SASABANGNGA 6:7 - WUKE SUSI WATTI'U AL᷊AL᷊USASSA

⁷ I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

SASABANGNGA 6:7 Iomraidhean Croise

PANDARIADDI 26:3

I Ya'u sarun mallu'adda wuṛṛu mangal᷊amatta si'o. Ahewallu wageangngu leta'a indi sarun Ta'u ionggolla si'o wuṛṛu su papapulunnu. I Ya'u sarun manipussu paaire apan buatte Ta'u nionggolla si Abraham iamangngu.

PANDARIADDI 28:13

Wuṛṛu Mawu uarisikka su sandiṛṛanne apiddu nabbisara, “Ete i Ya'u Mawu, Ruata apan raddaloanni Abraham wuṛṛu i Ishak. I Ya'u sarun mangonggolla si'o wuṛṛu su papapulunnu leta'a apan lal᷊allowangannu indi.

1 MARARATU 20:28

Ana see nirumantate sangkatou nabi ringanni Ratu Ahab wuṛṛu nabbisara, “Eteindi apan niwisaran Mawu: ‘Ana waugu taumatan Siria udde massunna manungku i Ya'u tumba'u uataṛṛino su panenteanna wuṛṛu tawe su leta'a ratakke, ne i Ya'u sarun mangonggollu auntunganna si'o su tantaran mangitou apan tumaniten manambo udde. I'o wuṛṛu tumanangngu sarun maasingkatta manungku ete i Ya'u, Mawu.’ ”

1 MARARATU 8:60

Ringannu aroddi al᷊awo'u walahanna su runia sarun maasingkatta manungku tumba'u Mawu sassane Ruata, tawe baine.

NEHEMIA 1:10

Mawu, i yami indi manga allang-Ngu, uman-Nu sassane apan buatte niapasal᷊aman-Nu ringannu taṛṛino wuṛṛu atatohan-Nu apan wahewalla.

DARALO 100:3

Paanaungete manungku Mawu uddewe Ruata. I Tou nandiaddi si ite wuṛṛu i ite tatahuanan-Ne; i ite al᷊aṛanang-Nge, walahanna apan papadul᷊ianan-Ne.

DARALO 81:6

I Tou na'ola'a sambau inanaramanna su walahannu Israel, sutempo i Tou inaite mando'appa Mesir. I Ya'u naaringikka sasinaukka apan awaganangku,

SASABANGNGA 13:14

Amungkangngu su allo sal᷊immurine anangngu maiwal᷊o apa atappasanne sarangkanambone udde, i yamiu ṛinone sumimbakka arendi, ‘Ringannu taṛṛino apan bahewalla Mawu nangapiddi ite sinumabbangnga wuassu wanua Mesir, su tampa i ite niallangnga.

SASABANGNGA 13:3

I Musa nabbisara su balahannu Israel, “Su allo indi Mawu namallossi yamiu ringannu taṛṛino-Ne apan bahewalla, na'oman sara i yamiu wotongnge sumabbangnga wuassu Mesir, su tampa i yamiu a'allanganna. Ana waugu udde, allo indi ola'e allo pananaunganna. Imbaṛṛangnga umanna roti apan pia ragine.

SASABANGNGA 14:18

Ne taumata Mesir sarun maasingkatta manungku ete i Ya'u Mawu.”

SASABANGNGA 14:4

I Ya'u sarun mapaatikku naungngi tou, na'oman sara i tou mangenggenna si yamiu. Arawe I Ya'u sarun mapal᷊iatta'u taṛṛino-U su ratu Mesir wuṛṛu tantarane, wuṛṛu i mangitou sarun maasingkatta manungku ete i Ya'u Mawu.” Ana see taumatan Israel na'ola'a ere buatte nirolokku Mawu si mangitou.

SASABANGNGA 15:16

I mangitou tumaniten matta'utta nabbiala atatohassu Mawu. Su tempo al᷊aṛṛanang-Ngu sinumabbi, seetta tawe taṛṛino ipanaṛṛangnga; naal᷊iute walahanna apan buatte nipallossu Mawu.

SASABANGNGA 15:2

Mawu mananahe'u apan matohassa; ete i Tou nanal᷊amatta si ya'u. I Tou Ruata'u, i ya'u maapulu maddalo si Tou, Ruata sassubbannu iupungngu al᷊amona'u, wabbantuhangku i Tou.

