SASABANGNGA 34:24 - WUKE SUSI WATTI'U AL᷊AL᷊USASSA

²⁴ Napawe i Ya'u buatte nallimbuakka manga balahanna wuassu saruannu wuṛṛu Ta'u hewal᷊anna letangngu, tawe saran sangkatou apan waṛṛani mangaṛṛo wanuanu su tempo i yamiu inai mallaghun Andeangngu Roti Tawe Ragine, Andeangngu Pangangitingnga wuṛṛu Andeangngu Rasannu Rongnga.

SASABANGNGA 34:24 Iomraidhean Croise

PANDARIADDI 15:18

Su tempo udde lai Mawu na'ola'a pa'aire ringanni Abram. Mawu nabbisara, “I Ya'u maddiandi sarun mangonggolla su papapulunnu ahewallu leta'a indi, manattakka wuassu passarannu wanua Mesir maddatingngu sal᷊ukku Efrat,

PANDARIADDI 35:5

Su tempo i Yakub wuṛṛu ammul᷊annu amonanne inaite, Ruata nandantan atata'utta su tumana'u manga soa maranine, na'oman sara i mangitou tawe nangenggenna si Yakub wuṛṛu ammul᷊annu amonanne.

1 MARARATU 5:1

I Hiram, ratun Tirus, sidutu uahahawen Ratu Daud. Sutempo i Hiram naaringikka manungku i Salomo naola'e ratu nallol᷊ossa si Daud, iamangnge, i tou nandolokku taumata inai ringanni Salomo.

1 TAWARIKH 4:10

Arawe i Yabes niumal᷊iomanna su Ruata apan sassubbannu taumatan Israel, wisarane, “Oh Ruata, al᷊amatewe i ya'u, wuṛṛu antimanna hewal᷊anna wageangngu leta'a paparentangku. Tannoiwe i ya'u wuṛṛu paaraua'a asasilaka tadea'u i ya'u tawe matataṛangnga.” Ne Ruata naddaringikka darorongnge.

2 TAWARIKH 17:10

Mawu na'ola'a anambon araratuanna maranin Yehuda matta'utta mapapangalo mando'appa si Ratu Yosafat.

AYUB 1:10

I tou, amonanne wuṛṛu anambon paa'alane sidutu lal᷊u'aran-Nu. Manarane nial᷊amatan-Nu wuṛṛu I'o nangonggollu manambo winatangnga papadul᷊iananna, wotongnge maapene ahewallu wanua.

DARALO 120:1

Aantarin patatembo. Sulal᷊ummu asasusa'u i ya'u ma'ial᷊are su Mawu, ne i Tou sinumimbakka si ya'u.

DARALO 78:55

Su saruannu al᷊aṛṛanang-Nge i Tou nallimbuakka tumana'a isudde ana see i Tou nattahia wanua udde su anambon ṛuangannu walahannu Israel, al᷊aṛṛanang-Nge, na'oman sara i mangitou napamanua su manga rasannu seetta.

DARALO 80:8

Oh Ruata Apan Lembontaṛṛino, uwusewe i yami; ellehe i yami ringannu naungnga mal᷊uassa, tadea'u i yami masal᷊amatta.

SASABANGNGA 33:2

I Ya'u sarun mandolokku sangkatou mala'ekatta iapapiaṛṛa'i yamiu. I Ya'u sarun mallimbuakka walahannu Kanaan, Amori, Het, Feris, Hewi wuṛṛu Yebus.

SASABANGNGA 34:11

Paatuṛṛute manga tita apan Ta'u nionggola si yamiu allo indi. i Ya'u sarun mallimbuakka balahannu Amori, Kanaan, Het, Feris, Hewi wuṛṛu Yebus su tempo i yamiu umamatte.

AMSAL 16:7

Amungkangngu i'o maal᷊uassa naungngu Mawu, manga seennu olaanna hawe.

IMAMATTA 18:24

Arie watangannu ma'ola'a paddarosa ringannu manga inolaanna udde, ana waugu ringannu olangnge udde manga walahanna apan uatana'a su Kanaan tantal᷊anna i yamiu taambe, buatte nanggalusa'a wadangngi mangitou. Ana waugu udde i mangitou nilimbuaṛṛannu Mawu, tadea'u i yamiu wotongnge mamanua su wanua udde.

WATTI'U MANGA RASUL 18:10

Ana waugu i Ya'u uaṛṛundinganna si'o. Tawe saran sangkatou apan mandal᷊eo si'o ana waugu manambo taumata su soa indi taumata-U.”

TAHIUL᷊E 12:20

Napawe Mawu Ruatanu buatte nanggewalla manga passarannu wanuanu ere buatte niriandi-Ne, i yamiu wotongnge uminassa ṛemessa ringannu walate apulun naungngu.

TAHIUL᷊E 16:16

Anambon esakku taumatan Israel rinone rumanta massubba Mawu Ruatanu su tampa apan buatte nipile-Ne paatallu santonna, eteudde su Allo Ramean Paskah, su Andeangngu Pangangitinga wuṛṛu Andeangngu Rasannu Rongnga. Suapan taumata ṛinone mangapiddu sasambane,

TAHIUL᷊E 19:8

Napawe Mawu Ruatanu buatte nanggewalla wanuanu ere buatte nipa'ire-Ne su al᷊amonanu, wuṛṛu ahewallu wanua udde buatte nionggola si yamiu,

TAHIUL᷊E 7:1

“Mawu Ruatanu sarun mangapiddi yamiu watukku wanua apan sarun wanuanni yamiu, wuṛṛu manambo walahanna apan limbuaṛṛanna wua'isudde. Su saruannu matanu i Tou sarun mallimbuakka pitu walahanna apan maggewal᷊anna wuṛṛu mattohasanna wuassi yamiu, eteudde manga taumatan Het, Girgasi, Amori, Kanaan, Feris, Hewi wuṛṛu Yebus.