SASABANGNGA 32:2 - WUKE SUSI WATTI'U AL᷊AL᷊USASSA

² Ana see i Harun nabbisara si mangitou, “Luatte ngante-ngante wul᷊awanna apan ual᷊uṛṛe su manga awingngu wuṛṛu manga anangngu, wuṛṛu apira'e ringangku.”

SASABANGNGA 32:2 Iomraidhean Croise

PANDARIADDI 24:22

Napawe anambon unta udde nawusate na'inumma, allangngi Abraham nanganute saranapa wul᷊awanna apan maarega ana see niele su ngirunnu maṛṛuala udde. Su pul᷊al᷊anne niluṛṛeannu hal᷊angnga sampare.

PANDARIADDI 24:47

Wua'udde i ya'u naiwal᷊o, ‘Isai iamangngu?’ Wuṛṛu i tou sinumimbakka, ‘Iamangku i Betuel, ana'i Nahor wuṛṛu i Milka.’ Ana see i ya'u nalluṛṛeten lal᷊ogakka wul᷊awanna su ngirunne wuṛṛu sampare hal᷊angnga su pul᷊al᷊anne.

SASABANGNGA 20:23

Imbaṛṛangnga aola'a su watangannu manga paal᷊uanna sal᷊a'a ara'e wul᷊awanna apan subbanni yamiu wal᷊ine wuassi Ya'u.

SASABANGNGA 32:3

Ne i mangitou nalluatte manga ngante-ngante wuṛṛu niapidda ringanni Harun.

SASABANGNGA 35:22

Walate isai apan mappulu, mawae esakka ara'e wawine, rumanta mangapiddu lapaneti wul᷊awanna, ngante-ngante, sinsingnga, wul᷊ele, wuṛṛu al᷊awo'u hatin lal᷊oggakka wul᷊awanna apan ionggola su Mawu.

AMSAL 25:12

Tatagun taumata pande su taumata apan mappulu maddaringikka naal᷊ihidda sinsingnga wul᷊awanna ara'e lal᷊oggakka wul᷊awanna.

YESAYA 3:19

hal᷊angngu ta'iakka, tataappa hati,

YESAYA 30:22

Manga paal᷊uanna sassubbannu apan aoosannu sal᷊a'a wuṛṛu wul᷊awanna sarun irammen kami naal᷊ihidda sapadda, lapiddu mabbisara, “Paaraute wua dingangku!”

YEHEZKIEL 16:17

Wuassu lal᷊ogakka wul᷊awanna wuṛṛu sal᷊a'a apan Ta'u nionggolla si'o, niolangngu manga paal᷊uanna taumata esakka, ana see i'o sinumandaga ringannu manga paal᷊uanna udde.

HOSEA 2:8

Inangngu taambe saran paassa manga'u manungku ete i Ya'u apan manggolla si tou gandumma, anggore, lanan zaitun, wuṛṛu al᷊awo'u wul᷊awanna sal᷊a'a apan ipappaanne ipassubba Baal udde.