SASABANGNGA 33:4 - WUKE SUSI WATTI'U AL᷊AL᷊USASSA

^4-6 Wua'udde Mawu nandolokki Musa niapawisara su walahannu Israel, “I yamiu walahanna puane maattika. Unnu wisara i Ya'u lai tumantalong ringanni yamiu tumba'u tal᷊ang kadio'a, i yamiu sarun Ta'u pateanna abbi. Luatte al᷊awo'u wul᷊awanni yamiu, ne i Ya'u sarun manantunna apa apan sarun Ta'u olaanna si yamiu.” Napawe naaringikka tatagu Mawu udde, i mangitou nasusa atonna naal᷊ihidda taumata lullal᷊o. Ana see i mangitou namallosu wul᷊awanni mangitou. Nariaddi, napawe buatte nanantangngu Wowon Sinai, walahannu Israel tate nappaattu lal᷊ogakka wul᷊awanna.

SASABANGNGA 33:4 Iomraidhean Croise

2 SAMUEL 19:24

Ana see lai i Mefiboset pulunni Saul, nirumanta nanal᷊oho ratu. I tou tawe nangukkassa leddane, tawe nangiṛṛi omengnge, wuṛṛu tawe nabbansalla laungnge ro'en i Ratu Daud nanantangngu Yerusalem na'oman sara i tou nabbelengnga ringannu sal᷊amatta.

1 MARARATU 21:27

Napawe i Elia nuddusse nabbisara, i Ahab nanggesa'a laungnge wuṛṛu nalluṛṛen laubba karongnga naola'a tatiala sussassilla, ana see nappuassa. Sutempo mati'illa lai i tou nappaattu nasa karongnga, wuṛṛu amungkangngu umamatta, hatine sidutu massusa.

2 MARARATU 19:1

Sutempo i Ratu Hizkia naaringikka aalae wuassu siri tallu udde, i tou nanggesa'a launge wuṛṛu nalluṛṛen nasa karonga tatialan massusa, ana see i tou inaite watukku Wal᷊en Mawu.

EZRA 9:3

Naaringikka olangnge udde, i ya'u nasusa na'oman sara nanggesa'a lau'u wuṛṛu nanawutta uta'a wuṛṛu omengku, ana see niuma'ianna ringannu naungnga napussa-pussa'a.

AYUB 1:20

Ana see i Ayub dirumarisikke wuṛṛu nanggesa'a laungnge tatialan massusa. I tou nallunggukka puane, ana see niumal᷊intudda

AYUB 2:12

Arawe ro'en ta'e marau i mangitou tallu naasilote si tou, i mangitou ete addio'a tate maaillal᷊a lai si tou. I mangitou nilumuai ringannu ma'ikkatta wuṛṛu nanggesa'a laubbi mangitou see nangalassu awu su winalanganna wuṛṛu su pua.

YESAYA 32:11

Maddatingngu orassa indi i yamiu mabbiakka matemangnga, nal᷊iudda wuassu asasusa. Arawe orassa indi, mangngiladden atata'utta! Luatte laungngu wuṛṛu reṛṛota'e nasa su lawannu.

YEHEZKIEL 24:17

Arie ma'oman sara lal᷊uainu aringiṛṛanna. Arie umamatta tawe tatindungu pua, arie tawe apampakku ledda, ere taumata apan lullal᷊o. Arie lai hatinu taapanna, wuṛṛu arie umanna rotin lal᷊al᷊o.”

YEHEZKIEL 24:23

I yamiu sarun tawe umamatta ringannu tawe tatindungu pua ara'e apampakku ledda, tawe lumallu ara'e lumuai. I yamiu sarun lembon maṛṛasa ana waugu manga rosanu; i yamiu sarun sumal᷊iomanna sangkatou ringannu waine.

YEHEZKIEL 26:16

Naasilo pal᷊addu pabbiaṛṛannu, manga ratu waussu manga walahanna su winggin sahatta sarun dumarisikka wuassu adderan araratuanna, malluatta juban araratuanna wuṛṛu laubbi mangitou apan pia sujine, see inuma'ianna mangngindo su leta'a. I mangitou lembon matta'utta na'oman sara tawe matammudda.

HOSEA 7:14

I mangitou tawe atonna-tonna umal᷊iomanna si Ya'u. Amungkangngu i mangitou umal᷊iomanna, i mangitou mattingka wal᷊atta su tampan tattiil᷊anna, wuṛṛu lulluai ere a'olaannu manga taumata apan tawe mangimanna si Ya'u. Amungkangngu i mangitou umal᷊iomanna maddorongnga gandumma wuṛṛu anggore, i mangitou mallesa watanganne ere a'olaannu manga taumata apan massubba monganna. I mangitou atonna-tonna lullawangnga si Ya'u!

IMAMATTA 10:6

Ana see i Musa nabbisara si Harun wuṛṛu manga anangnge waine, eteudde i Eleazar wuṛṛu i Itamar, “Arie pabbala'a utangngu tawe aṛṛoanna, wuṛṛu arie panggesa'a laungngu apan mapal᷊iatta'a manungku iraddua massusa wuṛṛu lullal᷊o. Amungkangngu iradua ma'ola'a aroddi, iradua sarun mate, wuṛṛu anambon ṛuangannu Israel asa'uannu Mawu. Arawe anambon taumatan Israel waine wotongnge lumal᷊on duang katou apan nate ana waugu putungnga wuassu Mawu.

YUNUS 3:6

Sutempo ratun Niniwe naaringikka watti'a udde, i tou nasasaṛṛawutta sinumossokka wuassu adderan araratuanne. I tou nalluatta juban araratuanne wuṛṛu nalluṛṛe nasa karongnga, see niuma'ianna su wowon awu.

ZAKARIA 7:3

I mangitou lai nirolokka niapaiwal᷊o su manga imam wuṛṛu manga nabi, arendi, “Ta'e lai ṛinone i yamiu lumuain ahahohakku Wal᷊en Mawu ringannu mappuasa suapan bul᷊anna al᷊imane ere buatte niola'i yami manga pira tonna al᷊aannune?”

ZAKARIA 7:5

Wisara-Ne, “Wal᷊oa'e su anambon tumana'u wanua indi wuṛṛu su manga imam, manungku puassa wuṛṛu lal᷊uai apan niola'i mangitou su wul᷊anna al᷊imane wuṛṛu appitune al᷊annune pitun pol᷊o su tonnane indi wal᷊inewe aaddatta si Ya'u.

REENGANNA 14:1

Su al᷊o'engngu ṛabbi ṛuangannu Israel mangintul᷊i wuṛṛu lulluai.

REENGANNA 14:39

Napawe i Musa namasingkattu tanatan Mawu su walahannu Israel, walahanna udde nilumal᷊o ringannu massusa.

1 SAMUEL 6:19

Arawe ana waugu taumatan Bet-Semes udde nangintanno sulal᷊ummu Wantallu Paairen Mawu, pitun pul᷊o su atoune suwallatti mangitou nipaten Mawu. Ana see tumana'u soa nilumal᷊o ana waugu Mawu nandanta si mangitou sambau asasilaka apan aroddi ahewalle.