SASABANGNGA 6:2 - WUKE SUSI WATTI'U AL᷊AL᷊USASSA

² I Ya'u naipasilon batangang-Ku si Abraham, i Ishak wuṛṛu i Yakub naola'a Ruata Apan Lembontaṛṛino, arawe i Ya'u tawe namasingkatu watangang-Ku si mangitou ringannu arannu ‘Mawu.’

SASABANGNGA 6:2 Iomraidhean Croise

PANDARIADDI 15:7

Wua'udde Mawu nabbisara apia si tou, “Ete i Ya'u Mawu, apan buatte namiaṛṛangngu sinumabbangnga wuassu wanua Ur su Babilonia, tadea'u panantilannu leta'a indi si'o maola'a pusaanu.”

SASABANGNGA 12:12

Su tempo ṛabbi Ya'u sarun mamal᷊intaddu ahewallu leta'u Mesir, wuṛṛu mamate suapan ana'a esakka pahul᷊une, mawae ete taumata aroddi lai winatangnga. I Ya'u ṛinone makkuumannu anambon mawu su Mesir, ana waugu ete i Ya'u Mawu.

SASABANGNGA 14:18

Ne taumata Mesir sarun maasingkatta manungku ete i Ya'u Mawu.”

SASABANGNGA 15:3

Mawu udde mamamagalo apan matohassa, Mawu, uddewe aran-Ne.

SASABANGNGA 17:1

Wua'udde walahannu Israel sarangkanambone nanantangu wadda'u Sin wuṛṛu mangngingkate wuassu tampa sambau watukku tampa waine ere buatte nirolokku Mawu. Su allo sambau i mangitou naddasanna su Rafidim, arawe isudde tawe ua'e pa'inumanna.

SASABANGNGA 20:2

“Ete i Ya'u Ruatanu apan nangapiddi yamiu sinumabbangnga wuassu Mesir su tampa i yamiu niallangnga.

SASABANGNGA 3:14

Unnu Ruata, “I Ya'u eteudde I YA'U INDI. Eteindi apan iwisaranu su balahannu Israel, i Tou apan isassaggo I YA'U INDI, buatte nandolo'u ringanni yamiu.

SASABANGNGA 3:15

Pasingkata'a lai si mangitou manungku i Ya'u, Mawu, Ruatan iupungngu al᷊amona mangitou, Ruatan i Abraham, i Ishak wuṛṛu i Yakub, nandolokku ringanni mangitou. Ete i Ya'u Mawu, eteudde arang-Ku saran mal᷊annu-l᷊annu. Eteudde pananagoang-Ku su anambon balahannu maṛṛana'a mappulunna.

SASABANGNGA 6:29

Arawe i Musa sinumimbakka, “Mawu, I'o masingkatta manungku i ya'u longonna massinaukka. Ratu sarun tawe maddaringikka si ya'u?”

SASABANGNGA 6:6

I yamiu sarun Ta'u olaanna al᷊aṛṛana-U wuṛṛu i Ya'u maola'a Ruatanu. Ne i yamiu sarun maasingkatta manungku i Ya'u indi Mawu, Ruatanu, apan mamallossi yamiu wuassu patataṛṛuallangnganna su Mesir.

SASABANGNGA 6:8

Anambon tanata Mawu indi nipasingkatti Musa su walahannu Israel, arawe i mangitou maddiri maddaringikka si Musa, ana waugu pattaṛṛuallanganna apan maṛṛagissa udde naaola'a si mangitou niawul᷊iaten antimma.

YESAYA 42:8

Ete i Ya'u Mawu, uddewe arang-Ku; awawantu-Ku tawe Ta'u ionggolla sisai-sai; atattelengngu arang-Ku tawe Ta'u itantilla su paal᷊uanna.

YESAYA 43:11

I Ya'u sassane Mawu, baline i Ya'u tawedu maasal᷊amatta.

YESAYA 43:15

Ete i Ya'u Mawu, Ruatanu apan na'ukkassa, Ratunu, apan nandiaddi si'o, ei Israel!”

YESAYA 44:6

Eteindi wisara Mawu Apan Lembontaṛṛino, Ratu mallal᷊u'adda Israel, “I Ya'u Ruata Apan Tinggassa, apan paarorone wuṛṛu panguddusanne.

YEREMIA 9:24

Isai mappulu lumuassu sambau saranapa, ṛinone lumuassa manungku i tou ma'aillal᷊a wuṛṛu maasunna si Ya'u; manungku i tou masingkatta i Ya'u marangngu saran mal᷊annu-l᷊annu wuṛṛu i Ya'u mannohassa tita see atatul᷊idda su runia. Sarangkanambone udde maal᷊uassa naung-Ku. I Ya'u, Mawu, apan namasingkattu udde.”

YEHEZKIEL 20:5

Pasingkata'e wisara-U indi. I Ya'u buatte namile Israel wuṛṛu nassalu si mangitou. Su Mesir i Ya'u napal᷊iatta'u watangang-Ku si mangitou lapiddu nabbisara, ‘Ete i Ya'u Mawu Ruatanu.’

MALEAKHI 3:6

“Ete i Ya'u Mawu, wuṛṛu i Ya'u tawe mawalu. Ana waugu udde i yamiu, papapulunni Yakub, tawe pateanna.