SASABANGNGA 16:12

“I Ya'u naaringikke sasungkuttu taumatan Israel. Wal᷊oa'e si mangitou manungku su orassu wawallo i mangitou wotongnge uminassa ṛemessa, wuṛṛu su tempo marua allo i mangitou wotongnge umanna roti maddatingngu mal᷊aidda. Ne i mangitou sarun maasingkatta manungku ete i Ya'u Mawu, Ruata mangitou.”

SASABANGNGA 16:6

Ne nabbisarate i Musa wuṛṛu i Harun su anambon taumatan Israel, “Wawallo indi yamiu sarun maasingkatta manungku ete Mawu nangapiddi yamiu sinumabbangnga wuassu Mesir.

SASABANGNGA 2:11

Napawe i Musa umbasante, i tou inaite naisasomba manga taumata balahanna sambau. I tou naasilo ereapa i mangitou iwabbata'a mammanara masahadda. I tou naasilo lai sangkatou Mesir namate sangkatou Ibrani.

SASABANGNGA 6:6

I yamiu sarun Ta'u olaanna al᷊aṛṛana-U wuṛṛu i Ya'u maola'a Ruatanu. Ne i yamiu sarun maasingkatta manungku i Ya'u indi Mawu, Ruatanu, apan mamallossi yamiu wuassu patataṛṛuallangnganna su Mesir.

SASABANGNGA 7:17

Ana waugu udde, Mawu nabbisara arendi, ‘Wuassu sarangkanambone apan Ta'u olaanna sal᷊immurine, i'o sarun maasingkatta manungku ete i Ya'u Mawu. Ringannu ta'inna indi ya'u sarun mamuulla ua'en sal᷊ukka, wuṛṛu ua'ene sarun mabbal᷊i daṛṛa.

YESAYA 41:20

Ne anambon taumata sarun maasilo wuṛṛu maasingkatta manungku i Ya'u, Mawu, apan na'ola'a udde. I mangitou sarun manutukka wuṛṛu maasunna, Ruata na'ukkassu Israel na'ola'a udde nariaddi.”

YESAYA 49:23

Manga ratu ere iamangngi yamiu, wuṛṛu manga wo'i ere inangnga. I mangitou sarun umal᷊intudda mangaddatta si'o wuṛṛu sumallungngu watanganne si'o. Ne i'o sarun maasingkatta manungku i Ya'u Mawu; taumata apan uaantimma si Ya'u tawe sumassilla.”

YESAYA 49:26

Ya'u sarun ma'ola'a seennu iwu'annu daṛṛa, na'oman sara i mangitou uapapatete. Ne anambon taumata sarun maasingkatta, manungku i Ya'u, Mawu, Mananal᷊amannu; Apan Lembonmatohassa, Ruatan Yakub, Mananubbussa si'o.”

YESAYA 51:15

Ana waugu ete i Ya'u Mawu Ruatanu, apan napatandi'u tahal᷊oangnga na'oman sara luangnge ruddapa. Apan Lembontaṛṛino uddewe arang-Ku.

YESAYA 60:16

I'o sarun paddul᷊ianannu manga walahanna wuṛṛu manga ratu, ere sangkatou inangnga mappadul᷊i anangnge. Ne i'o maasingkatte manungku i Ya'u Mawu, Mananal᷊amannu, wuṛṛu manungku Ruatan Israel apan matohassa Mamamallonnu.

YESAYA 63:8

Mawu nabbisara, “Atonna-tonna, i mangitou uddewe uma-Ku, manga al᷊aṛṛana'a apan tawe nandal᷊eo naungnga.” Ne i Tou nabbal᷊i Mananal᷊amatti mangitou,

YEREMIA 31:33

Eteindi pa'aire wakku apan Ta'u niola'a ringannu umattu Israel: Manga tita-U sarun Ta'u iaddo sulal᷊ummu naungngi mangitou, wuṛṛu Ta'u iwoṛṛetta sulal᷊ummu ate mangitou. I Ya'u sarun maola'a Ruatan mangitou, wuṛṛu i mangitou sarun maola'a uma-U.

YEHEZKIEL 20:19

Ete i Ya'u Mawu Ruatanu. Paatuṛṛutte manga tita wuṛṛu manga parenta-U.

HOSEA 1:10

Walahannu Israel sarun maola'a anambone ere anne su tahal᷊oangnga, na'oman sara i tou tawe iauukka ara'e iareengnga. Orassa indi Ruata nabbisara si mangitou, “I yamiu wal᷊ine uma-U,” arawe sarun a'omanna tempone i Tou sarun mabbisara si mangitou, “Ete i Ya'u Ruata apan wiakka wuṛṛu i yamiu al᷊aṛṛana-U!”

