SASABANGNGA 6:6 - WUKE SUSI WATTI'U AL᷊AL᷊USASSA

⁶ I yamiu sarun Ta'u olaanna al᷊aṛṛana-U wuṛṛu i Ya'u maola'a Ruatanu. Ne i yamiu sarun maasingkatta manungku i Ya'u indi Mawu, Ruatanu, apan mamallossi yamiu wuassu patataṛṛuallangnganna su Mesir.

SASABANGNGA 6:6 Iomraidhean Croise

2 MARARATU 17:36

Pangaddate si Ya'u, Mawu, apan buatte nangapiddi yamiu sinumabbanga wuassu Mesir; passubbate si Ya'u wuṛṛu pangonggole sasamba si Ya'u.

1 TAWARIKH 17:21

Su ahewallu runia tawe walahanna ere Israel. Tumba'u Israel sambau walahanna apan Ta'u nipallossa pattataṛṛualanganna tadea'u maola'a al᷊aṛṛana-U sassane. Al᷊awo'u inolaanna apan wahewalla wuṛṛu maatiangnga niolang-Ngu si mangitou naola'a aran-Nu tinumelengnga su ahewallu runia. I'o namallossu al᷊aṛṛanang-Ngu wuassu Mesir, wuṛṛu nallimbuakka manga walahanna waine sutempo al᷊aṛṛanang-Ngu inai mapapangalo.

NEHEMIA 1:10

Mawu, i yami indi manga allang-Ngu, uman-Nu sassane apan buatte niapasal᷊aman-Nu ringannu taṛṛino wuṛṛu atatohan-Nu apan wahewalla.

DARALO 77:16

Ringannu atatohan-Nu I'o namallossu al᷊aṛṛanang-Ngu, papapulunni Yakub wuṛṛu i Yusuf.

DARALO 81:11

Ete i Ya'u Mawu Ruatanu, apan nangehetta si yamiu sinumabbangnga wuassu Mesir. Sutempo i yamiu mal᷊unussa i yamiu Ta'u nionggol᷊annu anna.

DARALO 81:6

I Tou na'ola'a sambau inanaramanna su walahannu Israel, sutempo i Tou inaite mando'appa Mesir. I Ya'u naaringikka sasinaukka apan awaganangku,

DARALO 81:7

“I Ya'u buatte namasanna winabbawa wuassu wambangngu, wuṛṛu namallossu so'anna wuassu limanu.

SASABANGNGA 1:11

Ne manga taumata Mesir napaatenegu manga mandariaga walahannu Israel, tadea'u mapasusan susan biakki mangitou ringannu mammanara masahadda. I mangitou niwata'a mabbangunna hunan datu Mesir manga soa Pitom wuṛṛu Raamses maola'a punnu pangangadoannu saranapa.

SASABANGNGA 12:41

Su allo panginsueannu tonna 430 udde, anambon barisannu al᷊aṛṛana'u Mawu nanantangngu leta'u Mesir.

SASABANGNGA 12:51

Su allo udde Mawu nangapiddu anambon balagu Israel sinumabbangnga wuassu Mesir.

SASABANGNGA 13:14

Amungkangngu su allo sal᷊immurine anangngu maiwal᷊o apa atappasanne sarangkanambone udde, i yamiu ṛinone sumimbakka arendi, ‘Ringannu taṛṛino apan bahewalla Mawu nangapiddi ite sinumabbangnga wuassu wanua Mesir, su tampa i ite niallangnga.

SASABANGNGA 13:16

Inanaramanna udde nabbal᷊i pananaunganna si ite naal᷊ihidda tatiala apan niwa'issa su ta'iakka ara'e su pakkanni ite. Ringannu aroddi i ite sidutu iapaanaungnga manungku Mawu buatte napassabangngi ite wuassu Mesir ringannu taṛṛino apan bahewalla.”

SASABANGNGA 13:3

I Musa nabbisara su balahannu Israel, “Su allo indi Mawu namallossi yamiu ringannu taṛṛino-Ne apan bahewalla, na'oman sara i yamiu wotongnge sumabbangnga wuassu Mesir, su tampa i yamiu a'allanganna. Ana waugu udde, allo indi ola'e allo pananaunganna. Imbaṛṛangnga umanna roti apan pia ragine.

SASABANGNGA 15:13

I'o nangehetta walahanna apan buatte niapasal᷊amatta indi, ana waugu I'o uanaungnga pa'aire-Nu. Ringannu atatohassa apan bahewalla i mangitou sasirungan-Nu, wuṛṛu niehen-Nu watukku leta'a apan susi.

