SASABANGNGA 32:10 - WUKE SUSI WATTI'U AL᷊AL᷊USASSA

¹⁰ Imbaṛṛangnga manal᷊are si Ya'u. I Ya'u massa'u si mangitou wuṛṛu inai mamate si mangitou. Arawe i'o wuṛṛu papapulunnu sarun Ta'u olaanna sambau walahanna apan bahewalla.”

SASABANGNGA 32:10 Iomraidhean Croise

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

DARALO 106:23

Ne Ruata pia pandumma mamate al᷊aṛṛanang-Nge, arawe niwo'anni Musa, taumata nipile-Ne. I Musa nabbal᷊i mananangnga si mangitou, na'oman sara asasa'un Duata nompo'a.

SASABANGNGA 22:24

I Ya'u sarun masa'u wuṛṛu mamate si yamiu sulal᷊ummu pangalo, na'oman sara manga awingngu mabbal᷊i wawine wal᷊u, wuṛṛu manga anangngu mabbal᷊i asisi.

SASABANGNGA 32:11

I Musa sinumal᷊ande Ruatane, wisarane, “Mawu, anio I'o ṛinone ma'ola'a aroddi si mangitou? Wal᷊inewe I'o buatte nanal᷊amatta si mangitou wuassu Mesir ringannu taṛṛino wuṛṛu atatohassa apan bahewalla?

SASABANGNGA 32:19

Napawe i Musa maraniten paddasananna udde, i tou naasilo sapi wul᷊awanna wuṛṛu manga taumata tantal᷊anna massal᷊aingnga, ne i tou nasa'ute. Isudde lai, su wawal᷊annu wowone udde, i Musa namantingngu watu apan niapiddi tou na'oman sara naṛṛimunsa'a.

SASABANGNGA 33:3

I yamiu mattudan leta'a apan ala wuṛṛu masuwukka. Arawe i Ya'u sassane tawe tumantalongnga ringanni yamiu, tadea'u i yamiu tawe Ta'u pateanna su tangngan dal᷊anna, ana waugu i yamiu walahanna puane maattika.”

YEREMIA 11:14

Ana waugu udde, Yeremia, ariete umal᷊iomanni mangitou ara'e maiontolla si Ya'u huna mangitou! Amungkangngu i mangitou sulal᷊ummu asasusa wuṛṛu maiontolla si Ya'u, i Ya'u maddiri maddaringikka si mangitou.”

YEREMIA 14:11

Mawu nabbisara si ya'u, “Arie paddorongnga si Ya'u mantul᷊ungngu manga taumata udde.

YEREMIA 15:1

Mawu nabbisara si ya'u, “I Ya'u tate umakkannu walahanna indi, salaiwe i Musa wuṛṛu i Samuel uarisikka isindi sumal᷊ande si Ya'u maiakkanna huna mangitou. Doloṛṛa'e walahanna indi massal᷊iu, i Ya'u maddirite ma'ellega si mangitou!

YEREMIA 7:16

Mawu nabbisara, “i Yeremia, ariete pangal᷊iomannu manga taumata indi. Ariete paddoronga tulumanna ara'e umal᷊iomanni mangitou; arie i Ya'u iwata'a, ana waugu i Ya'u maddiri maddaringikka darorongngu udde.

YEHEZKIEL 20:13

Arawe su wadda'u anne udde, i mangitou nilumawangnga manga parenta-U, wuṛṛu nanol᷊a'u manga tita-U apan maola'a wataṛṛu manungku taumata apan matuṛṛuta sidutu wiakka. I mangitou tumanite nanggal᷊usa'a allon Sabat. Ana waugu udde, su wadda'u anne udde i Ya'u nasaddiate mamallossu asasa'u-U su saruanni mangitou wuṛṛu mamate si mangitou.

REENGANNA 14:12

I Ya'u sarun mamate si mangitou ringannu mandantan radda'a ma'al᷊iu. Arawe i'o sarun Ta'u olaanna iamangnga wuassu sambau walahanna apan maggewal᷊anna wuṛṛu mattohasanna wuassi mangitou!”

REENGANNA 16:21

“Soṛṛotte wuassu manga taumata udde; i Ya'u mamate si mangitou orassa indi lai.”

REENGANNA 16:22

Arawe i Musa wuṛṛu i Harun niumal᷊intudda nassubba wuṛṛu nabbisara, “Oh Ruata, tumba'u I'o apan mangngonggolu sasangngo su al᷊awo'a apan biakka. Amungkangngu tumba'u sangkatou apan narosa, apa I'o masa'u lai su anambon ṛuanganna?”

TAHIUL᷊E 9:14

Arie pa'annamma manal᷊are si Ya'u. I Ya'u inaite mamate si mangitou ma'oman sara i mangitou tate naunganna lai. Arawe i'o Ta'u olaanna iamangngu sambau ṛuanganna apan magewal᷊anna wuṛṛu mattohasanna wuassi mangitou.’

TAHIUL᷊E 9:19

I ya'u matta'uttu asasa'un Mawu rudde'omma su saruanni yamiu na'oman sara i yamiu pateannu Mawu, arawe paassa indi lai Mawu naddaringikka si ya'u.

YAKOBUS 5:16

Ana waugu udde, ṛinone i yamiu uaa'a'u pasasal᷊a wuṛṛu uaa'al᷊iomanna, tadea'u i yamiu iapaapia. Aal᷊iomannu taumata apan tuttuṛṛutta apulun Duata, pia taṛṛino apan wahewalla.