SASABANGNGA 34:6 - WUKE SUSI WATTI'U AL᷊AL᷊USASSA

⁶ Wua'udde Mawu sinumabbi ringanni Musa wuṛṛu nabbisara, “I Ya'u Mawu, eteudde Ruata apan napenen naungnga mapia wuṛṛu darangngu. Darungngu-U nilumambalanna, i Ya'u satia wuṛṛu mal᷊iwue masa'u.

SASABANGNGA 34:6 Iomraidhean Croise

PANDARIADDI 24:27

Wisarane, “Paddalote Mawu, Ruata mawu'u Abraham. Mawu sidutu matul᷊idda wuṛṛu mapia su mawu'u Abraham. I tou nangehetta si ya'u watukku manga tuṛṛangnge.”

2 SAMUEL 24:14

I Daud sinumimbakka, “Uare! Nasilakate i ya'u! Arawe wuassu i ya'u iṛṛuumannu taumata, mappianne i ite sarangkanambone iṛṛuumannu Mawu, ana waugu wahewalla darangngu-Ne.”

1 MARARATU 19:11

“Sabbangke wuassu loṛṛangnga udde,” unnu Mawu si tou, “wuṛṛu darisikke saruanna si Ya'u su puiddu wowone.” Ana see Mawu sinumabbi isudde, niṛṛoroannu anginna apan tinumiuppa ma'ikkatta atonna na'oman sara manga wuidda nawa'a wuṛṛu manga wowone watu napesangnga. Arawe Mawu tawe naipasilo sulal᷊ummu anginna udde. Napawe anginna udde nol᷊ote, nariaddite linukka, arawe sulal᷊ummu linukka udde lai Mawu tawe naipasilo.

2 TAWARIKH 30:9

Amungkangu i yamiu mabelengnga mattaṛṛamawu su Mawu, ne manga taumata apan nangapiddu manga tuṛṛangngu naola'a taumata niatawanna, sarun umakkanna wuṛṛu mamalan mangitou iapapul᷊e apia. Mawu Ruatanu eteudde Ruata apan mapia wuṛṛu marangngu; i Tou sarun manarimmatti yamiu amungkangu i yamiu mabelengnga apia ringanni Tou.”

NEHEMIA 9:17

I mangitou tawe tumuṛṛutta, al᷊awo'u apapia-Nu tinimbul᷊iannana, wuṛṛu anambon inolaan-Nu apan maatiangnga nawul᷊i wuassu naungnga. Ringannu mawunga i mangitou namile sangkatou piaṛṛangnge, ipangapiddi mangitou watukku Mesir, mabbelengnga maola'a allangnga. Arawe I'o Ruata apan apulune mangngampungnga, masabbare, masaṛṛionto'a wuṛṛu napenen darangngu. Darangngu-Nu atonna tawe pattaal᷊anne; I'o tawe nanantangngi mangitou.

DARALO 108:4

Mawu, i ya'u maapulu maadiangkamanna Si'o suwallatu manga walahanna. I ya'u maapulu mangantarin daralo Si'o suwallatu umattu taumata.

DARALO 111:4

Mawu udde marangngu wuṛṛu maakkanna, i Tou ma'ola'a manga inolaanna apan maatiangnga, tadea'u i ite sidutu uanaung-Nga.

DARALO 111:8

Tita-Ne tawe mawal᷊u su al᷊o'engngu allo, nionggola sulal᷊ummu taṛṛino wuṛṛu atatul᷊idda.

DARALO 112:4

Semakka lukkena sulal᷊ummu ararandumma su taumata mapia, su taumata apan matul᷊idda, marangngu wuṛṛu maakkanna.

DARALO 116:5

Mawu udde marangngu wuṛṛu matul᷊idda; Ruatan kite napenen aakkanna.

DARALO 138:2

I Ya'u umal᷊intudda uasaruanna Wal᷊en-Nu apan susi lapiddu maddalo aran-Nu, ana waugu I'o maakkanna wuṛṛu sidutu marangngu. I'o lembon manuungngu paaire-Nu wuassu addapattu taumata su ola'u watangan-Nu.

DARALO 145:8

Mawu udde marangngu wuṛṛu maakkanna, mal᷊annu masa'u wuṛṛu sidutu marangngu.