SASABANGNGA 16:6

Ne nabbisarate i Musa wuṛṛu i Harun su anambon taumatan Israel, “Wawallo indi yamiu sarun maasingkatta manungku ete Mawu nangapiddi yamiu sinumabbangnga wuassu Mesir.

SASABANGNGA 18:1

I Yitro la'iananni Musa, imam su Midian, naaringikka su ola'u sarangkanambone apan nimanara Mawu si Musa wuṛṛu balahannu Israel, su tempo udde i tou namiaṛṛa'i mangitou sinumabangnga wuassu Mesir.

SASABANGNGA 2:11

Napawe i Musa umbasante, i tou inaite naisasomba manga taumata balahanna sambau. I tou naasilo ereapa i mangitou iwabbata'a mammanara masahadda. I tou naasilo lai sangkatou Mesir namate sangkatou Ibrani.

SASABANGNGA 3:17

Wuṛṛu i Ya'u buatte nakkawessa mangapiddi mangitou sumabangnga wuassu Mesir, su tampa i mangitou a'allangana, wuṛṛu manguntuddi mangitou su sambau wanua apan ala wuṛṛu masuwukka, wanuan balahannu Kanaan, balahannu i Het, i Amori, i Feris, Hewi wuṛṛu i Yebus.

SASABANGNGA 3:8

Ana waugu udde i Ya'u sumossokke mamallossi mangitou wuassu liman taumata Mesir wuṛṛu mangapiddi mangitou sumabangnga wuassu wanua udde mattuddan sambau wanua apan mal᷊alangnga. Letangnge ala wuṛṛu masuwukka, wuṛṛu orassa indi wawanuannu balahannu Kanaan, balahannu i Het, i Amori, i Feris, i Hewi wuṛṛu i Yebus.

SASABANGNGA 32:11

I Musa sinumal᷊ande Ruatane, wisarane, “Mawu, anio I'o ṛinone ma'ola'a aroddi si mangitou? Wal᷊inewe I'o buatte nanal᷊amatta si mangitou wuassu Mesir ringannu taṛṛino wuṛṛu atatohassa apan bahewalla?

SASABANGNGA 6:2

I Ya'u naipasilon batangang-Ku si Abraham, i Ishak wuṛṛu i Yakub naola'a Ruata Apan Lembontaṛṛino, arawe i Ya'u tawe namasingkatu watangang-Ku si mangitou ringannu arannu ‘Mawu.’

SASABANGNGA 6:29

Arawe i Musa sinumimbakka, “Mawu, I'o masingkatta manungku i ya'u longonna massinaukka. Ratu sarun tawe maddaringikka si ya'u?”

SASABANGNGA 6:8

Anambon tanata Mawu indi nipasingkatti Musa su walahannu Israel, arawe i mangitou maddiri maddaringikka si Musa, ana waugu pattaṛṛuallanganna apan maṛṛagissa udde naaola'a si mangitou niawul᷊iaten antimma.

SASABANGNGA 7:4

Ana waugu udde i Ya'u sarun makkuumannu Mesir ringannu manga ṛuumanna apan mawakkata, wua'udde Ta'u iapidda balahannu Israel sarangkanambone al᷊aṛṛana-U, sumabbangnga wuassu wanua udde.

SASABANGNGA 7:5

Ne taumata Mesir sarun maasingkatta manungku indi Mawu, su tempo i Ya'u makkuumanni mangitou wuṛṛu mangapiddu Israel sumabangnga wuassu wanuan mangitou.”

YESAYA 9:12

Walahannu Israel taambe lai sumassilla, salaiwe buatte niṛṛuumannu Mawu Apan Lembontaṛṛino; i mangitou taambe lai mawal᷊u.

YESAYA 9:17

Al᷊al᷊eon walahanna udde mannoṛṛobba naal᷊ihidda putungnga nangepoddu anggaṛṛumunanna ṛoaanna. Ṛenggamme naal᷊ihidda mahurangnge nasoṛṛobba ringannu timbulla sussal᷊oi.

YEREMIA 21:5

I Ya'u sassane sarun mamangalo si yamiu ringannu ahewallu auatanna ringannu asasa'u apan nangillembo.

YEREMIA 27:5

“Ringannu taṛṛino-U apan bahewalla wuṛṛu ringannu atatoha-U i Ya'u wotongnge mangonggolla sisai-sai apan ipaapulu-U.

YEREMIA 32:21

Ringannu taṛṛino wuṛṛu atatohan-Nu apan wahewalla I'o nangapiddu umattu Israel sinumabbangnga wuassu Mesir. I'o ma'ola'a manga al᷊aṛṛindu'a wuṛṛu manga tiala apan ma'atiangnga see manga riaddianna apan ma'ata'utta seetta.

