SASABANGNGA 4:5 - WUKE SUSI WATTI'U AL᷊AL᷊USASSA

⁵ Unnu Mawu, “Pa'ola'e aroddi tadea'u manga taumatan Israel mangimanna manungku i Ya'u, Mawu, Ruata iupungngu al᷊amona mangitou, Ruatan Abraham, Ishak wuṛṛu Yakub, buatte naipasilon batangan-Ne si'o.”

SASABANGNGA 4:5 Iomraidhean Croise

PANDARIADDI 12:7

Mawu naipasilon batangan-Ne si Abram wuṛṛu nabbisara si tou, “Ete indi wanua apan Ta'u ionggolla su papapulunnu.” Ana see i Abram napararisikku sambau mezbah hunan Mawu apan buatte naipabilon batangan-Ne si tou.

PANDARIADDI 17:1

Napawe i Abram uukke sioten pul᷊o sio su tonnane, Mawu naipasilon batanganne si tou wuṛṛu nabbisara, “Ete i Ya'u Ruata Apan Lembontaṛṛino. Paatuṛṛutte si Ya'u wuṛṛu sidutu pa'ola'e apulu-U.

PANDARIADDI 18:1

Mawu naipasilon batangan-Ne si Abraham marani manga aaluanna pia taṛṛinone tampan patataṛṛamawuanna su Mamre. Su allo udde paddissa mapal᷊atta, wuṛṛu i Abraham tantal᷊anna ua'ianna su ngaran rasanne.

PANDARIADDI 26:2

Olangnge udde niolangnge ana waugu Mawu buatte namasilon batanganne si tou wuṛṛu nabbisara, “Imbaṛṛangnga inai watukku Mesir; atana'e su wanua indi, ere buatte Ta'u nirolokka si'o.

PANDARIADDI 28:13

Wuṛṛu Mawu uarisikka su sandiṛṛanne apiddu nabbisara, “Ete i Ya'u Mawu, Ruata apan raddaloanni Abraham wuṛṛu i Ishak. I Ya'u sarun mangonggolla si'o wuṛṛu su papapulunnu leta'a apan lal᷊allowangannu indi.

PANDARIADDI 48:15

Wua'udde i tou nangal᷊amatta si Yusuf, wisarane, “Ruata, ete i Tou Mawu, sassubbanni Abraham wuṛṛu i Ishak, ete i Tou apan ua'ehetta si ya'u naddatingngu orassa indi;

PANDARIADDI 48:3

Wisaran Yakub si Yusuf, “Ruata Lembontaṛṛino buatte naipasilon batangan-Ne si ya'u su Lus, su leta'u Kanaan, wuṛṛu buatte nangal᷊amatta si ya'u.”

1 MARARATU 18:36

Sutempo nia'omante tempone mangonggollu sasamban bawallo, i Nabi Elia nangundanin mezbah udde ana see niumal᷊iomanna, “Oh Mawu, Ruata apan sassubbanni Abraham, i Ishak wuṛṛu i Yakub, papal᷊iatta'e orassa indi manungku Ete I'o Ruata su Israel, wuṛṛu i ya'u allang-Ngu. Pal᷊iatta'a'e lai manungku al᷊awo'a apan ta'u niola'a indi udde wuassu parenta-Nu.

2 TAWARIKH 20:20

Tiṛṛabbine marua allo maṛṛanggapa, tumanangnge sinumabbangnga wuṛṛu inaite watukku wageangngu wadda'a maranin Tekoa. Sutempo i mangitou umamatte, Yosafat nangonggolu tanata indi si mangitou, “Tumana'u Yehuda wuṛṛu Yerusalem! Pangimante Mawu Ruatanu, ne i yamiu sidutu wiakka. Sengkampe tatantiro wuassu manga nabinu, ne i yamiu sarun maasomba hessine!”

SASABANGNGA 3:15

Pasingkata'a lai si mangitou manungku i Ya'u, Mawu, Ruatan iupungngu al᷊amona mangitou, Ruatan i Abraham, i Ishak wuṛṛu i Yakub, nandolokku ringanni mangitou. Ete i Ya'u Mawu, eteudde arang-Ku saran mal᷊annu-l᷊annu. Eteudde pananagoang-Ku su anambon balahannu maṛṛana'a mappulunna.

SASABANGNGA 3:16

Roote wuṛṛu ammul᷊a'a anambon piaṛṛa'u Israel. Al᷊iata'a si mangitou manung-Ku, Mawu, Ruata iupungngu al᷊amona mangitou, Ruatan i Abraham, i Ishak wuṛṛu i Yakub, buatte naipasilon batangan-Ne si'o. Pasingkata'e si mangitou manungku i Ya'u nirumantate ringanni yamiu wuṛṛu naasilote ereapa i mangitou aalangannu balahannu Mesir.

