SASABANGNGA 7:10 - WUKE SUSI WATTI'U AL᷊AL᷊USASSA

¹⁰ Ne i Musa wuṛṛu i Harun inaite sinumaruanna ratu wuṛṛu itarua tinumuṛṛutte sarangkanambone apan buatte nirolokku Ruata. I Harun nallombon ta'inna su leta'a su saruannu ratu wuṛṛu manga mammamanarane, ana see ta'inna udde nawal᷊u nabbal᷊i atoanna.

SASABANGNGA 7:10 Iomraidhean Croise

DARALO 135:9

Poiaroddi i Tou na'ola'a manambo al᷊aṛṛindu'a wuṛṛu tatiala ipakkuumannu ratu wuṛṛu manga mamanarane.

SASABANGNGA 12:28

Ana see i mangitou inaite wuṛṛu na'ola'a apa apan nirolokku Mawu si Musa wuṛṛu si Harun.

SASABANGNGA 4:3

Unnu Mawu, “Lomboa'a udde su leta'a.” I Musa nallombon ta'inna udde, ana see ta'inna udde nawal᷊u nabali atoanna wuṛṛu i Musa tinumal᷊angnga nangindau.

SASABANGNGA 7:15

Ana waugu udde roote paisasomban tou marua allo maṛṛanggapa, su tempo i tou sumossokka su Sal᷊ukku Nil. Apira'e ta'inna apan botongnge maawal᷊u mabbal᷊i atoanna udde wuṛṛu ṛaddoite su winggin sal᷊ukka.

SASABANGNGA 7:20

I Musa ruan i Harun tinumuṛṛutta parenta Mawu. Su saruannu ratu wuṛṛu manga mammamanarane, i Harun namatten ta'inna wuṛṛu namuulla ua'en Sal᷊ukku Nil, ne ua'ene nawal᷊u nabbal᷊i daṛṛa.

SASABANGNGA 7:6

I Musa wuṛṛu i Harun tinumuṛṛutta srangkanambone apan nirolokku Mawu.

SASABANGNGA 7:9

“Amungkangngu ratu madorongnga siraddua ma'ola'a al᷊aṛṛindu'a apan maola'a tialane, doloṛṛa'e i Harun manganu ta'inne wuṛṛu lomboa'a su leta'a su saruannu ratu. Ta'inna udde sarun mawal᷊u mabbal᷊i atoanna.”

AMOS 9:3

Amungkangngu i mangitou ma'imbuni su puiddu Wowon Karmel, i Ya'u sarun maddea'a wuṛṛu manametta si mangitou. Amungkangngu i mangitou ma'imbuni su ṛanassu tahal᷊oangnga, i Ya'u sarun mamarenta nagan tahal᷊oangnga iapapul᷊iasa si mangitou.

MARKUS 16:18

Amungkangngu i mangitou mangagassa atoanna ara'e ma'inumma pasangkada, i mangitou tawe masilaka. Amungkangngu i mangitou mangandangngu lima su manga taumata marada'a, manga taumata udde sarun mapia.”

LUKAS 10:19

Asingkatewe! I yamiu suete inonggol᷊annu taṛṛino tadea'u i yamiu wotongnge maṛṛinda atoanna wuṛṛu kalajengking lapiddu mamadi al᷊awo'u auatannu seetta, ringannu tawe saran sambau wotongnge manilaka si yamiu.