SASABANGNGA 9:17 - WUKE SUSI WATTI'U AL᷊AL᷊USASSA

¹⁷ Salaiwe aroddi, i'o ta'e lai mawunga, wuṛṛu maddiri mamalan al᷊aṛṛana-U inai mapul᷊e.

SASABANGNGA 9:17 Iomraidhean Croise

AYUB 40:9

Apa i'o matohassa ere i Ya'u? Wotongngewe tingikku rumallu'a ere tingi-U?

AYUB 9:4

Ruata udde nangillembon pande wuṛṛu taṛṛino; isai woṛotongnge maataṛṛangnga mando'appa si Tou?

SASABANGNGA 9:16

Arawe i yamiu Ta'u iwala wiakka, tadea'u i Ya'u wotongnge mapaal᷊iatta'u taṛṛino-U si'o, na'oman sara arang-Ku tinumelengke su ahewallu runia.

SASABANGNGA 9:18

Tiṛṛabbi marua allo, su tempo apan uasul᷊ungnga, i Ya'u sarun mandatan uranna masunge apan masadatta, ere taambe nariaddi su Mesir ro'en dorone naddatingngu orassa indi.

YESAYA 10:15

Arawe Mawu nabbisara, “Wotongngewe wal᷊iungnga maddalo watanganne wuassu taumata mapapaanne? Apa laṛṛahari maggunanne wuassu taumata apan mappaanne? Wal᷊inewe pal᷊o-pal᷊o mammengketta taumata, ewe'e ete taumata apan mammengketta pal᷊o-pal᷊o.”

YESAYA 26:11

Mawu, I'o nasaddiate makkuumannu seen-Nu, arawe i mangitou waggate. Wala'ewe i mangitou masili maasilo darangngu-Nu su uman-Nu. Wala'ewe i mangitou masue maṛṛadda'a ringannu ṛuumanna apan buatte nisaddia-Nu si mangitou.

YESAYA 37:29

wuṛṛu i Ya'u naaringikke su ola'u asasa'unu wuṛṛu awawunganu udde. Orassa indi Ya'u mantaingngu pe'anna su ngirunnu wuṛṛu tal᷊i su moṛṛongngu, tadea'u i'o Ta'u wol᷊enganna mapul᷊e umamatta su lal᷊anna apan niamatannu sutempo nirumanta.”

YESAYA 45:9

Nasilakate taumata apan uatatiakku Mandariaddine; i tou naal᷊ihidda urinna apan nilumawangnga taumata mallal᷊anginne. Apa leta'a maddeetta maiwal᷊o su mandarunna urinna, “Ma'urate i'o?” Apa urinna sussal᷊iomanna manungku ma'aolangnge tawe asingkatta?

YEHEZKIEL 28:6

Mawu Apan Atanggaṛṛanne nabbisara, “Ei Tirus, ana waugu i'o massunna watangannu ere lai Ruata, i Ya'u sarun mandolokku tantara waine apan lembon maṛṛagissa iapapangalo si'o. I mangitou sarun makkimunsa'a al᷊awo'u araṛṛansangu apan buatte niolangngu ana waugu al᷊amattu asingkannu wuṛṛu pasasunnunanu.

DANIEL 5:20

Arawe sutempo i tou nabbal᷊i mawunga, tawe maddaringikka wuṛṛu maṛṛagissa, i tou niema'a wuassu adderan araratuanne na'oman sara i tou niawul᷊iannu awawantuge.

WATTI'U MANGA RASUL 12:23

Su orassa udde lai mala'ekattu Mawu namero si Herodes, ana waugu i tou tawe mangngaddatta Ruata. I Herodes niinassu ul᷊idda see nate.

1 KORINTUS 10:22

Ara'e i ite maapulu Mawu naung-Nge mal᷊al᷊eo? Apa i ite mattohasanna wuassu Mawu?