SASABANGNGA 3:18

Al᷊aṛṛana-U sarun maddaringikka manga wisaranu. Wua'udde i'o suadio'a ringannu manga piaṛṛa'u Israel ṛinone inai sumaruanna ratu Mesir wuṛṛu mabbal᷊o si tou; ‘Mawu, Ruata taumatan Ibrani buatte nirumanta naipasilon batangan-Ne si yami. Orassa indi wala'awe yami inai araune tallu allo amatanna watukku wadda'a lol᷊okka mangonggolu sasamba su Mawu, Ruatan kami.’ ”

SASABANGNGA 3:4

Mawu naasilo si Musa nangundanin tampa udde, ne i Tou niumui wuassu pattangngannu ahuranganna udde, “I Musa! I Musa!” “I ya'u isindi,” sasimbakki Musa.

SASABANGNGA 3:6

I Ya'u indi Ruatan iupungngu al᷊amonanu, Ruatan Abraham, Ishak wuṛṛu i Yakub.” Ne i Musa nallindumma hatine, ana waugu i tou matta'utta ma'ellega Ruata.

SASABANGNGA 4:1

Ana see i Musa sinumimbakka Mawu, “Arawe ereapate amungkangngu unnu wisara manga taumatan Israel tawe mangimanna wuṛṛu maddiri tumuṛṛutta manga wisara'u? Apa ṛinone ta'u olaanna unnu wisara i mangitou mabbisara manungku Mawu tawe naipasilon batangan-Ne si ya'u?”

SASABANGNGA 4:31

Ne i mangitou nangimante, wuṛṛu napawe i mangitou naaringikka manungku Mawu buatte na'ellega walahannu Israel wuṛṛu na'ellega al᷊awo'u asasusa mangitou, i mangitou niumal᷊intudda nassubba.

SASABANGNGA 4:4

Mawu nabbisara si Musa, “Undanie atoanna udde, wuṛṛu aggassa tol᷊ene.” I Musa nangundani wuṛṛu nanametta atoanna udde apan apiddu nawal᷊u nabbal᷊i ta'inna su ta'iakki Musa.

YESAYA 7:9

Israel tawe mattohasanna wuassu Samaria, inangngu soane, wuṛṛu Samaria tawe mattohassanna wuassi Ratu Pekah. Amungkangngu i yamiu tawe atonna-tonna mangngimanna si Ya'u, i yamiu sarun tawe maaro'appa.”

YEREMIA 31:3

wuassu marau i Ya'u naipasilon batangang-Ku si mangitou. Ei umattu Israel, ro'en dorone i Ya'u sidutu mandangngu si yamiu, wuṛṛu sarangkal᷊o'enge i Ya'u sidutu mappal᷊iatta'a manungku i Ya'u sidutu marangngu si yamiu.

YOHANES 11:15

Arawe i Ya'u lulluassa lai ana waugu i Ya'u tawe poiaroddi, ana waugu mappianne si yamiu, tadea'u i yamiu wotongnge mangngimanna. Wette i ite inaite orassa indi ringanni Lazarus.”

YOHANES 11:42

I Ya'u masingkatta I'o sidutu uararingikka si Ya'u, arawe I Ya'u mabbisara indi, hunane su manga taumata isindi; tadea'u i mangitou mangngimanna manungku ete I'o apan nandolo-U.”

YOHANES 20:27

Wua'udde Mawu Yesus nabbisara si Tomas, “Pa'ellege lima-U, wuṛṛu addoa'e tal᷊imadonu isindi. Ul᷊uṛṛa'e limanu wuṛṛu addoa'e su sandiṛṛang-Ku. Arie mapapadua lai ewe'e pangimante!”

YOHANES 20:31

Arawe sarangkanambone indi niwoṛṛetta, tadea'u i yamiu mangngimanna manungku Mawu Yesus eteudde Ratu Punnu Sal᷊amatta, Ana'u Ruata, wuṛṛu ana waugu mangngimanna si Tou, i yamiu naasomba wiakka.

YOHANES 5:36

Arawe tatiala-U magewal᷊anna wuassu tatialan Yohanes. Apa apan niola-U orassa indi, eteudde manara apan nianggillu Iamangnga si Ya'u, mattiala manungku Iamangnga suete nandolo-U.

WATTI'U MANGA RASUL 7:2

I Stefanus sinumimbakka, “Manga tuṛṛangnga wuṛṛu manga Iamangnga! Padaringikka si ya'u! Tantal᷊anna iupungngu al᷊amonang kite Abraham taambe nangingkatta watukku Haran, su tempo i tou ta'e uatana'a su Mesopotamia, Ruata apan mawantuga nirumanta ringanni tou

IBRANI 11:16

Arawe nasemakke, manungku i mangitou maapulun sambau soa lembon mapia, eteudde Soa su surga. Ana waugu udde Ruata tawe masili amungkangu i mangitou managone Ruata mangitou, ana waugu Ruata suete nanaddia sambau soa si mangitou.