IMAMATTA 11:44

Ete i Ya'u Mawu Ruatanu, ana waugu udde paariagaite tadea'u i yamiu sidutu susi, ana waugu i Ya'u susi.

IMAMATTA 11:45

Ete i Ya'u Ruatanu apan nangapiddi yamiu sinumabbangnga wuassu Mesir, tadea'u i Ya'u wotongnge maola'a Ruatanu. Ṛinone i yamiu susi, ana waugu i Ya'u susi.

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

REENGANNA 15:41

Ete i Ya'u Ruatanu; i Ya'u nangapiddi yamiu sinumabbangnga wuassu Mesir tadea'u i Ya'u mabbal᷊i Ruatanu, ete i Ya'u Mawu.”

MATIUS 22:32

‘Ete i Ya'u Ruatan Abraham, Ruatan Ishak wuṛṛu Ruatan Yakub.’ Ruata udde wal᷊inewe Ruatan taumata nate. I tou Ruatan taumata wiakka!”

ROMA 8:31

Apa apan wotongnge iwisara orassa indi su ola'u sarangkanambone udde? Amungkangngu Ruata uasamba'a si ite, isai wotongnge lumawangnga si ite?

TAHIUL᷊E 14:2

I yamiu uddewe pussa'an Mawu Ruatanu; wuassu al᷊awo'u walahanna su wowon dunia, ete i yamiu apan nipilen Mawu Ruata mabbal᷊i al᷊aṛṛanang-Nge.”

TAHIUL᷊E 26:18

Allo indi Mawu nanengkamma si yamiu maola'a al᷊aṛṛanang-Nge sassane, ere buatte nipa'ire-Ne si yamiu, wuṛṛu i Tou namarenta si yamiu iapatuṛṛutta al᷊awo'u parenta-Ne.

TAHIUL᷊E 29:12

Mawu Ruatanu na'ola'a pa'aire ringanni yamiu, wuṛṛu i yamiu sarangkanambone uasemodda isindi nabaiddu pa'aire udde ana see nanengkamma manga manara apan ala'anna.

TAHIUL᷊E 29:13

Ringannu pa'aire udde Mawu allo indi mannohassa si yamiu maola'a walahan-Ne, wuṛṛu i Tou maola'a Mawu Ruatanu ere buatte nipa'ire-Ne si yamiu wuṛṛu su iupungngu al᷊amonanu Abraham, Ishak wuṛṛu Yakub.

TAHIUL᷊E 29:5

Appatu pul᷊o su tonnane al᷊annune Mawu uapiaṛṛa'i yamiu u'amatta su wadda'a, arawe laungngu wuṛṛu silopenu tawe nal᷊al᷊eo.

TAHIUL᷊E 4:20

Arawe i yamiu uddewe walahanna apan niapasal᷊amatta wuassu Mesir, su tampa i yamiu tumaniten uatataṛṛanga. I yamiu niapiddi Tou sinumabbangnga wuassu wanua udde, tadea'u mabbal᷊i walahanna sassane ere olangngu orassa indi.

TAHIUL᷊E 7:6

Ola'e sarangkanambone udde ana waugu i yamiu pussa'an Mawu Ruatanu. Wuassu al᷊awo'u walahanna su runia indi, ete i yamiu apan nipilen Mawu Ruatanu mabbal᷊i walage apan apianne.

IBRANI 11:16

Arawe nasemakke, manungku i mangitou maapulun sambau soa lembon mapia, eteudde Soa su surga. Ana waugu udde Ruata tawe masili amungkangu i mangitou managone Ruata mangitou, ana waugu Ruata suete nanaddia sambau soa si mangitou.

1 PETRUS 2:10

Dorone i yamiu wal᷊ine walahannu Ruata, arawe orassa indi yamiu nareengke al᷊aṛṛana'u Ruata. Dorone i yamiu tawe rangnguannu Ruata, arawe orassa indi yamiu manengkamma darangngu-Ne.

SONDAPPA 21:3

See i ya'u naaringikka wuassu adderan araratuanna udde mabbisara ma'ikkatta, “Orassa indi tampa atatanaannu Ruata suadio'a ringannu taumata! I Tou sarun mabbiakka suadio'a ringanni mangitou, wuṛṛu i mangitou sarun maola'a al᷊aṛṛanang-Nge. Ruata sassane sarun matana'a ringanni mangitou wuṛṛu maola'a Ruata mangitou.

SONDAPPA 21:7

Manga taumata apan naauntunga sarun manengkama manga wawal᷊issu inolaanne udde wuassia-U. I Ya'u sarun maola'a Ruatane, wuṛṛu i tou sarun maola'a ana-U.