SASABANGNGA 32:8 - WUKE SUSI WATTI'U AL᷊AL᷊USASSA

⁸ I mangitou buatte sinumewadda wuassu manga parenta-U. I mangitou na'ola'a paal᷊uanna sapi wuassu wul᷊awanna niwoso, ana see nassubba wuṛṛu nangonggolu sasamba si tou. Unni mangitou, eteudde monganni mangitou apan nangapiddi mangitou sinumabbangnga wuassu Mesir.

SASABANGNGA 32:8 Iomraidhean Croise

1 MARARATU 12:28

Napawe buatte naṛṛingiddu olangnge udde, i tou na'ola'a darua paal᷊uanna sapi wulawanna ana see nabbisara su tumanangnge, “Walahannu Israel! Mal᷊annute i yamiu inannai watukku Yerusalem mattaṛṛamawu. Orassa indi, eteindi manga mawunu apan buatte nangapiddi yamiu sinumabbangnga wuassu Mesir!”

NEHEMIA 9:18

I mangitou mallanginnu paal᷊uanna lihidde ere sapi. Ana see i mangitou mabbisara, ‘Eteindi Ruatanu, apan nangapiddi yamiu wuassu Mesir, wuassu patataṛṛuallangnga.’ Oh Ruata, I'o sassane apan nilobbossi mangitou!

DARALO 106:19

Su Wowon Sinai i mangitou nallanginnu ana'u sapi wul᷊awanna, wuṛṛu massubba paal᷊uanna nilanginna udde.

DARALO 78:36

Arawe i mangitou namahia si Tou, manga wisaran mangitou awusu wara'a.

SASABANGNGA 20:23

Imbaṛṛangnga aola'a su watangannu manga paal᷊uanna sal᷊a'a ara'e wul᷊awanna apan subbanni yamiu wal᷊ine wuassi Ya'u.

SASABANGNGA 22:20

Isai apan mangonggolu sasamba su manga Mawu waine, tabbene'e si Ya'u, Mawu, ṛinone iṛṛuumanna pateanna.

SASABANGNGA 32:4

I Harun nanganu ngante-ngante udde, ana see niuno wuṛṛu niwoson tou sulal᷊ummu sambau pasitaane wuṛṛu i tou na'ola'a sambau sapi. Walahanna udde nabbisara, “Ei Israel, eteindi monganni ite apan nanguntuddi ite sinumabbangnga wuassu Mesir!”

SASABANGNGA 34:15

Imbaṛṛangnga ma'ola'a pa'aire ringannu balahannu wanua udde, ana waugu su tempo i mangitou massubba wuṛṛu mangngonggolu sasamba su manga Mawu mangitou, i mangitou sarun mangahe si yamiu, wuṛṛu i yamiu sarun tumantalongnga.

YESAYA 46:6

Taumata mammu'a dompetta wuṛṛu napasabbangu wul᷊awanne, ana see nanimbangu sal᷊a'ane su timbanganna. I tou nanewa pande ma'ola'a wul᷊awanna niapaola'a paal᷊uanna sassubbanna, wua'udde i tou massubba paal᷊uanna niolangnge.

YEREMIA 31:32

Arawe pa'aire udde wal᷊ine ere pa'aire apan Ta'u niola'a ringannu al᷊amona mangitou sutempo Ta'u ni'ehetta i mangitou sinumabbangnga wuassu Mesir. Salaiwe i Ya'u ere sangkatou awingngi mangitou, arawe i mangitou nassinaaddu pa'aire-U si mangitou.

IMAMATTA 17:7

Walahannu Israel ṛinone sidutu matuṛṛutta su Mawu wuṛṛu mangke imbaṛṛangnga mamototta winatangnga su manga wailla olaanna sasamba su manga ringnga lal᷊eo. Atoranna udde sidutu tattuṛṛutanna saran mal᷊annu-l᷊annu.

TAHIUL᷊E 32:17

I mangitou mangngonggolu sasamba su manga ghaṛṛaho lal᷊eo apan bal᷊ine Ruata, su manga Mawu apan awagananni mangitou, manga Mawu wakku apan tawe iata'uttu al᷊amona mangitou.

TAHIUL᷊E 9:12

Ana see Mawu nabbisara si ya'u, ‘Sossoke paal᷊ihakka, ana walahannu apan Ta'u niapidda sinumabbangnga wuassu Mesir buatte na'ola'a al᷊al᷊eo. I mangitou buatte nanewadda wuassu manga parenta-U, wuṛṛu na'ola'a paal᷊uanna subbanni mangitou.’

TAHIUL᷊E 9:16

I ya'u naasilo manungku i yamiu buatte nilumawangnga parentan Mawu Ruatanu. I yamiu buatte na'ola'a rosa su saruannu Mawu ana waugu i yamiu na'ola'a sambau paal᷊uanna sapi wuassu logamma.

YOSUA 22:15

Ne i mangitou na'omate su tampan ṛuanganni Ruben, i Gad wuṛṛu ṛuanganni Manasye su wageangngu Gilead.

MAL᷊AṚṚUUNGNGA 2:17

Arawe i mangitou tawe maddaringikka manga piaṛangnge udde. I mangitou massubbate manga monganna waine, wuṛṛu maddirite tumuṛutta Mawu. I mangitou tawe mattanno tul᷊addan iupungnga al᷊amonan mangitou apan sidutu tuttuṛutta parentan Mawu.

MAL᷊AṚṚUUNGNGA 8:24

Arawe wua'udde i Gideon nabbisara apia, “Tumba'u sambau darorongku; ngante-ngante apan niaaṛon kamiu su seetta, ṛinone sarangkanambone itantilli yamiu si ya'u.” (Taumata Midian inanaramanne mappaattu ngante-ngante wul᷊awanna; ere lai manga taumata waine apan uatana'a su wada'u anne.)