SASABANGNGA 6:1 - WUKE SUSI WATTI'U AL᷊AL᷊USASSA

¹ Ruata nabbisara si Musa, wisarane, “Ete i Ya'u Mawu.

SASABANGNGA 6:1 Iomraidhean Croise

2 MARARATU 7:19

Wuṛṛu sutempo udde mandariaga ratu buatte nabbisara, “Tawe mariaddi! Udde awusu, salaiwe su orassa indi Mawu manossokku uranna apan bahewalla wuassu langitta!” Ana see sinimbaṛṛanni Elisa, “Paṛṛaddote i'o sarun maasilo olangnge udde mariaddi, arawe i'o tawe maal᷊ewa anna udde sarangkadio'a.”

2 MARARATU 7:2

Mandariaga ratu nabbal᷊issa, “Tawe mariaddi! Udde awusu, salaiwe su orassa indi lai Mawu manossokku uranna wahewalla wuassu langitta!” “I'o sarun maasilo olange udde mariaddi, arawe i'o tawe maal᷊ewa anna udde sarangkadio'a,” sasimbakki Elisa.

2 TAWARIKH 20:17

I yamiu salaiwe lasa'e mapapangalo sulal᷊ummu pangalo indi. Inaite watukku tampa apan buatte nitantunna si yamiu wuṛṛu pallaṛaddote isudde. I yamiu sarun maasilo Mawu mangonggolu auntunganna si yamiu. Ei tumana'u Yehuda wuṛṛu Yerusalem, arie passinggawanga ara'e mata'utta. Suttate sulal᷊ummu pangalo udde, Mawu sarun mantul᷊ungngi yamiu!”

DARALO 12:5

apan mabbisara, “I yamiu uataṛino ringannu lilan kami! Walate i yami mabbisara, wuṛṛu tawedu wotongnge manal᷊are!”

DARALO 12:6

Wisaran Mawu, “Taumata asiangnga a'umpisananna wuṛṛu taumata susa sussal᷊iomanna. Ne orassa udde lai i Ya'u rumanta mangonggolu langnganna apan aantimanni mangitou.”

DARALO 136:12

ringannu ta'iakka ma'uatta wuṛṛu matohassa; darangngu-Ne tawe panguddusanne.

DARALO 89:13

Ete I'o apan na'ola'a sawannakka wuṛṛu timukka, Wowon Tabor wuṛṛu Hermon lullala'a maddalo Si'o.

SASABANGNGA 11:1

Mawu nabbisara si Musa, “I Ya'u sarun mangema'u sambau asasilaka lai su ratu Mesir wuṛṛu tumanangnge. Wua'udde, i tou sarun mamallossi yamiu inai mapul᷊e. Ewe'e i yamiu sarangkanambone sarun limbuaṛṛanni tou wua isindi.

SASABANGNGA 12:31

Ṛabbi udde lai, ratu namago si Musa wuṛṛu si Harun wuṛṛu nabbisara, “Pangingkatte wua isindi, i yamiu sarangkanambone! Tantanga'e wanua'u! Roote passubba Ruatanu ere buatte niroronganni yamiu.

SASABANGNGA 12:33

Manga taumata Mesir mammata'u taumatan Israel tadea'u paal᷊ihakka manantangngu wanua udde. Unni mangitou, “Yami sarangkanambone sarun mate amungkangu i yamiu tawe inai!”

SASABANGNGA 12:39

I mangitou nallol᷊o roti tawe ragine wuassu taponna apan niapiddi mangitou wuassu Mesir. I mangitou nilimbuaṛṛanna wua isudde ringannu namaṛṛindu'a, na'oman sara tawe naasaddia wal᷊unna.

SASABANGNGA 13:14

Amungkangngu su allo sal᷊immurine anangngu maiwal᷊o apa atappasanne sarangkanambone udde, i yamiu ṛinone sumimbakka arendi, ‘Ringannu taṛṛino apan bahewalla Mawu nangapiddi ite sinumabbangnga wuassu wanua Mesir, su tampa i ite niallangnga.

SASABANGNGA 13:16

Inanaramanna udde nabbal᷊i pananaunganna si ite naal᷊ihidda tatiala apan niwa'issa su ta'iakka ara'e su pakkanni ite. Ringannu aroddi i ite sidutu iapaanaungnga manungku Mawu buatte napassabangngi ite wuassu Mesir ringannu taṛṛino apan bahewalla.”

