SASABANGNGA 9:16 - WUKE SUSI WATTI'U AL᷊AL᷊USASSA

¹⁶ Arawe i yamiu Ta'u iwala wiakka, tadea'u i Ya'u wotongnge mapaal᷊iatta'u taṛṛino-U si'o, na'oman sara arang-Ku tinumelengke su ahewallu runia.

SASABANGNGA 9:16 Iomraidhean Croise

2 SAMUEL 7:23

Su ahewallu runia tawe walahanna ere Israel. Israel sambau walahanna apan buatte nipallossu Mawu wuassu patataṛṛuallangnga tadea'u maola'a al᷊aṛṛanang-Ngu sassane. Al᷊awo'u inolaanna apan bahewalla wuṛṛu maatiangnga apan niolang-Ngu si mangitou, na'ola'a aran-Nu tinumelengnga su ahewallu runia. Manga walahanna waine suadio'a ringannu manga monganni mangitou buatte nilimbuaṛṛan-Nu sutempo al᷊aṛṛanang-Ngu inaite mapapangalo.

2 MARARATU 19:35

Ṛabbi udde lai Mala'ekattu Mawu nirumanta su paddasanannu taumatan Asyur, wuṛṛu namate 185.000 su atoune tantara. Tiṛabbine marua allo maṛṛanggapa winal᷊unanni mangitou pasi tal᷊eṛongke.

1 TAWARIKH 16:24

Wattia'e awawantu-Ge su manga walahanna, wuṛṛu manga manara-Ne apan matohassa su walahannu taumata.

NEHEMIA 9:10

Su saruannu ratun Mesir I'o na'ola'a manga inolaanna apan maatiangnga, wuṛṛu lai su saruannu mamanaran araratuanna see tumana'u wanuane, ana waugu I'o masingkatta ereapa uman-Nu sassansaranni mangitou. Ana see tinumelengke aran-Nu naddatingngu allo indi.

DARALO 106:8

Arawe Mawu nanal᷊amatta si mangitou ana waugu watangan-Ne sassane, ana see atatohan-Ne lumiatta'a.

DARALO 64:9

I mangitou nate ana waugu wisaran mangitou sassane; sarangkanambone apan naasilo mappapa'ilinga.

DARALO 76:10

Napawe I'o dirumarisikka mamarikissa tadea'u manal᷊amatta taumata apan niallangnga su runia.

SASABANGNGA 14:17

Taumata Mesir sarun Ta'u olaanna naungnge maatikka na'oman sara i mangitou sidutu mangenggenna taumatan Israel, wuṛṛu i Ya'u sarun mapal᷊iatta'u taṛṛino-U su ratu Mesir, tantarane, manga kereta wuṛṛu manga sumasa'ene.

SASABANGNGA 14:4

I Ya'u sarun mapaatikku naungngi tou, na'oman sara i tou mangenggenna si yamiu. Arawe I Ya'u sarun mapal᷊iatta'u taṛṛino-U su ratu Mesir wuṛṛu tantarane, wuṛṛu i mangitou sarun maasingkatta manungku ete i Ya'u Mawu.” Ana see taumatan Israel na'ola'a ere buatte nirolokku Mawu si mangitou.

SASABANGNGA 18:11

Orassa indi ya'u masingkatte manungku Mawu maggewal᷊anna wuassu anambon Mawu, ana waugu sarangkanambone udde niolang-Nge su tempo taumatan Mesir inolaanne tumaniten mawunga su saruannu taumatan Israel.”

SASABANGNGA 9:15

Unnu wisara i Ya'u ma'apulu makkuumannu wuṛṛu tumanangngu ringannu radda'a, i yamiu sarangkanambone natete.

SASABANGNGA 9:17

Salaiwe aroddi, i'o ta'e lai mawunga, wuṛṛu maddiri mamalan al᷊aṛṛana-U inai mapul᷊e.

AMSAL 16:4

Al᷊awo'a apan niola'u Mawu pia pandumanne; wuṛṛu pandumannu taumata lal᷊eo eteudde papate.

