SASABANGNGA 32:22 - WUKE SUSI WATTI'U AL᷊AL᷊USASSA

²² Sasimbakki Harun, “Arie pa'asa'u si ya'u; i'o masingkatta sassane ereapa ahewallu naungngu manga taumata indi ma'ola'a al᷊al᷊eo.

SASABANGNGA 32:22 Iomraidhean Croise

PANDARIADDI 44:18

I Yehuda inai nangundanin i Yusuf wuṛṛu nabbisara, “Ampunge, Tuangku, wala'awe allangngu maggahatton Tuangnga. Arie masa'u allangngu; Tuangku ere lai ratu Mesir sassane.

DARALO 36:4

Manga wisarane lal᷊eo wuṛṛu napenen wawahia, i tou tate lai ma'ola'a apapia wuṛṛu apapande.

SASABANGNGA 14:11

Unni mangitou si Musa, “Apa su Mesir tawe labbingnga, na'oman sara i'o nangapiddi yami tadea'u mate su tampa indi? Pa'ellege ana waugu inolaannu udde!

SASABANGNGA 15:24

Ne manga taumata udde sussawutulle si Musa wuṛṛu naiwal᷊o, “Apate inumanni ite?”

SASABANGNGA 16:20

Arawe siri pira taumata su wallatti mangitou tawe naddaringikka wisaran i Musa. I mangitou lai nanahipunna sambageanganna wuassu anna udde. Tiṛṛabbine inauranna anna udde piate ul᷊idde wuṛṛu hal᷊urune mawukku'a; ne i Musa nasa'ute si mangitou.

SASABANGNGA 16:28

Ana see Mawu nabbisara si Musa, “Ma'oman sara tingngera i yamiu tawe tumuṛutta manga parenta-U?

SASABANGNGA 32:1

Su tempo walahannu Israel naasilo manungku i Musa tumaniten mal᷊annu sumossokka wuassu wowone, arawe ta'e poiaroddi lai, i mangitou nakkulunna si Harun wuṛṛu nabbisara si tou, “I ite wagga apate nariaddi si Musa, taumata apan buatte nangapiddi ite sinumabbangnga wuassu Mesir; nariaddi yami ola'ete Mawu apan sarun mamiaṛṛa'i yami.”

SASABANGNGA 32:21

I tou nabbisara si Harun, “Apate niola'i mangitou si'o na'oman sara niwalanu i mangitou na'ola'a rosa wahewalla?”

AMSAL 4:16

Taumata lal᷊eo tawe maatiilla tantal᷊anna taambe na'ola'a al᷊al᷊eo. I mangitou tawe amatiil᷊anna tantal᷊anna taambe napanilaka taumata waine.

TAHIUL᷊E 31:27

I ya'u masingkatta i mangitou puane mangke maatikka wuṛṛu apulune lullawangnga. Ro'en i ya'u ta'e wiakka lai i mangitou lullawangnga Mawu; nangillembo lai su allo addantane, napawe i ya'u natete!

TAHIUL᷊E 9:24

Ro'en i ya'u masingkatti yamiu, i yamiu sidutu lullawangnga Mawu.

TAHIUL᷊E 9:7

Paanaungete ereapa i yamiu na'ola'a Mawu Ruata nasa'u su wadda'a. Ro'en i yamiu nanantangngu Mesir na'oman sara i yamiu na'omate isindi, yamiu mannal᷊are Mawu.

1 SAMUEL 15:15

I Saul sinumimbakka, “Manga winatangnga udde niaṛṛo wuassu taumatan Amalek. Domba wuṛṛu sapi apan apianne buatte nianun tumana'u soa ionggolla maola'a sambau sasamba su Mawu Ruatanu. Arawe lambene buatte nipaten kami.”

1 SAMUEL 15:21

Arawe tantara'u tawe namate anambon binatangnga papadul᷊iananna; i mangitou buatte namile domba wuṛṛu sapi apan apianne wuassu saranapa niaaṛṛo udde wuṛṛu niola'a sasama su Gilgal maola'a sasamba su Mawu Ruatanu.”

1 SAMUEL 15:24

Naaringikka udde i Saul nanga'u si Samuel, wisarane, “Atonna ya'u buatte na'ola'a rosa. I ya'u nilumawangke parentan Mawu wuṛṛu tawe naddaringikka tatantiron Papa. I ya'u matta'uttu tantara'u, ana see ya'u nangutungngu darorongngi mangitou.