SASABANGNGA 13:3

I Musa nabbisara su balahannu Israel, “Su allo indi Mawu namallossi yamiu ringannu taṛṛino-Ne apan bahewalla, na'oman sara i yamiu wotongnge sumabbangnga wuassu Mesir, su tampa i yamiu a'allanganna. Ana waugu udde, allo indi ola'e allo pananaunganna. Imbaṛṛangnga umanna roti apan pia ragine.

SASABANGNGA 13:9

Ramea indi maola'a pananaunganna si yamiu naal᷊ihidda tatiala apan niwa'issa si ta'iakka ara'e su pakkannu. Ramea indi mapaanaungnga si yamiu tadea'u sidutu mabbatti'a wuṛṛu mangngurumma manga Tita Mawu, ana waugu Mawu napaasabbangngi yamiu wuassu Mesir ringannu taṛṛino-Ne apan bahewalla.

SASABANGNGA 14:13

I Musa sinumimbakka, “Arie pa'ata'utta! Paataṛṛange! I yamiu sarun maasilo apa inolaannu Mawu ipanal᷊amatta si yamiu. Taumata Mesir apan niasiloanni yamiu orassa indi, tate asiloanni yamiu apia.

SASABANGNGA 15:6

Atatohan-Nu mangke ma'atiangnga, oh Mawu, I'o na'ola,a seetta nasue-sue.

SASABANGNGA 7:4

Ana waugu udde i Ya'u sarun makkuumannu Mesir ringannu manga ṛuumanna apan mawakkata, wua'udde Ta'u iapidda balahannu Israel sarangkanambone al᷊aṛṛana-U, sumabbangnga wuassu wanua udde.

SASABANGNGA 7:5

Ne taumata Mesir sarun maasingkatta manungku indi Mawu, su tempo i Ya'u makkuumanni mangitou wuṛṛu mangapiddu Israel sumabangnga wuassu wanuan mangitou.”

YESAYA 63:12

Suapate Mawu apan uaringanna si Musa ringannu lima-Ne apan tumanite matohassa, wuṛṛu nama'a ua'e su saruanni mangitou tadea'u aran-Ne tumelengnga sarangkal᷊o'enge?

REENGANNA 11:23

Mawu sinumimbakka, “Apa taṛṛino-U pia patta'al᷊anne? I'o sarun mal᷊ihakka maasilo sarangkanambone apan Ta'u niwisara udde atonna mariaddi ara'e tawe!”

REENGANNA 23:23

Tawe daroa apan maaṛṛino si Yakub tawe papasi'atta apan maal᷊ore su Israel. Su ola'u walahanna udde taumata sarun mabbisara, ‘Pa'ellega al᷊aṛṛindu'a apan niola'u Ruata!’

WATTI'U MANGA RASUL 13:17

Ruatam walahannu Israel suete namile iupungngu al᷊amonang kite, wuṛṛu na'ola'a walahanna indi walahanna apan wahewa su tempo i mangitou uatana'a su Mesir naal᷊ihida ere taumata raho. Wua'udde ringannu taṛṛino apan wahewa Ruata nangapiddi mangitou sinumabangnga wuassu Mesir.

TAHIUL᷊E 32:39

Pa'ellege, i Ya'u Ruata Apan Tinggassa, tawe Duata wal᷊ine tumba'u i Ya'u. I Ya'u mammate wuṛṛu mappaawiakka mallessa wuṛṛu mangngapia. Napawe i Ya'u mammanarate, tawe saran sangkatou apan botongnge lumawangnga.

TAHIUL᷊E 4:34

Apa pia sambau monganna apan baṛṛani mangal᷊appa sambau walahanna wuassu wallatu manga walahanna isudde ana see ma'ola'a si mangitou al᷊aṛṛanang-Nge sassane, ere buatte niola'u Mawu Ruatanu si yamiu su Mesir? I yamiu naasilo sassane ereapa Ruata ringannu atatohassa apan bahewalla nandantan asasilaka wuṛṛu pangalo, nammanara manga al᷊aṛṛindu'a wuṛṛu na'ola'a manga inolaanna apan bahewalla.