi watti'i tou su ola'u tanatan Ruata apan tinohassu Mawu Yesus Kristus wuassu tatiala-Ne.

SONDAPPA 1:20

Ete indi addapinga wuassu anumpitanna pitu apan niasiloannu su lima uanang-Ku, wuṛṛu wuassu pitu leddan sol᷊o wul᷊awanna udde: Anumpitanna pitu udde eteudde manga mala'ekatta su pitu jamaatta, wuṛṛu pitu leddan sol᷊o udde eteudde pitu jamaatta udde.”

SONDAPPA 1:4

Manga tuṛṛanga apan uatana'a su pitu jamaatta su leta'u Asia! I ya'u Yohanes, mangngantimma i yamiu onggol᷊annu al᷊amatta wuṛṛu al᷊al᷊uassa wuassu Ruata – eteudde i Tou apan nirumanta, apan nirumantate wuṛṛu apan nirumanta sarangkal᷊o'engnge – wuṛṛu lai wuassu pitu ghaṛṛaho apan uatana'a su saruannu adderan araratuannu Ruata,

SONDAPPA 1:8

“Ete i Ya'u apan paarorone wuṛṛu pangudusanne,” wisaran Mawu Ruatan, apan nirumanta, apan nirumantate, wuṛṛu nirumanta sarangkal᷊o'engnge, Apan Lembon Taṛṛino.

SONDAPPA 10:4

Aroddi pitu rallu'a udde nattingikka, i ya'u ma'apulu mamoṛṛettu apa niwisarane, arawe i ya'u naaringikka tingikka wuassu surga nabbisara, “Arie pabbattia'u apa apan niwal᷊om pitu rallu'a udde; arie pabboṛṛeta'a!”

SONDAPPA 14:13

See i ya'u naaringikka tingikka wuassu surga mabbisara, “Woṛṛetta'a indi: Manattaka orassa indi, al᷊al᷊uassa su manga taumata apan nate tantal᷊anna mangngimbe Mawu!” “Atonna!” sasimbaku Ghaṛṛahon Ruata. “I mangitou sarun mangillol᷊o mammanara masahadda, ana waugu hessim pangangimbe mangitou sidutu uatantalongnga si mangitou.”

SONDAPPA 19:9

See mala'ekatta udde nabbisara si ya'u, “Woṛṛetta'a indi: ‘Lal᷊umanna'a su taumata apan niwagoanna su andeangngu awingngu Ana'u Domba udde.’ ” See mala'ekatta udde nanamba apia, “Ete indi watti'a atonna wuassu Ruata.”

SONDAPPA 2:1

“Su mala'ekattu jamaatta su Efesus, woṛṛetta'a arendi: Ete indi tanata wuassi Tou apan uaagassa anumpitanna pitu su lima uanan-Ne, wuṛṛu u'amatta su wallatu pitu leddan sol᷊o wul᷊awanna udde.

SONDAPPA 2:12

“Su mala'ekattu jamaatta su Pergamus, woṛṛetta'a arendi: Ete indi tanata wuassi Tou apan uaagasa hal᷊ele maṛṛoro apan ṛorone ruam ba'a.

SONDAPPA 2:18

“Su mala'ekattu jamaatta su Tiatira, woṛṛetta'a arendi: Ete indi tanata wuassu Ana'u Ruata, apan mata-Ne lukkenggama naal᷊ihida putungnga, wuṛṛu ledda-Ne lukkena naal᷊ihidda witu'a nitambuna.

SONDAPPA 2:24

Arawe i yamiu waine su Tiatira apan maddiri tumuṛṛutta al᷊aṛṛa'a lal᷊eo udde, wuṛṛu maddiri mangurumma al᷊aṛṛa'u Setanna. I Ya'u mabbisara manungku i Ya'u tawe manamba winabbawanu apan mawakkata.

SONDAPPA 2:8

“Su mala'ekattu jamaatta su Smirna, woṛṛetta'a arendi: Ete indi tanata wuassi Tou apan paarorone wuṛṛu pangudusanne – apan natete wuṛṛu nabbiakka apia.

SONDAPPA 21:5

See i Tou apan ua'ianna su adderan araratuanna udde nabbisara, “Orassa indi sarangkanambone Ta'u olaanna wakku!” I Tou nabbisara lai si ya'u, “Woṛṛetta'a indi, ana waugu manga wisara indi atonna, wuṛṛu wotongnge apangimananna.”

SONDAPPA 22:10

See i ya'u nabbisara apia, “Imbaṛṛanga mangadappingu manga papatta sulal᷊ummu wuke indi, ana waugu tempone maranite sarangkanambone indi sarun mariaddi.

SONDAPPA 22:16

“I Ya'u, Mawu Yesus, suete nandolokku malaeka-U si yamiu tadea'u i tou mamasingkatu manga olangnge indi su manga jamaatta. I Ya'u indi papapulunni Daud; ete i Ya'u aṛṛusuallo apan masemakka udde.”

SONDAPPA 3:1

“Su mala'ekattu jamaatta su Sardis, woṛṛetta'a arendi: Ete indi tanata wuassi Tou apan uatahuanna pitu ghaṛṛaho wuassu Ruata wuṛṛu anumpitanna pitu udde. I Ya'u masingkata apa apan a'olaanni yamiu. Unni Tou i yamiu wiakka, wutte'e nate!

SONDAPPA 3:14

“Su mala'ekattu jamaatta su Laodikia, woṛṛetta'a arendi: Ete indi tanata wuassu Awantuhanne Amin, Mattatiala apan matammuda wuṛṛu naṛṛino, punnu al᷊awo'u sarannapa apan niola'u Ruata.

SONDAPPA 3:4

Arawe su pattangngani yamiu su Sardis ta'e pia taumata uariaga tadea'u laungnge sidutu waresi. I mangitou udde sarun umamatta suadio'a ringang-Ku ringaannu uapedettu mawira, ana waugu i mangitou su ṛinone mappaattu udde.

SONDAPPA 3:7

“Su mala'ekattu jamaatta su Filadelfia, woṛṛetta'a arendi: Ete indi tanata wuassi Tou apan susi wuṛṛu tutune. Ete i Tou uaaggasa a'unsi apan tatahuananni Daud; amungkangu i Tou mamu'a, tawe saran sangkatou wotongnge maaṛṛu'uda, wuṛṛu amungkangu i Tou maṛṛuuda, tawe saran sangkatou wotongnge maawu'a.