SASABANGNGA 40:16 - WUKE SUSI WATTI'U AL᷊AL᷊USASSA

¹⁶ I Musa tinumuṛṛutta sarangkanambone ere buatte niparentan Mawu.

SASABANGNGA 40:16 Iomraidhean Croise

PANDARIADDI 6:22

I Nuh tinumuṛṛutta al᷊awo'u parentan Ruata si tou.

SASABANGNGA 40:15

Ana see lanaite i mangitou ere i'o nallana iamangngi mangitou, tadea'u i mangitou lai wotongnge mangimbe si Ya'u maola'a imam. Ringannu lal᷊aghun lanan udde, ṛuanganni mangitou saran papapulunne uaagassa manara imam.”

SASABANGNGA 7:6

I Musa wuṛṛu i Harun tinumuṛṛutta srangkanambone apan nirolokku Mawu.

YESAYA 8:20

Simbakke arendi, “Paddaringikke al᷊aṛṛa'u Mawu! Taumata apan tawe mabbisara uasul᷊ungngu al᷊aṛṛa'a udde, tawe antimma.”

YEREMIA 13:5

Ne uasul᷊ungngu parenta Mawu, i ya'u inaite wuṛṛu namunin nasa maautta udde maranin Sal᷊ukku Efrat.

IMAMATTA 8:13

Ana see i tou nandolokku manga ana'i Harun niaparisikka su saruanne. I tou nalluṛṛen kameja wuṛṛu papeṛṛetta. Ana see i tou nama'issu paporongnga su puan mangitou ere buatte niparentan Mawu si tou.

IMAMATTA 8:9

Ana see i tou nama'issu paporongnga su puan i Harun, wuṛṛu su paporongnga udde i tou nangelen lal᷊ogakka wul᷊awanna, apan mattiala manungku i Harun naola'e pussa'an Mawu. Sarangkanambone udde niola'i Musa tumuṛṛuttu parentan Mawu si tou.

REENGANNA 1:19

ere buatte nirolokku Mawu. Sarangkanambone udde niola'i Musa su wadda'u Sinai.

REENGANNA 9:22

Su al᷊annune winabbawa udde su wowon Dasannu Mawu, tanne al᷊annune dua allo, sambul᷊anna, santonna ara'e lumebbe, al᷊annune udde lai i mangitou uatana'a su tampa udde. Amungkangngu winabbawa udde rumuitta, wakkute udde i mangitou mangingkatta.

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

1 KORINTUS 4:2

Paarorone apan ṛaddeaanna wuassu mangangimbe aroddi, eteudde manungku i tou matuṛṛuta mawune.

TAHIUL᷊E 12:32

Tuṛṛutte sarangkanambone apan ta'u nirolokka si yamiu; arie pattambai ara'e hainganna.

TAHIUL᷊E 4:1

Ana see i Musa nabbisara su walahanna udde, “Paatuṛṛute anambon tita apan ta'u niaṛṛa'a si yamiu, tadea'u i yamiu wotongnge mabbiakka ma'oman sara mamanua su leta'a apan nionggolu Mawu Ruatan al᷊amonanu si yamiu.

IBRANI 3:2

I Tou matuṛṛuta Ruata apan suete namile si Tou su manara udde, ere lai Musa rorone matuṛṛuta mappaamattu manarane su Wal᷊en Ruata.

IBRANI 3:5

I Musa matuṛṛuta ere sangkatou mangangaṛṛa'a su Wal᷊e Mawu wuṛṛu mabatti'u manga inolaanna apan sarun iapaasingkatu Ruata su tempo apan sarun rumanta.