SASABANGNGA 8:19 - WUKE SUSI WATTI'U AL᷊AL᷊USASSA

¹⁹ na'oman sara manga taṛṛa wal᷊iimata udde nabbisara ratu, “Indi inolaannu Ruata.” Arawe ratu udde maatikka naungnge, wuṛṛu ere buatte niwisara Mawu, ratu udde maddiri maddaringikka wisara i Musa wuṛṛu i Harun.

SASABANGNGA 8:19 Iomraidhean Croise

PANDARIADDI 41:24

Raen gandumma apan maṛṛasa udde nangallupa rae apan pia loṛṛone tanginna. Buatte ta'u niwatti'a wal᷊iawa'u darua udde su manga taṛṛa pani'atta, arawe tawe saran sangkatou wotongnge maatal᷊a'an atapasanne.”

DARALO 8:3

niantarin manga al᷊aṛṛana'a wuṛṛu ana'a wakku niasungkanga. Araratuan-Nu matohassa tawe iaholle mapal᷊annabbu seetta wuṛṛu ro'appa.

SASABANGNGA 10:23

Taumatan Mesir tawe maasilo manga apa wuṛṛu al᷊annune udde tawe saran sangkatou apan umamatta suapa-suapa. Arawe su wal᷊en manga taumatan Israel sidutu masemakka.

SASABANGNGA 10:7

Manga mammamanaran araratuanna nabbisara ratu, “Ma'oman sara tingngera taumatan udde mapaasusan kite? Wala'e anambon taumatan Israel udde inai mattaṛṛamawu su Mawu, Ruata mangitou. Pa'ellege wanuan kite indi nahahakke!”

SASABANGNGA 11:7

Arawe su pattangngannu Israel, mawae ete taumata aroddi lai winatangnga taweddu manalawa'a. Ne i yamiu sarun maasingkatta manungku i Ya'u, Mawu, na'ola'a uapapaṛṛala su taumata Mesir wuṛṛu taumatan Israel.’ ”

SASABANGNGA 7:13

Salaiwe aroddi, ratu naungnge sidutu maatikka wuṛṛu maddiri maddaringikka wisara Musa wuṛṛu i Harun, ere buatte niwisara Mawu.

SASABANGNGA 7:4

Ana waugu udde i Ya'u sarun makkuumannu Mesir ringannu manga ṛuumanna apan mawakkata, wua'udde Ta'u iapidda balahannu Israel sarangkanambone al᷊aṛṛana-U, sumabbangnga wuassu wanua udde.

SASABANGNGA 7:5

Ne taumata Mesir sarun maasingkatta manungku indi Mawu, su tempo i Ya'u makkuumanni mangitou wuṛṛu mangapiddu Israel sumabangnga wuassu wanuan mangitou.”

SASABANGNGA 9:26

Tumba'u leta'u Gosyen, tampa tatanaannu taumatan Israel, tawe naemaannu uranna masunge.

SASABANGNGA 9:4

I Ya'u sarun maṛṛaen binatangngu taumatan Israel wuṛṛu winatangngu taumata Mesir. Wuṛṛu winatangngu taumatan Israel tawe saran sambau apan mate.

DANIEL 2:19

Su rabbi udde lai Ruata namasingkattu addapingnga udde si Daniel sulal᷊ummu sambau sondappa. Ne Daniel naddalotte Ruata su surga,

MATIUS 12:28

Arawe i Ya'u mallimbuakka ghaṛṛaho lal᷊eo ringannu taṛṛinon Ruata. Wuṛṛu udde atappasanne manungku Ruata mannattakke mamarenta su pattangnganni yamiu.

LUKAS 11:20

Arawe i Ya'u mallimbuakka ghaṛṛaho lal᷊eo ringannu taṛṛinon Ruata, wuṛṛu udde atappasanne manungku Ruata mannattakke mammarenta su pattangnganni yamiu.

YOHANES 11:47

Ana waugu udde manga taumatan Farisi wuṛṛu manga imam tembonanne naammulla ringannu Mallaṛṛuungngu Agama. I mangitou nabbisara, “I ite ṛinone ma'ola'a apa? Taumata indi ma'ola'a anambon al᷊aṛṛindu'a!

WATTI'U MANGA RASUL 4:16

I mangitou mabbisara, “Ṛinone olaanni ite ereapa manga taumata indi? Anambon taumata apan uatana'a su Yerusalem masingkate manungku al᷊aṛṛindu'a apan wahewalla indi, niola'i tarua. I ite tawe mappassinaaddu olangnge udde.

1 SAMUEL 6:3

Ana see i mangitou sinumimbakka, “Wantallu Paairen Mawu Ruatan Israel udde arie pabbelenga'i yamiu aroddi, arawe ṛinone i yamiu lai mangapiddu aonggolla ipanubbussa rosanu. Ringannu aroddi yamiu sarun iapaapia wuassu radda'a, wuṛṛu i yamiu sarun maasingkatta anio Mawu Ruatan Israel udde sidutu makkuumanni yamiu.”

1 SAMUEL 6:9

Paatutuṛṛe lal᷊anne; amungkangu Wantallu Pa'aire udde niapidda watukku wanuane sassane, eteudde soa Bet-Semes, udde atappasanne manungku ete Ruatan taumatan Israel apan buatte nadantan asasilaka apan bahewalla indi si ite. Arawe amungkangu roda udde tawe mattuddan tampa udde, i ite sarun maasingkatta manungku asasilaka udde wal᷊ine wuassu Ruatan Israel, ewe'e etearoddi nariaddite.”