SASABANGNGA 33:22 - WUKE SUSI WATTI'U AL᷊AL᷊USASSA

²² Su tempo semakku daranta-U sumabbi, i'o Ta'u itaṛṛo su sulal᷊ummu sambau loṛṛangngu wuidda watu udde wuṛṛu Ta'u sappingannu lima-U ma'oman sara i Ya'u sinumabbite.

SASABANGNGA 33:22 Iomraidhean Croise

1 MARARATU 19:9

Poiaroddi i Elia nanaṛṛabbi sulal᷊ummu loṛṛangnga. Ana see Mawu nabbisara si tou, “Elia, tantal᷊anna ma'ura i'o isindi?”

DARALO 18:2

I ya'u marangngu Si'o, oh Mawu, Ete I'o atatoha'u.

DARALO 91:1

Taumata apan uatillumma su Apan Atanggaṛṛanne, wuṛṛu uatana'a sulal᷊ummu lu'addu Apan Lembontaṛṛino,

DARALO 91:4

I Tou sarun massirungnga si'o ringannu papaiddu Mawu, na'oman sara i'o mal᷊angnganna su al᷊ung-Nge; apapia-Ne naal᷊ihidda allungnga apan uasirungnga si'o.

ANTARI MAWANTUGA 2:3

Naal᷊ihidda punnu apel su pattangngannu aaluanna su mahurangnge, aroddi lai tatuno naungku suwallattu manga umbasanna. I ya'u mal᷊uassa maasirungnga su al᷊ungnge, manga wuanne mangkatemangnga pendamanna.

YESAYA 32:2

I mangitou sangkatou-sangkatou naal᷊ihidda tampa pattillummanna wuassu anginna wuṛṛu tandi'a. I mangitou ere sal᷊ukku apan mangngelekka su wadda'u anne, ere lumman batu wahewalla su leta'a maṛṛasa.

YESAYA 49:2

I Tou na'ola'a manga wisara'u aṛṛorone ere hal᷊ele, ringannu lima-Ne sassa i Tou mallindumma si ya'u. I Tou na'ola'a si ya'u ere anaanna apan niasa, wuṛṛu sinahipunna sulal᷊ummu lallutta tadea'u nasaddiate ipaatta.

YESAYA 51:16

Ete i Ya'u apan namilattu langitta wuṛṛu nangaddon manga mal᷊ita'u runia. Ya'u nabbisara si Sion: Ete i'o uma-U; i Ya'u mangonggollu al᷊aṛṛa-U si'o wuṛṛu manillumma si'o ringannu taṛṛino-U.”

1 KORINTUS 10:4

wuṛṛu ma'inumma ua'en Ghaṛṛahon pangangimanna apan uasul᷊ungnga. I mangitou sarangkanambone ma'inumma wuassu wowon batu Ghaṛṛahon pangangimanna apan ual᷊u'adda si mangitou; wowon batu eteudde Kristus sassane.

2 KORINTUS 5:19

I yami namasingkata manungku sulal᷊ummi Kristus, Ruata napaaukku taumata apia ringannu watangan-Ne. Ruata na'ola'a udde ringannu tawe naṛṛingiddu pasasal᷊a apan buatte niola'u taumata su saruannu watangan-Ne. Wuṛṛu i yami suete nirolokku Ruata iapapasingkatu Watti'a udde.

TAHIUL᷊E 33:12

Su ṛuanganni Benyamin i tou nabbisara: “Ete indi ṛuanganna apan arangnguannu Mawu. I Tou ual᷊u'adda si mangitou allo wuṛṛu ṛabbi wuṛṛu uatana'a suwallati mangitou.”