SASABANGNGA 32:15 - WUKE SUSI WATTI'U AL᷊AL᷊USASSA

¹⁵ I Musa sinumossoke apia wuassu wowone udde uaapiddu darua watu apan wawoṛṛetannu manga titan Duata su sandiṛṛanne ruan ba'a.

SASABANGNGA 32:15 Iomraidhean Croise

DARALO 19:7

I Tou mammal᷊intaddu langitta wuassu pentakke saran pondole; taweddu naatal᷊angnga wuassu sal᷊ihamme.

SASABANGNGA 16:34

Ne i Harun nangaddon urinna udde su saruannu Wantallu Pa'aire tadea'u sahipunanna uasul᷊ungngu parentan Mawu si Musa.

SASABANGNGA 24:12

Wua'udde Mawu nabbisara si Musa, “Rantate ringang-Ku su puiddu wowone. Isudde sarun Ta'u ionggolla si'o watu darua apan buatte Ta'u niwoṛṛetannu anambon tita-U. Anambon tita udde Ta'u nionggolla maola'a al᷊aṛṛa'a su walahanna udde.”

SASABANGNGA 24:18

Ana see i Musa sidutu sussa'a na'oman sara i tou sinumutta sulal᷊ummu winabbawa udde. Appatu pul᷊o su allone appatu pul᷊o su ṛabbine i Musa uatana'a isudde.

SASABANGNGA 31:18

Napawe buatte naggahatton i Musa su puiddu Wowon Sinai, Ruata nangonggola si tou ruan kul᷊appa watu apan buatte niwoṛṛetannu Ruata ringannu manga tita-Ne.

SASABANGNGA 32:16

Ruata sassane buatte na'ola'a watu udde wuṛṛu nanguitta manga tita udde isudde.

SASABANGNGA 34:29

Su tempo i Musa sinumossokka wuassu Wowon Sinai uaapiddu Mapul᷊o Tita udde, hatine lullansiangnga ana waugu i tou buatte naggahato Mawu, arawe i Musa sassane wagga manungku hatine lullansiangnga.

SASABANGNGA 40:20

Wua'udde watu udde nitaṛṛo sulal᷊ummu Wantallu Pa'aire. Ana see i Musa nanutubbu Wantalla udde wuṛṛu nanuṛṛin alu papasanna sulal᷊ummu hal᷊angnge.

2 KORINTUS 3:3

I mangitou sassane wotongnge maasilo manungku tuṛṛangnga naola'a suratta apan niwoṛṛetti Kristus, wuṛṛu niapaapidda si yami. Suratta udde wal᷊ine niwoṛṛettu tinta, arawe ringannu Ghaṛṛahon Duata apan wiakka; wal᷊ine lai su wowon batu pamamoṛṛetanna, arawe sulal᷊ummu naungngu taumata.

2 KORINTUS 3:7

Su tempo paaire apan mangngapiddu papate udde niola'a wuṛṛu nipaangnga su watu, semakku Ruata lullansiangnga ringannu sussal᷊endapa su hatin Musa. Semakke aroddi atilangnge na'oman sara walahannu Israel tawe maasilo hati Musa, salaiwe lansiangnga su hatine udde mal᷊abukke su tempo udde. Ne amungkangngu maaola'a paaire apan mangngapiddu papate udde nitenega ringannu awawantuga apan aroddi ahewalle,

TAHIUL᷊E 5:22

Eteudde manga parenta apan nionggolu Mawu si yamiu su tempo i yamiu uasemodda su wowone. Su tempo i Tou nabbisara ringannu tingikka ruddallu'a wuassu putungnga wuṛṛu winabbawa maapala, i Tou nangonggolu manga parenta udde, wuṛṛu wal᷊ine parenta waine. Ana see i Tou namoṛṛetta su ruan kul᷊appa watu wuṛṛu nionggola si ya'u.”

TAHIUL᷊E 9:15

Ana see i ya'u nanaile, wuṛṛu nangapiddu darua watu pa'aire ringannu lima'u ruan ba'an, i ya'u sinumossokka wuassu wowone apan tantal᷊anna lukkenggamma.

IBRANI 9:4

Sulal᷊ummu wabbo'a udde pia medda pangangadoannu sasamba apan niola'a wuassu wul᷊awanna panutunganna dupa, wuṛṛu pia lai Wantalu Pa'aire apan sarangkahewalle papi'unannu wul᷊awanna. sulal᷊ummu wantala udde pia urinna wul᷊awanna lal᷊oṛṛoannu manna, ta'inni Harun apan nassollate, wuṛṛu ruang kul᷊appa watu pamamoṛṛetanna apan su wowone wawoṛṛetannu mapul᷊o titan Ruata.

SONDAPPA 5:1

Wua'udde i ya'u naasilo sambau lul᷊unnu wuke su liman i Tou apan ua'ianna su adderan araratuanna udde. Wuke udde napenem woṛṛetta su ruam baane wuṛṛu nireetannu pitum bau segele.