SASABANGNGA 32:30 - WUKE SUSI WATTI'U AL᷊AL᷊USASSA

³⁰ Tiṛṛabbine i Musa nabbisara su walahanna udde, “I yamiu buatte na'ola'a rosa wahewalla. Arawe orassa indi ya'u sarun suma'a wowone udde apia sumaruanna Mawu; doronganna i ya'u maasomba aampungngu manga rosanu.”

SASABANGNGA 32:30 Iomraidhean Croise

2 SAMUEL 12:9

Anio tawe maddaringikka manga parenta-U? Anio i'o na'ola'a al᷊al᷊eo? I Uria nirolokku niapapate sulal᷊ummu pangalo; i tou niwalanu nipaten taumatan Amon, wuṛṛu i'o nanganu awingnge!

2 SAMUEL 16:12

Asinungka Mawu sarun ma'ellega asasusa'u indi wuṛṛu mangal᷊amatta si ya'u maola'a hahantine wuassu tatal᷊a udde.”

2 MARARATU 17:21

Napawe Mawu naṛṛaeten Israel wuassu Yehuda, taumatan Israel namile si Yerobeam ana'i Nebat naola'a ratun mangitou. Ana see i Yerobeam naaola'a si mangitou nanantangu Mawu wuṛṛu na'ola'e manga rosa apan bahewalla.

DARALO 99:6

I Musa wuṛṛu i Harun nareengnga manga imammu Mawu, Samuel suwallattu sangkatou apan u'al᷊iomanna si Tou. I mangitou sussal᷊ande su Mawu, wuṛṛu i Tou sinumimbakka.

SASABANGNGA 32:29

Unni Musa su ruuangannu Lewi, “Allo indi yamiu buatte naṛṛaem batangannu maola'a imam ipangimbe Mawu ringannu namate manga ana'a wuṛṛu manga tuṛṛangngu, ne Mawu nangonggolu al᷊aman-Ne si yamiu.”

AMOS 5:15

Arantinten al᷊al᷊eo, pandangute apapia, wuṛṛu amata'e su atatul᷊idda. Asinungka Mawu sarun umakkannu manga taumata lambene wuassu walahannu Israel.

YUNUS 3:9

Asinungka Ruata sarun mamal᷊u ṛingiran-Ne wuṛṛu tate masa'u apia na'oman sara i ite tawe mate!”

REENGANNA 16:47

I Harun tinumuṛṛutta wisaran Musa. I tou tinumal᷊angnga su pattangngannu ṛuanganna apan uaammula wuṛṛu mannatakke aarunannu radda'a. Ne i Harun nangaddo amania su wowon waṛṛan putungnga, wuṛṛu na'ola'e lal᷊aghu aampungnga rosa mangitou.

REENGANNA 25:13

I tou wuṛṛu papapulunne Ta'u olanna imam ma'oman sara mal᷊annu-l᷊annu, ana waugu i tou ringannu aroddi aṛṛimadde mannahek-Ku Ruatane, wuṛṛu buatte na'ola'a paddarame su rosan taumatan Israel.”

LUKAS 15:18

I ya'u mapul᷊ete wuṛṛu inaite ringannu iamangku wuṛṛu mabbisara si tou: Iamangnga, i ya'u suete na'ola'a rosa su saruannu Ruata wuṛṛu su saruanni Iamangnga.

LUKAS 7:47

Atonna: darangngune apan wahewa udde napaal᷊iatta'a manungku rosane apan manambo udde suete niampunganna! Amungkangngu taumata onggol᷊annu aampungnga matul᷊ungnga, matul᷊ungnga lai i tou mandangngu.”

ROMA 9:3

ana waugu manga tuṛṛangnga sambalahangku. Ana waugu ete si mangitou, i ya'u sassane mal᷊uassa wontohannu Ruata wuṛṛu iapaatal᷊ei wuassi Kristus.

GALATIA 3:13

Arawe Kristus namallosi ite wuassu awawontogu titan agama. I Tou na'ola'a udde ringannu namalan watangan-Ne awontohanna ana waugu i ite. Ana waugu sulal᷊ummu Wuke Susi uawoṛṛetta, “Niawontohante taumata apan nate niele su alu pangangeleanna.”

2 TIMOTIUS 2:25

I tou ṛinone ringannu masi'ome mangaṛṛa'a manga taumata mal᷊awanga; doronganna Ruata sarun mangonggolu allo su manga taumata udde mawal᷊u wuassu manga rosan mangitou wuṛṛu ma'illal᷊a al᷊aṛṛa'a su ṛinone.

YAKOBUS 5:16

Ana waugu udde, ṛinone i yamiu uaa'a'u pasasal᷊a wuṛṛu uaa'al᷊iomanna, tadea'u i yamiu iapaapia. Aal᷊iomannu taumata apan tuttuṛṛutta apulun Duata, pia taṛṛino apan wahewalla.

1 SAMUEL 12:17

I ya'u sarun sumal᷊ande Mawu, wuṛṛu salaiwe orassa indi tempon paddissa, Mawu sarun manossokku rallu'a wuṛṛu uranna apan maola'a sasimbakku aal᷊iomanku. Sutempo udde, i yamiu sarun maatutukka aroddi ahewalle rosanu su saruannu Mawu ana waugu naddorongnga sangkatou ratu.”

1 SAMUEL 12:19

Ana see i mangitou nabbisarate si Samuel, “Tul᷊unga'a, Papa, al᷊iomana'a yami su Mawu Ruatanu, tadea'u yami tawe mate. Orassa indi yami naatutukke manungku wuassu rosan kami dorone, yami lai buatte na'ola'a rosa apia ana waugu naddorongnga sangkatou ratu.”

1 SAMUEL 12:20

I Samuel sinumimbakke lai, “Arie mata'utta, salaiwe i yamiu buatte na'ola'a al᷊al᷊eo udde, imbaṛṛangnga manantangngu Mawu, ewe'e sidutu pattaṛṛamawu si Tou ringannu ahewallu naungngu.

1 SAMUEL 12:23

Su ola'u watangangku, doronganna ya'u tawe lai marosa su saruannu Mawu ana waugu tawe niumal᷊iomanni yamiu. Arawe mawal᷊i'a lai ya'u sidutu mangngaṛṛa'a si yamiu inolaanna apan mapia wuṛṛu naṛṛino.

1 SAMUEL 2:17

Etearoddi ruan katou ana'i Eli udde na'ola'a rosa apan bahewalla su lantakku hatin Mawu, ana waugu itarua manggal᷊usa'a sasamba apan ia'onggolla su Mawu.