SASABANGNGA 9:14 - WUKE SUSI WATTI'U AL᷊AL᷊USASSA

¹⁴ Paasa indi i Ya'u sarun mandantan asasilaka tawe tumba'u su manga mammamanaran araratuanna wuṛṛu tumanangnge, arawe si'o lai, tadea'u i'o maasingkatta manungku i Ya'u tawe doappa su ahewallu runia indi.

SASABANGNGA 9:14 Iomraidhean Croise

2 SAMUEL 7:22

I'o lembon mawantuga, oh Mawu Ruata, tumba'u I'o Ruata, taweddu nassul᷊ungngu Mawu. Yami masingkattu olangnge udde ana waugu buatte niapasingkatta ro'en dorone.

1 MARARATU 8:38

antimanna I'o maddaringikka aal᷊iomanni mangitou. Amungkangngu wuassu wallattu uman-Nu Israel piaddu apan ringannu naungnga massusa umal᷊iomanna Si'o lapiddu uawatte limane watukku wal᷊en patataṛṛamawuanna indi,

1 TAWARIKH 17:20

Tumba'u I'o Ruata, taweddu nassul᷊ung-Ngu. Yami masingkattu olangnge udde ana waugu buatte niapasingkatta ro'en dorone.

DARALO 86:8

Oh Mawu, tawe mawu ere I'o, taweddu maaola'a ere a'olaan-Nu.

SASABANGNGA 15:11

Ruata suapane apan botongnge maasul᷊ungnga Si'o, oh Mawu Apan Lembon Mawantuga wuṛṛu na'ukkassa? Isai wotongnge mappa'ola'a manga al᷊aṛṛindu'a wuṛṛu inolaanna apan bahewalla ere Mawu?

SASABANGNGA 8:10

Sasimbakku ratu udde, “Aal᷊iomana'e i ya'u tiṛṛabbi.” Unni Musa, “I ya'u tumuṛṛutta apa apan raddoronganni Tuangku. Ne i Tuangku sarun maasingkatta manungku tawe Duata wal᷊ine ere Mawu, Ruatan kami.

SASABANGNGA 8:6

Ne i Harun namal᷊aattu ta'inne su anambon sal᷊ukka, ana see nilumapputte manga aakka namene ahewallu wanua.

SASABANGNGA 9:15

Unnu wisara i Ya'u ma'apulu makkuumannu wuṛṛu tumanangngu ringannu radda'a, i yamiu sarangkanambone natete.

YESAYA 45:5

Ete i Ya'u Mawu, tawe baine, i Ya'u Ruata apan tinggassa. I'o buatte Ta'u nionggol᷊annu ahidda, salaiwe i'o tawe maaillal᷊a si Ya'u.

YESAYA 46:9

Naungete manga apan nariaddi sutempon dorone; panga'ute manungku i Ya'u Ruata, wuṛṛu tawe baine, i Ya'u Ruata, wuṛṛu taweddu ere i Ya'u.

YEREMIA 10:6

Mawu apan mawantuga, I'o mangke tawe sul᷊ungngu, aran-Nu mawantuga wuṛṛu napenen taṛṛino.

YEREMIA 10:7

Isai apan maddiri mangimanna Si'o, ratun al᷊awo'u walahanna? Atonna, I'o ṛinone a'addatanna. Wuassu anambon apan pande suwallattu manga walahanna wuṛṛu wuassu anambon manga ratu mangitou, tawe saran sangkatou apan botongne isul᷊ungnga ringannu watangan-Nu, oh Mawu.

YEREMIA 19:8

I Ya'u sarun maṛṛia'u asasilaka apan wahewalla su soa indi, ma'oman sara suapan taumata apan sumabbi isudde sarun ṛumindu'a wuṛṛu mata'utta.

DANIEL 5:21

I tou nilimbuaṛṛanna wuassu ammul᷊annu tumana'u soa wuṛṛu ṛingiranne naola'a ere ṛingirannu winatangnga. I tou mabbiakka ringannu keledain ahuranganna, u'anna nannal᷊o ere sapi wuṛṛu mattiilla su wadda'a na'oman sara maṛṛolo angngukka. Panginsueanne i tou nanga'u manungku Ruata Apan Atanggaṛṛanne uataṛṛino araratuannu taumata wuṛṛu araratuanna udde nionggollu Mawu sisai-sai apan nipile-Ne.

IMAMATTA 26:18

Napawe buatte naapendamma ṛuumanna udde ana see i yamiu lai taambe tumuṛutta si Ya'u, ṛuumannu sarun Ta'u tambanna paapitu lai anambone.

IMAMATTA 26:21

Amungkangu i yamiu lai ta'e sidutu lullawanga si Ya'u wuṛṛu maddiri tumuṛutta si Ya'u, ne ṛuumannu lai sarun Ta'u tambanna lai paapitu.

IMAMATTA 26:28

wuṛṛu ringannu massa'u i Ya'u sarun manggesekka si yamiu, wuṛṛu makkuumanni yamiu paapitu mabbakatanna wuassu ṛuumanna nanangkal᷊iu.

MIKHA 6:13

Orassa indi Ya'u manattakke manggesekka wuṛṛu makkimunsa'a si yamiu ana waugu manga rosanu.

TAHIUL᷊E 3:24

Oh Mawu Apan Atanggaṛṛanne, i ya'u masingkatta manungku nipasilonu si ya'u indi tumba'u panattaṛṛannu al᷊awo'u inolaanna apan bahewalla wuṛṛu ma'atiangnga. Tawe Mawu wal᷊ine sulangitta ara'e su runia apan ere I'o wotongnge ma'ola'a inolaanna apan waluwalla.

TAHIUL᷊E 4:35

Sarangkanambone udde niapal᷊iatta'u Mawu si'o ipattiala manungku tumba'u Mawu udde Ruata, wuṛṛu taweddu waine.

SONDAPPA 18:8

Ana waugu ete olangnge udde, ne tumba'u sulal᷊ummu allo massallo i tou sarun maasomba silaka – radda'a, asasusa wuṛṛu al᷊aṛṛutumma. Wuṛṛu i tou sarun tutungannu putungnga, ana waugu Mawu Ruata piate taṛṛino ipakkuungngi tou udde.”

SONDAPPA 22:18

Su al᷊awo'u taumata apan naaringikka manga wisara papatta sulal᷊ummu wuke indi, ya'u, Yohanes, mangonggolu pananaunganna indi: amungkangu pia taumata manamba manga wisara su papatta indi, ne Ruata sarun manamba lai ṛuumannu taumata udde ringannu manga asasusa apan niwoṛṛeta sulal᷊ummu wuke indi.

1 SAMUEL 4:8

Nasilakate atonna! Isai wotongnge manal᷊amatta si ite wuassu manga monganna apan matohassa udde? Wal᷊inewe manga monganna udde lai buatte namate taumatan Mesir su wadda'u anne dorone?