SASABANGNGA 40:34 - WUKE SUSI WATTI'U AL᷊AL᷊USASSA

³⁴ Wua'udde niumonto'e winabbawa nangooppa Rasannu Mawu, wuṛṛu Rasanna udde napenen semakku darantan Mawu.

SASABANGNGA 40:34 Iomraidhean Croise

2 SAMUEL 7:6

Ro'en walahannu Israel Ta'u nipallossa wuassu Mesir naddatingngu orassa indi, taambe saran paassa i Ya'u natana'a su sambau wal᷊en, arawe sidutu mammal᷊intadda wuṛṛu mattana'a su sambau rasanna.

2 TAWARIKH 7:2

na'oman sara manga imam tawe naasutta.

DARALO 26:8

I ya'u mandangngu Wal᷊en-Nu, oh Mawu, sutampa I'o uatana'a ringannu awawantuga.

SASABANGNGA 14:24

Maranin nallo Mawu na'ellega wuassu pal᷊iaṛṛannu putungnga wuṛṛu winabbawa su tantara Mesir wuṛṛu nanongkakki mangitou.

SASABANGNGA 16:10

Tantal᷊anna i Harun mabbisara si mangitou sarangkanambone, i mangitou nanaile watukku wadda'a wuṛṛu inaṛṛombanganne semakku Mawu niasiloanna sulal᷊ummu winabbawa.

SASABANGNGA 25:8

Doloṛṛa'e walahanna udde ma'ola'a rasang-Ku, tadea'u i Ya'u wotongnge matana'a suadio'a ringanni mangitou.

SASABANGNGA 29:43

Isudde i Ya'u sarun massomban balahannu Israel, wuṛṛu semakku daranta-U sarun maaola'a tampa udde mabbal᷊i susi.

SASABANGNGA 33:9

Napawe i Musa nasuttate, sinumossoke bal᷊iaṛṛannu winabbawa wuṛṛu natta'alla su ngaran Dasanna. Wuassu winabbawa udde Mawu uahahatton i Musa.

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

YESAYA 6:4

Tingikki mangitou naaola'a apampakku Wal᷊en Mawu tinumaraddalla, wuṛṛu Wal᷊en Mawu udde sassane napenen timbulla.

YEHEZKIEL 10:4

Semakka ma'al᷊angitta apan mammasingkattu daranta Mawu natuakka wuassu manga mala'ekatta udde wuṛṛu na'ingkatta watukku ngara sasuttanna su Wal᷊en Mawu, na'oman sara rallakke nabbal᷊i masema-semakka.

IMAMATTA 16:2

wisara-Ne, “Wal᷊oa'e si tuṛṛangngu i Harun, manungku tumba'u su tempo apan buatte nitantunna i tou wotonge sumutta su Wabbo'a Lembon Susi apan niwallatannu pampele, ana waugu ete isudde i Ya'u mattingka pasilon batangang-Ku sulal᷊ummu winabbawa su wowon lal᷊uubbu Wantallu Pa'aire. Amungkangngu i Harun lumawangnga parenta udde, i tou sarun mate.

HAGAI 2:7

Anambon walahanna sarun Ta'u pata'utanna wuṛṛu darotongngi mangitou sarun iapidda inawarendi, na'oman sara Wal᷊e-U mapenen paa'alan mangitou.

HAGAI 2:9

Wal᷊e-U apan wakku sarun mappianna wuassu paarorone, wuṛṛu isindi i Ya'u sarun mangonggollu paddarame wuṛṛu lal᷊umanna'a su walahang-Ku.” Mawu Apan Lembontaṛṛino buatte nabbisara.

REENGANNA 7:89

Suapan i Musa sumutta sulal᷊ummu Rasannu Mawu, maggahatto Mawu, i tou ma'aringikka tingikku Mawu apan mabbisara si tou wuassu wowon lal᷊uubbu Wantallu Pa'aire su wallatu darua paal᷊uannu mala'ekatta.

ROMA 9:4

Ete i mangitou udde walahanna apan nipile wuṛṛu Ruata nanga'u si mangitou maola'a al᷊aṛṛanang-Nge sassane, lapiddu napaal᷊iatta'u taṛṛino-Ne si mangitou. I Tou na'ola'a paaire si mangitou wuṛṛu nangonggolu titan agama si mangitou. Ruata namasingkata si mangitou ereapa i mangitou ṛinone mattaṛṛamawu wuṛṛu i mangitou suete nanengkamma lai manga paaire-Ne.

SONDAPPA 15:8

Ne Wal᷊en Ruata udde napeneten timbulla wuassu awawantuga wuṛṛu taṛṛinon Ruata. Wuṛṛu tantal᷊anna pitu asasusa apan niapiddu sire pitu mala'ekatta udde taambe nasue, tawe saran sangkatou apan botongnge maasutta sulal᷊ummu Wal᷊en Ruata.

SONDAPPA 21:3

See i ya'u naaringikka wuassu adderan araratuanna udde mabbisara ma'ikkatta, “Orassa indi tampa atatanaannu Ruata suadio'a ringannu taumata! I Tou sarun mabbiakka suadio'a ringanni mangitou, wuṛṛu i mangitou sarun maola'a al᷊aṛṛanang-Nge. Ruata sassane sarun matana'a ringanni mangitou wuṛṛu maola'a Ruata mangitou.