SASABANGNGA 8:32 - WUKE SUSI WATTI'U AL᷊AL᷊USASSA

³² Arawe paassa indi lai ratu naungnge ta'e maattikka wuṛṛu tawe namalan balahanna udde manantangnga.

SASABANGNGA 8:32 Iomraidhean Croise

SASABANGNGA 4:21

Mawu nabbisara si Musa, “I Ya'u buatte nangonggolu taṛṛino si'o ipa'ola'a manga al᷊aṛṛindu'a. Nariaddi amungkangngu i'o nabelengke su Mesir, ola'e manga al᷊aṛṛindu'a udde su saruannu ratu Mesir. Arawe i Ya'u sarun ma'ola'a si tou maatikka puane, na'oman sara i tou maddiri mamalan balahanna udde mangingkatta.

SASABANGNGA 8:15

Napawe ratu naasilo manungku manga a'akka udde natete, naungnge naatikke. Wuṛṛu ere buatte niwal᷊o Mawu, ratu maddiri maddaringikka wisara i Musa wuṛṛu i Harun.

SASABANGNGA 8:31

wuṛṛu Mawu naddaringikka aal᷊iomanni Musa. Manga lango udde tinumalla'e nanantangngu ratu, manga manmamanaran araratuanna wuṛṛu tumana'u araratuanna. Tawe saran sambau apan ta'e natantangnga.

SASABANGNGA 8:8

Ratu namago si Musa wuṛṛu si Harun, wuṛṛu nabbisara, “Aal᷊iomante su mawunu tadea'u i Tou mapaawul᷊in manga aakka indi, ne i ya'u sarun mamalan walahan-Ne inai mangonggolu sasamba su Mawu.”

SASABANGNGA 9:7

Ratu naiwal᷊o apa apan buatte nariaddi, ana see niwatti'a si tou manungku winatangngu taumatan Israel tawe saran sambau nate. Arawe ratu sidutu naungnge maattikka wuṛṛu maddiri mamallossu walahanna udde mapul᷊e.

YESAYA 63:17

Oh Mawu, anio i yami niwala-Nu niumal᷊iwu? Anio I'o napaattikku naungngi yami na'oman sara i yami tate mata'uttu Mawu? Pabbelengke ana waugu manga allang-Ngu, wuṛṛu uman-Nu, pussa'a-Nu.

ROMA 2:5

Arawe puan kamiu maattika wuṛṛu maddiri mawal᷊u. Ana waugu udde ete i yamiu sassane apan ma'ola'a ṛuumannu aatambanna awakkane su Allon Kiamatta, napawe Ruata mapaal᷊iatta'u asasa'u-Ne ringannu ṛuumanna apan su ṛinone.

1 SAMUEL 6:6

Apa hunane i yamiu makkuumanni naal᷊ihidda; ratu wuṛṛu manga taumata Mesir dorone? Arie pa'abbul᷊iane ereapa Ruata nannalangnga si mangitou, na'oman sara i mangitou pia awawal᷊u wuṛṛu namalan mangitou nanantangngu Mesir.