DARALO 146:6

Ete i Tou apan nandiaddi langitta wuṛṛu runia, tahal᷊oangnga wuṛṛu al᷊awo'u lal᷊oṛṛone; i Tou sidutu matul᷊idda saran mal᷊annu-l᷊annu.

DARALO 31:19

Sappingete moṛṛongngu taṛṛa wahia apan ringannu mawunga mallobbossa taumata matul᷊idda.

DARALO 57:10

Mawu, i ya'u maadiangkamanna Si'o, suwallatu manga walahanna. I ya'u maapulu mangantarin daralo Si'o suwallatu manga taumata.

DARALO 86:15

Arawe I'o, oh Mawu, Ruata marangngu wuṛṛu maakkanna, masabbare, napenen darangngu wuṛṛu tatuṛutta.

DARALO 86:5

I'o mapia, oh Mawu, wuṛṛu sidutu mangngampunga, taumata apan u'al᷊iomanna Si'o sidutu raddangnguan-Nu ringannu darangngu apan nilumambalanna.

DARALO 91:4

I Tou sarun massirungnga si'o ringannu papaiddu Mawu, na'oman sara i'o mal᷊angnganna su al᷊ung-Nge; apapia-Ne naal᷊ihidda allungnga apan uasirungnga si'o.

SASABANGNGA 20:5

Imbaṛṛangnga massubba paal᷊uanna ere udde, ana waugu ete i Ya'u Ruatanu, wuṛṛu i Ya'u maddiri isul᷊ungngu sarangkanambone. Manga taumata apan maddanting-Ku, Ta'u iṛṛuumanna sara ṛawanna atallune wuṛṛu aiappanne.

SASABANGNGA 22:27

ana waugu ete mal᷊aṛṛenessa sambau udde apan ipanal᷊ihangnga watanganne. Amungkangngu tawe iapawelengnga si tou, i tou malluṛṛeten nasa suapa ipaatta matiilla? Amungkangngu i tou umui maiontolla si Ya'u, ne i Ya'u sarun maddaringikka ana waugu i Ya'u maakkanna.

SASABANGNGA 33:19

Sasimbakku Mawu, “I Ya'u sarun sumabbi ringannu al᷊awo'u awawantu-U su saruannu, lapiddu managgon arang-Ku apan susi. Ete i Ya'u Mawu, wuṛṛu i Ya'u mapal᷊iatta'u darangngun naungnga wuṛṛu aakkanna su manga taumata apan Ta'u nipile.

AMSAL 3:3

Ṛinone i'o sidutu mangngimanna wuṛṛu satia su Ruata wuṛṛu su sansul᷊ungngu taumata. Naungewe udde, wuṛṛu sahipunte sulal᷊ummu naungngu,

MANNANASE 8:11

Anio aroddi al᷊uanne taumata ma'ola'a al᷊al᷊eo? Ana waugu ṛuumanne tawe lapiddu ionggolla.

YESAYA 12:4

Sarun a'omanna tempone i yamiu mabbisara, “Pa'adiangkamante su Mawu, wuṛṛu passubbate si Tou. Pasingkata'e su manga walahanna awawantuga wuṛṛu al᷊awo'u inolaan-Ne.

YESAYA 65:16

Suapan taumata su wanua udde apan maddorongnga al᷊amatta, sarun maddorongnga al᷊amatannu Ruata apan satia. Suapan taumata apan massalu, sarun massalu ringannu arannu Ruata apan satia. Ana waugu asasusa apan dorone nawul᷊ite wuṛṛu nitimbul᷊ianante.”

YEREMIA 32:18

I'o napal᷊iatta'u darangngu-Nu apan tutune su ṛiwune taumata, arawe I'o lai makkuumannu taumata ana waugu rosan hagurangnge. I'o Ruata apan mawantuga wuṛṛu matohassa; aran-Nu Mawu Apan Lembontaṛṛino.

YEREMIA 9:24

Isai mappulu lumuassu sambau saranapa, ṛinone lumuassa manungku i tou ma'aillal᷊a wuṛṛu maasunna si Ya'u; manungku i tou masingkatta i Ya'u marangngu saran mal᷊annu-l᷊annu wuṛṛu i Ya'u mannohassa tita see atatul᷊idda su runia. Sarangkanambone udde maal᷊uassa naung-Ku. I Ya'u, Mawu, apan namasingkattu udde.”