YEHEZKIEL 20:33

“Sulal᷊ummu arang-Ku, Ruata apan biakka, Mawu Apan Atanggaṛṛanne, i yamiu Ta'u iapanaungnga manungku ana waugu asasa'u-U, i yamiu sarun parentang-Ku ringannu maṛṛagissa wuṛṛu matotogga ma'oman sara i yamiu maasingkatta taṛṛino-U. I yamiu apan buatte Ta'u nisal᷊iawukka.

WATTI'U MANGA RASUL 13:17

Ruatam walahannu Israel suete namile iupungngu al᷊amonang kite, wuṛṛu na'ola'a walahanna indi walahanna apan wahewa su tempo i mangitou uatana'a su Mesir naal᷊ihida ere taumata raho. Wua'udde ringannu taṛṛino apan wahewa Ruata nangapiddi mangitou sinumabangnga wuassu Mesir.

TAHIUL᷊E 11:2

Naungete orassa indi apan niasingkatanni yamiu ola'u Mawu, su wuassu al᷊o'engngu pabbiaṛṛannu. Manga anangngu taambe asingkatta su ola'u pabbiaṛṛanna udde. Ete i yamiu apan sidutu ual᷊ellega awawantugu Mawu Ruatanu, atatohan-Ne wuṛṛu taṛṛino-Ne

TAHIUL᷊E 15:15

Naungete manungku i yamiu dorone allangnga su Mesir ana see nipallosu Mawu Ruatanu; ana waugu udde i ya'u nangonggolu parenta indi si yamiu.

TAHIUL᷊E 26:8

Ringannu taṛṛino wuṛṛu atatohassa apan bahewalla I'o namallosi yami wuassu Mesir. I'o na'ola'a manga tanda ma'atiangnga wuṛṛu manga al᷊aṛṛindu'a wuṛṛu manga arariadianna apan maata'utta seetta.

TAHIUL᷊E 4:23

Paanaunge paapia-pia! Imbaṛṛangnga maabul᷊in pa'aire apan niola'u Mawu Ruatanu si yamiu. Paatuṛṛutte parenta-Ne; saran paassa imbaṛṛangnga i yamiu mallanginnu al᷊awo'u paal᷊uanna tadea'u subbanna,

TAHIUL᷊E 4:34

Apa pia sambau monganna apan baṛṛani mangal᷊appa sambau walahanna wuassu wallatu manga walahanna isudde ana see ma'ola'a si mangitou al᷊aṛṛanang-Nge sassane, ere buatte niola'u Mawu Ruatanu si yamiu su Mesir? I yamiu naasilo sassane ereapa Ruata ringannu atatohassa apan bahewalla nandantan asasilaka wuṛṛu pangalo, nammanara manga al᷊aṛṛindu'a wuṛṛu na'ola'a manga inolaanna apan bahewalla.

TAHIUL᷊E 5:15

Paanaunge manungku i yamiu dorone niallangnga su Mesir, ana see nipallosu Mawu Ruatanu ringannu atatohassa apan bahewalla. Ana waugu udde i yamiu Ta'u niparentanna mallaghun allon Sabat.

TAHIUL᷊E 6:12

paariagai mapia-pia tadea'u imbaṛṛangnga i yamiu maabul᷊in Mawu apan buatte namallosi yamiu wuassu Mesir, su tampa i yamiu niola'a allangnga.

TAHIUL᷊E 7:19

Paanaungete manga asasusa wahewalla apan niasiloanni yamiu sassane, manga al᷊aṛṛindu'a, wuṛṛu atatohassa apan bahewalla apan nipaattu Mawu Ruatanu ipamallossi yamiu. Aroddi lai Mawu Ruatanu sarun mallimbuakka anambon balahanna apan iaata'utti yamiu.

TAHIUL᷊E 7:8

Arawe Mawu namile si yamiu ana waugu i Tou marangngu si yamiu wuṛṛu mapulu manipussa pa'aire apan niola'i Tou ringannu iupungngu al᷊amonanu. Ana waugu udde i Tou buatte nanal᷊amatta si yamiu ringannu taṛṛino apan wahewalla wuṛṛu namallossi yamiu wuassu pattataṛṛuallanganna si ratun Mesir.

TAHIUL᷊E 9:29

Arawe paanaungete, Mawu, manungku i mangitou indi walahanna apan nipile-Nu maola'a al᷊aṛṛanang-Ngu, wuṛṛu niapiddu wuassu Mesir ringannu atatohassa wuṛṛu taṛṛino apan bahewalla.”