SASABANGNGA 34:21 - WUKE SUSI WATTI'U AL᷊AL᷊USASSA

²¹ Pia annumu allo ipammanara; imbaṛṛangnga mammanara su allo appitune, salaiwe udde sulal᷊ummu tempo mammasolla ara'e tempo mangitingnga.

SASABANGNGA 34:21 Iomraidhean Croise

PANDARIADDI 45:6

Orassa indi wakkute tonna aruane wuassu tempon ṛutumma, wuṛṛu al᷊annune lima tonna lai taumata tawe mamasolla ara'e mangitingnga.

NEHEMIA 13:15

Sutempo udde i ya'u naasilo manungku su allon Sabat manga pira taumata su Yehuda mammakkan anggore. Pia taumata waine lai apan mallurannu gandumma, anggore, wuan ara wuṛṛu manga saranapa waine su keledaine wuṛṛu niapidde watukku Yerusalem. I mangitou ta'u nisingadda mabbal᷊u'a su Yerusalem.

SASABANGNGA 23:12

Annumu allo sulal᷊ummu sangkamisa i yamiu wotongnge mammanara, arawe su allo appitune i yamiu ṛinone mangillol᷊o, tadea'u winatangngu, manga allangnga wuṛṛu manga taumata raho apan mammanara ringannu wotongnge mangillol᷊o lai.

SASABANGNGA 35:2

Pia annummu allo ipammanara, arawe allo appitune eteudde allo pangillol᷊oanna, allo wahewalla apan niṛṛae su Mawu. Isai apan mammanara su allon Sabat ṛinone iṛṛuumanna pateanna.

YESAYA 30:24

Sapi esakka wuṛṛu keledai apan mammajeko wawail᷊annu sarun umanna annu winatangnga apianne apan buatte nisaddia al᷊aṛṛaene.

IMAMATTA 23:3

Pia annummu allo ipammanara, arawe allo appitune, allon Sabat, eteudde allo pangillol᷊oanna apan niṛṛaen Mawu. Su allo udde ṛinone i yamiu ma'ola'a ammul᷊annu patataṛṛamawu wuṛṛu imbaṛṛangnga mammanara.

LUKAS 13:14

Piaṛṛa'u wal᷊em pattataṛṛamawuanna udde namul᷊o, ana waugu Mawu Yesus napaapian taumata su allon Sabatta, ana waugu udde i tou nabbisara su manga taumata, “Pia annummu allo ipammanara; rantate su miallo-miallo udde see iapaapia, imabaṛṛangnga su allon Sabatta!”

LUKAS 23:56

Wua'udde i mangitou napul᷊e see nanaddia manga rampa-rampa wuṛṛu lana mawangngi ipamokka winal᷊unannu Mawu Yesus. Su allon Sabatta, i mangitou nangillol᷊o mammanara ipallagun Titan agama.

TAHIUL᷊E 21:4

Sapi udde ṛinone iapiddi mangitou su sambau tampa maranin sal᷊ukka apan tawe mamara wuṛṛu letangnge nipajeko wuṛṛu sinuananna. Isudde i mangitou ṛinone mallatto'a ullekkan binatangnga udde.

1 SAMUEL 8:12

Sambageanganna nipilene maola'a piaṛṛa'u saṛṛiwu su atoune, wuṛṛu ingana'a waine su lima ṛasutta su atoune. Ratu udde sarun mamata'u manga anangngu mammasolla wawil᷊anne, mangammullu hessin pangitinganna, mallanginnu manga lutangnga wuṛṛu manga aola'u keretan pangalone.