SASABANGNGA 4:18 - WUKE SUSI WATTI'U AL᷊AL᷊USASSA

¹⁸ Wua'udde i Musa napul᷊ete watukku wal᷊en Yitro, iamangnga la'iananne, wuṛṛu nabbisara si tou, “Walaawe i ya'u mabelengnga su Mesir mattembo manga tuṛṛangku wuṛṛu ma'ellega tanne i mangitou ta'e wiakka.” I Yitro nabbisara si Musa, “Roote ringannu sal᷊amatta.”

SASABANGNGA 4:18 Iomraidhean Croise

PANDARIADDI 45:3

I Yusuf nabbisara su manga tuṛṛangnge, “I ya'u indi Yusuf. I Papa ta'e wiakka?” Naasilo udde manga tuṛṛangnge mangke nata'utta atonna na'oman sara tawe naasimbakka.

2 MARARATU 5:10

I Elisa nandolokku sangkatou allanga iapawisara arendi si Naaman, “Roote i Tuanga pandeno paapitu su Sal᷊ukku Yordan, ne i Tuanga sarun mapiate atonna.”

2 MARARATU 5:19

I Elisa nabbisara, “Apul᷊ete ringannu sal᷊amatta.” Ana see i Naaman napul᷊ete. Tawe nal᷊annu napawe i Naaman napul᷊ete,

SASABANGNGA 2:21

I Musa nappul᷊ute natana'a isudde. Wua'udde i Yitro nangawingngu anangnge aranne i Zipora ringanni Musa.

SASABANGNGA 3:1

Su tempo udde i Musa mallu'adda manga domba wuṛṛu manga ambingngi Yitro, la'iananne, imam su leta'u Midian. Su tempo i tou tantal᷊anna mangngul᷊uga winatangnga udde watukku samba'an badda'a lol᷊okka, i tou na'omate su Wowon Sinai, wowone apan susi.

LUKAS 7:50

Arawe Mawu Yesus nabbisara wawine udde, “Ana waugu i'o mangngimanna si Ya'u, i'o sarun masal᷊amatta. Roote ringannu padarame!”

WATTI'U MANGA RASUL 15:36

Tawe nal᷊annu wua'udde i Paulus nabbisara si Barnabas, “Wette i ite mabelengke apia mattembo manga tuṛṛangnga apan mangngimanna Mawu Yesus su anambon soa apan suete niwatti'i anni ite wisara Mawu; tadea'u i ite maasilo ereapa ola'i mangitou.”

WATTI'U MANGA RASUL 16:36

Tembonannu tuttupanna udde nabal᷊om batti'a udde si Paulus. I tou nabbisara, “Manga mawu, manga piaṛṛa'u pamarenta suete nandolokka tadea'u manga mawu iapapallossa. Orassa indi manga mawu wotongngete mapul᷊e. Sal᷊amatte umamatta!”

1 TIMOTIUS 6:1

Manga taumatan Saṛṛani apan naola'a allangnga, ṛinone massunna manungku mawu mangitou ṛinone addatanna, tadea'u taumata tawe wotongnge mandal᷊eo arannu Ruata ara'e al᷊aṛṛa'i ite.

MAL᷊AṚṚUUNGNGA 18:6

Imam udde sinumimbakka, “Arie passinggawanga. Mawu buatte nangal᷊amatta amamatti yamiu indi.”

1 SAMUEL 1:17

Ana see i Eli nabbisara, “Amungkangu aroddi apul᷊ete ringannu sal᷊amatta. Antimanna Mawu Ruatan Israel maddaringikka darorongngu.”