SASABANGNGA 33:17 - WUKE SUSI WATTI'U AL᷊AL᷊USASSA

¹⁷ Unnu Mawu si Musa, “Darorongngu sarun Ta'u daringiṛṛanna, ana waugu i Ya'u masingkannu wuṛṛu i Ya'u mal᷊uassa si'o.”

SASABANGNGA 33:17 Iomraidhean Croise

PANDARIADDI 18:32

Panginsueanne i Abraham nabbisara, “Ariewe paasa'u, Mawu, i ya'u ete paassa lai mabbisara. Ereapa amungkangngu tumba'u pia siri mapul᷊o su atoune?” Mawu nabbisara, “Amungkangngu pia siri mapul᷊o apan tawe sal᷊ane, i Ya'u tawe maṛṛimunsa'a soa udde.”

PANDARIADDI 19:19

Atonna, i Tuangnga tumanite nantul᷊ungku wuṛṛu nanal᷊amatta niawa'u. Arawe panenteanna udde aroddi araune; aṛṛengenne i ya'u araṛṛiuannu asasilaka udde ana see i ya'u mate tantal᷊anna taambe na'oma poiaroddi.

PANDARIADDI 19:21

Mala'ekatta udde sinumimbakka, “Ore aroddite, soa addio'a udde tawe ta'u soṛṛowanna.

PANDARIADDI 6:8

Arawe i Nuh maal᷊uassa naungngu Mawu.

SASABANGNGA 33:12

Su sambau allo i Musa nabbisara Mawu, “Mawu, I'o namarenta si ya'u niapapiaṛṛa'u walahanna indi watukku wanua apan pina'ire-Nu. Arawe I'o tawe nabbal᷊o isai apan sarun irolokku mallal᷊ima si ya'u. Mawu, I'o nabbisara manungku I'o masingka'u, wuṛṛu mal᷊uassa si ya'u.

YESAYA 45:3

Ne i'o sarun Ta'u onggol᷊annu darotongnga pa'aala apan uawuni, tadea'u i'o maasingkatta ete i Ya'u Mawu, Ruatan Israel, apan buatte namaggo si'o su arannu.

YESAYA 65:24

Tantal᷊anna i mangitou taambe naddorongnga, i Ya'u buatte sinumimbakka; tantal᷊anna i mangitou taambe nuddussa inumal᷊iomanna, i Ya'u buatte naddaringikka aal᷊iomanni mangitou.

YOHANES 16:23

Su allo udde, i yamiu tate maiwal᷊o manga apa si Ya'u. Pangimante: Al᷊awo'u apa apan raddoronganni yamiu su Iamangnga sulal᷊ummu arang-Ku, udde sarun ionggolu Iamangnga si yamiu.

TAHIUL᷊E 9:19

I ya'u matta'uttu asasa'un Mawu rudde'omma su saruanni yamiu na'oman sara i yamiu pateannu Mawu, arawe paassa indi lai Mawu naddaringikka si ya'u.

YAKOBUS 5:16

Ana waugu udde, ṛinone i yamiu uaa'a'u pasasal᷊a wuṛṛu uaa'al᷊iomanna, tadea'u i yamiu iapaapia. Aal᷊iomannu taumata apan tuttuṛṛutta apulun Duata, pia taṛṛino apan wahewalla.