LAL᷊ALLU 3:23

sidutu wakku suapan marua allo atonna, Mawu tumaniten satia!

YOEL 2:13

Hesa'e naungngu wuṛṛu wal᷊ine sahenggellu.” Panailete Mawu Ruatanu. I Tou masabbare wuṛṛu maakkanna masaṛṛionto'a wuṛṛu napenen darangngu. Mal᷊uassa mangampungnga wuṛṛu maddiri makkuumanna.

YUNUS 4:2

Wua'udde i tou inumal᷊iomanna, “Oh Mawu, wal᷊inewe buatte ta'u niwal᷊o tantal᷊anna taambe nanantangngu wal᷊e'u dorone, manungku I'o sarun ma'ola'a arendi? Ana waugu udde i ya'u lapiddu tinumal᷊angngu watangangku watukku Spanyol! I ya'u masingkatta manungku I'o Ruata apan maakkanna wuṛṛu marangngu, ombon sabbare, masaṛṛionto'a, wuṛṛu sidutu uasaddia mamal᷊u ṛiinnu pallaṛṛuumanna.

MIKHA 7:18

Tawe Duata waine ere I'o, oh Mawu, apan nangampungnga rosan umatta apan nipile-Nu apan lambene. Tawe saran mal᷊annu-l᷊annu I'o masa'u; arawe mawal᷊ia, I'o mal᷊uassa mapal᷊iatta'u darangngu-Nu apan tawe pattaal᷊anne udde.

MIKHA 7:20

Su uman-Nu, papapulunni Abraham wuṛṛu Yakub, I'o sarun mapal᷊iatta'u darangngu-Nu wuṛṛu aakkan-Nu apan tawe pattaal᷊anne udde ere buatte nipa're-Nu su al᷊amonan kami tiwatta.

NAHUM 1:3

Atonna Mawu, mal᷊annu masa'u; arawe i Tou lembon uataṛṛino na'oman sara isai-isai ma'ola'a pasasal᷊a sarun tawe iapaal᷊iu-Ne wuassu ṛuumanna. Suapa Mawu umattu, isudde lai rumanta tadia; su tanpa ledda-Ne uaṛṛinda, isudde awu mabbal᷊i winabbawa.

REENGANNA 12:8

Wuṛṛu i Ya'u uahahatton tou ringannu uahahati, ringannu matualaga wuṛṛu tawe ringannu ao'o. Ewe'e hati'-U buatte! Anio iraddua waṛṛani lumawangnga si Musa, allang-Ku udde?”

YOHANES 1:17

Tita Mawu, nisengkammi ite wuassi Musa. Arawe darangngu wuṛṛu tatal᷊antupu Ruata niapaal᷊iatta'a sulal᷊ummi Yesus Kristus.

ROMA 2:4

Ara'e i yamiu mangngadio'a darangngu Duata wuṛṛu ahewallu naung-Nge see asasabare-Ne apan aroddi ahewalle? I yamiu masingkatta manungku Ruata mapaal᷊iatta'u apapia naung-Nge ana waugu i Tou maapulu tadea'u i yamiu mawal᷊u wuassu manga rosanu.

TAHIUL᷊E 32:3

I Ya'u sarun maddalo Mawu. Wattia'e awawantugu Ruatan kite!

TAHIUL᷊E 4:31

Mawu Ruatanu eteudde Mawu apan maakkanna. I Tou tawe manantangnga ara'e mamate si yamiu, ara'e maabul᷊im pa'aire apan niolang-Nge sassane ringannu al᷊amonanu.

TAHIUL᷊E 5:10

Arawe i Ya'u mapal᷊iatta'u darangngu-U su ṛiwune papapulunne wuassu manga taumata apan mandangngu si Ya'u wuṛṛu matuṛṛutta parenta-U.

YAKOBUS 5:11

I mangitou nisaggo su lal᷊umanna'a ana waugu i mangitou masabare. I yamiu suete naaringikka su ola'u asasabaren Ayub, wuṛṛu i yamiu masingkata lai ereapa panginsueanne Mawu nangal᷊amatta si tou. Ana waugu Mawu lembon marangngu wuṛṛu naung-Nge mapia.