YEREMIA 32:20

Sutempo dorone I'o ma'ola'a al᷊aṛṛindu'a wuṛṛu manga inolaanna apan bahewalla su Mesir, wuṛṛu na'oman sara orassa indi lai I'o ta'e uata'a ma'ola'a udde, mawae suwallattu taumatan Israel aroddi lai suwallattu al᷊awo'u walahanna waine. Ana waugu udde I'o tinumelengke su anambon tampa.

YEHEZKIEL 39:21

Mawu nabbisara, “I Ya'u sarun mapaellegu awawantu-U su manga walahanna. I mangitou sarangkanambone sarun maasilo ereapa i Ya'u mappaattu taṛṛino-U mapaamattu manga manara-U apan matul᷊idda.

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

MALEAKHI 1:14

Niawontohante iapa taṛṛa wahia apan mangngonggollu sasamba si Ya'u winatangnga apan tawe aregane, amungkangngu suwallattu winatangnga papadul᷊iananna pia binatangnga apan mapia apan buatte nipa'irene si Ya'u! Ana waugu ete i Ya'u Ratu Mawantuga, wuṛṛu aaddatannu anambon balahanna.”

REENGANNA 14:21

Arawe i Ya'u ma'ire ringannu watangang-Ku wuṛṛu wangu i Ya'u apan biakka wuṛṛu uataṛṛino su runia indi,

ROMA 9:17

Ana waugu sulal᷊ummu Wuke Susi uawoṛṛetta, “Ruata nabbisara su Ratu Mesir, ‘I Ya'u ma'ola'a si'o ratu ana waugu sambau pandumanna indi, eteudde tadea'u ringannu ririnu i Ya'u mapaal᷊iatta'u araratuang-Ku wuṛṛu ma'ola'a arang-Ku asingkatannu lal᷊oṛṛon runia.’ ”

ROMA 9:22

Aroddi lai apa apan buatte niola'u Ruata. I Tou maapulu mapaasabangngu naung-Nge lal᷊eo wuṛṛu mapaal᷊iatta'u taṛṛino-Ne. Arawe i Tou masabbare su saruanni mangitou apan sarun iṛṛuumanna ana waugu napaasa'un Tou.

YOSUA 4:24

tadea'u anambon taumata su runia maasingkatta aroddi ahewalle taṛṛino Mawu. Wuṛṛu ringannu aroddi yamiu sarun mangaddata Mawu Ruatanu saran mal᷊annu-l᷊annu.”

1 PETRUS 2:19

Ruata sarun mangal᷊amatta si yamiu, amungkangu i yamiu ana waugu naatutukka apulun Duata, masabare maataṛṛanga inolaanna apan wengkolla.

1 PETRUS 2:8

wuṛṛu “Eteudde watu apan maatara taumata, watu apan naaema'a si mangitou.” I mangitou natara ana waugu i mangitou tawe mangngimanna wisaran Duata. Ete aroddi suete tinantunu Ruata su ola'i mangitou.

YUDAS 1:4

Ana waugu ringannu niawagananni ite, pia manga taumata waine apan sinumutta nail᷊al᷊o'a su pattangnganni ite. I mangitou manga taumata lal᷊eo, apan mammal᷊elongngu watti'a su ola'u darangngun Duatan kite, tadea'u i mangitou pia tempo mapaasabangngu apulun naungngi mangitou lal᷊eo. Wuṛṛu i mangitou mannol᷊a'u Mawu Yesus Kristus, eteudde sangkatou Tembonanne wuṛṛu Mawun kite. Roen al᷊amonane ṛuumanni mangitou suete niapaasingkata sulal᷊ummu Wuke Susi.

1 SAMUEL 4:8

Nasilakate atonna! Isai wotongnge manal᷊amatta si ite wuassu manga monganna apan matohassa udde? Wal᷊inewe manga monganna udde lai buatte namate taumatan Mesir su wadda'u anne dorone?