SASABANGNGA 32:4 - WUKE SUSI WATTI'U AL᷊AL᷊USASSA

⁴ I Harun nanganu ngante-ngante udde, ana see niuno wuṛṛu niwoson tou sulal᷊ummu sambau pasitaane wuṛṛu i tou na'ola'a sambau sapi. Walahanna udde nabbisara, “Ei Israel, eteindi monganni ite apan nanguntuddi ite sinumabbangnga wuassu Mesir!”

SASABANGNGA 32:4 Iomraidhean Croise

1 MARARATU 12:28

Napawe buatte naṛṛingiddu olangnge udde, i tou na'ola'a darua paal᷊uanna sapi wulawanna ana see nabbisara su tumanangnge, “Walahannu Israel! Mal᷊annute i yamiu inannai watukku Yerusalem mattaṛṛamawu. Orassa indi, eteindi manga mawunu apan buatte nangapiddi yamiu sinumabbangnga wuassu Mesir!”

1 MARARATU 12:32

Wua'udde i Yerobeam nangaddo manga imam udde su Betel tadea'u mammanara poiaroddi wuṛṛu i tou sassane nangonggollu sasamba su manga sapi wul᷊awanne apan niolangnge udde. Ana see i tou nanantunna allo mapul᷊o l᷊ima wul᷊anna aual᷊une maola'a allo wahewan Israel, ere lai allo wahewa su Yehuda. Su allo udde i Yerobeam inaite watukku Betel wuṛṛu nangonggollu sasamba ipallaghu allo wahewa apan buatte tinantunne udde.

2 MARARATU 10:20

I Yehu nangonggolu parenta indi: “Ṛaea'a sambau allo sassane ipassuba si Baal!” Ne taumata naṛṛaeten allo udde

2 MARARATU 10:29

Ana waugu udde, Mawu nabbisara arendi si Yehu, “Al᷊awo'u parenta-U si'o apan nipa'ola'a su papapulunni Ahab buatte niolangngu. Ana waugu udde i Ya'u maddiandi manungku papapulunnu ma'oman sara aiappatu ṛawanne sarun maola'a ratu su Israel.” Arawe i Yehu tawe ringannu ahewallu naungnge tuttuṛṛuta Titan Mawu, Ruatan Israel. I tou nangaṛṛussa inolaanni Yerobeam apan naarosa taumatan Israel ringannu massubba sapi wul᷊awanna apan niola'a su Betel wuṛṛu su Dan.

2 TAWARIKH 11:15

Yerobeam nanenegu manga imam apan hunane si tou sassane ipa'imbe su manga tampa pasasubbanna paal᷊uanna wuṛṛu ipassubba manga setanna see lai paal᷊uannu sapi apan nilanginne sassane.

2 TAWARIKH 13:8

Orassa indi yamiu massunna wotongnge mando'appa taṛṛino apan nionggolu Mawu su papapulunni Daud, ana waugu ammul᷊annu tantaranu manambo wuṛṛu i yamiu pia manga sapi wul᷊awanna apan ṛatanganni Yerobeam niola'a monganni yamiu.

NEHEMIA 9:18

I mangitou mallanginnu paal᷊uanna lihidde ere sapi. Ana see i mangitou mabbisara, ‘Eteindi Ruatanu, apan nangapiddi yamiu wuassu Mesir, wuassu patataṛṛuallangnga.’ Oh Ruata, I'o sassane apan nilobbossi mangitou!

SASABANGNGA 20:2

“Ete i Ya'u Ruatanu apan nangapiddi yamiu sinumabbangnga wuassu Mesir su tampa i yamiu niallangnga.

SASABANGNGA 20:23

Imbaṛṛangnga aola'a su watangannu manga paal᷊uanna sal᷊a'a ara'e wul᷊awanna apan subbanni yamiu wal᷊ine wuassi Ya'u.

SASABANGNGA 20:4

Imbaṛṛangnga i'o ma'ola'a paal᷊uanna hun su batangannu apan lihidde ere roso su langitta, su runia ara'e sulal᷊ummu ua'e su al᷊ungngu runia.

SASABANGNGA 28:9

Anute darua watun delima. Paddea'e sangkatou mapapanden bul᷊awanna apan pia asingkatta manguitta su watu udde manga arannu siri mapul᷊o dua ana'i Yakub tumuṛṛuttu uukke, annumma aranna su watu sambau. Ana see darua watu permata udde ṛinone itaṛṛo sulal᷊ummu wingke wul᷊awanna wuṛṛu iaddo su tal᷊in bambangngu laubbu imam maola'a tatiala pananaunganna su siri mapul᷊o dua ṛuangannu Israel. Ringannu olangnge aroddi i Harun uaapiddu aranni mangitou su wambangnge, na'oman sara i Ya'u, Mawu, sidutu uanaungnga si mangitou. Waine lai waussu wingke wul᷊awanna udde,

SASABANGNGA 32:1

Su tempo walahannu Israel naasilo manungku i Musa tumaniten mal᷊annu sumossokka wuassu wowone, arawe ta'e poiaroddi lai, i mangitou nakkulunna si Harun wuṛṛu nabbisara si tou, “I ite wagga apate nariaddi si Musa, taumata apan buatte nangapiddi ite sinumabbangnga wuassu Mesir; nariaddi yami ola'ete Mawu apan sarun mamiaṛṛa'i yami.”

SASABANGNGA 32:24

I ya'u nandolokki mangitou manantillu wul᷊awanna, ana see i mangitou nanantilla si ya'u. Lal᷊ogakka sarangkanambone udde ta'u nitambunna su putungnga, ana see nariadite sapi indi!”

SASABANGNGA 32:3

Ne i mangitou nalluatte manga ngante-ngante wuṛṛu niapidda ringanni Harun.

SASABANGNGA 32:35

Ana see Mawu nandantan asasusa su manga taumata udde ana waugu i mangitou namata'i Harun na'ola'a paal᷊uanna sapi wul᷊awanna udde.

SASABANGNGA 32:5

Ana see i Harun napararisikku sambau mezbah su saruannu sapi wul᷊awanna udde wuṛṛu nangal᷊iata, “Tiṛṛabbi pia andeangnga ipangaddata Mawu.”

SASABANGNGA 32:7

Ne Mawu nabbisara si Musa, “Paal᷊ihakke sumossokka, ana waugu walahannu apan nipiaṛṛangngu sinumabbangnga wuassu Mesir buatte na'ola'a al᷊al᷊eo.

SASABANGNGA 32:8

I mangitou buatte sinumewadda wuassu manga parenta-U. I mangitou na'ola'a paal᷊uanna sapi wuassu wul᷊awanna niwoso, ana see nassubba wuṛṛu nangonggolu sasamba si tou. Unni mangitou, eteudde monganni mangitou apan nangapiddi mangitou sinumabbangnga wuassu Mesir.

YESAYA 30:22

Manga paal᷊uanna sassubbannu apan aoosannu sal᷊a'a wuṛṛu wul᷊awanna sarun irammen kami naal᷊ihidda sapadda, lapiddu mabbisara, “Paaraute wua dingangku!”

YESAYA 46:6

Taumata mammu'a dompetta wuṛṛu napasabbangu wul᷊awanne, ana see nanimbangu sal᷊a'ane su timbanganna. I tou nanewa pande ma'ola'a wul᷊awanna niapaola'a paal᷊uanna sassubbanna, wua'udde i tou massubba paal᷊uanna niolangnge.

YEHEZKIEL 23:8

I tou uatatana'a sussandaga ere dorone a'olaanne su Mesir, isudde i tou niawul᷊iannu perawanne. Ro'en ta'e addio'a, i tou buatte niatiilanna ere sangkatou masandaga.

HOSEA 10:5

Tumana'u soa Samaria sarun mata'utta; i mangitou wuṛṛu manga imam apan mangimbe sapi wul᷊awanna su Babel udde sarun masusa wuṛṛu lumuai ana waugu al᷊awo'u araṛṛansangngu paal᷊uanni mangitou udde nawul᷊ite.

HOSEA 13:2

Naddatingngu orassa indi manga taumatan Efraim udde ta'e sidutu ma'ola'a rosa; i mangitou mallanginnu manga paal᷊uanna sal᷊a'a tadea'u subbanna – paal᷊uanna apan niṛṛiinnu ṛingirannu taumata wuṛṛu nilanginnu liman taumata. I mangitou nabbisaram, “Pangongollen sasamba su manga paal᷊uanna indi!” Maaherangnga, taumata mangngari'a paal᷊uanna ana'u sapi!

WATTI'U MANGA RASUL 17:29

Ne, ana waugu ete i ite udde al᷊aṛṛana'u Ruata, i ite tawe wotongnge massunna manungku Ruata udde naal᷊ihida ere paal᷊uanna apan niola'a wuassu wul᷊awanna ara'e sal᷊a'a ara'e watu apan niola'a tumuṛṛuttu apanden taumata.

WATTI'U MANGA RASUL 7:41

See su tempo udde i mangitou nallanginnu sambau paal᷊uanna ana'u sapi, wua'udde i mangitou nangonggolu sasamba su paal᷊uanna udde wuṛṛu na'ola'a andeangnga ipassubba paal᷊uanna apan nilanginni mangitou sassane.

1 KORINTUS 10:7

Wuṛṛu tadea'u i ite lai tawe massubba paal᷊uanna ere lai a'olaannu sangkawageanganna wuassi mangitou. Sulal᷊ummu Wuke Susi uawoṛṛetta, “Ne walahanna udde mannattake u'anna wuṛṛu ma'inumma, wuṛṛu massal᷊aingnga ipassubba paal᷊uanna.”

TAHIUL᷊E 9:16

I ya'u naasilo manungku i yamiu buatte nilumawangnga parentan Mawu Ruatanu. I yamiu buatte na'ola'a rosa su saruannu Mawu ana waugu i yamiu na'ola'a sambau paal᷊uanna sapi wuassu logamma.

MAL᷊AṚṚUUNGNGA 8:24

Arawe wua'udde i Gideon nabbisara apia, “Tumba'u sambau darorongku; ngante-ngante apan niaaṛon kamiu su seetta, ṛinone sarangkanambone itantilli yamiu si ya'u.” (Taumata Midian inanaramanne mappaattu ngante-ngante wul᷊awanna; ere lai manga taumata waine apan uatana'a su wada'u anne.)

MAL᷊AṚṚUUNGNGA 8:27

Wuassu wul᷊awanna udde, i Gideon na'ola'a sambau paal᷊uanna sassubbanna, ana see niaddo su ampungnge, eteudde su Ofra. Anambon taumatan Israel inaite poiaroddi massubba paal᷊uanna udde, na'oman sara i mangitou naabul᷊iten Ruata. Wuṛṛu olangnge udde maola'a sambau wal᷊ati'a si Gideon wuṛṛu al᷊aṛanangnge.