SASABANGNGA 31:18 - WUKE SUSI WATTI'U AL᷊AL᷊USASSA

¹⁸ Napawe buatte naggahatton i Musa su puiddu Wowon Sinai, Ruata nangonggola si tou ruan kul᷊appa watu apan buatte niwoṛṛetannu Ruata ringannu manga tita-Ne.

SASABANGNGA 31:18 Iomraidhean Croise

2 MARARATU 11:12

Wua'udde i Yoyada nangapiddi Yoas su liudde, ana see nangaddon araposan araratuanna su puane, wuṛṛu nanantilla si tou wuke Titan Mawu Ruata. I Yoas nitenega naola'a ratu wuṛṛu olange udde nial᷊iata su anambon tumana'u soa. Sarangkanambone nattal᷊o'appa wuṛṛu naggahio, “Wiakke ratu!”

SASABANGNGA 24:12

Wua'udde Mawu nabbisara si Musa, “Rantate ringang-Ku su puiddu wowone. Isudde sarun Ta'u ionggolla si'o watu darua apan buatte Ta'u niwoṛṛetannu anambon tita-U. Anambon tita udde Ta'u nionggolla maola'a al᷊aṛṛa'a su walahanna udde.”

SASABANGNGA 24:18

Ana see i Musa sidutu sussa'a na'oman sara i tou sinumutta sulal᷊ummu winabbawa udde. Appatu pul᷊o su allone appatu pul᷊o su ṛabbine i Musa uatana'a isudde.

SASABANGNGA 8:19

na'oman sara manga taṛṛa wal᷊iimata udde nabbisara ratu, “Indi inolaannu Ruata.” Arawe ratu udde maatikka naungnge, wuṛṛu ere buatte niwisara Mawu, ratu udde maddiri maddaringikka wisara i Musa wuṛṛu i Harun.

YEREMIA 31:33

Eteindi pa'aire wakku apan Ta'u niola'a ringannu umattu Israel: Manga tita-U sarun Ta'u iaddo sulal᷊ummu naungngi mangitou, wuṛṛu Ta'u iwoṛṛetta sulal᷊ummu ate mangitou. I Ya'u sarun maola'a Ruatan mangitou, wuṛṛu i mangitou sarun maola'a uma-U.

MATIUS 12:28

Arawe i Ya'u mallimbuakka ghaṛṛaho lal᷊eo ringannu taṛṛinon Ruata. Wuṛṛu udde atappasanne manungku Ruata mannattakke mamarenta su pattangnganni yamiu.

LUKAS 11:20

Arawe i Ya'u mallimbuakka ghaṛṛaho lal᷊eo ringannu taṛṛinon Ruata, wuṛṛu udde atappasanne manungku Ruata mannattakke mammarenta su pattangnganni yamiu.

2 KORINTUS 3:3

I mangitou sassane wotongnge maasilo manungku tuṛṛangnga naola'a suratta apan niwoṛṛetti Kristus, wuṛṛu niapaapidda si yami. Suratta udde wal᷊ine niwoṛṛettu tinta, arawe ringannu Ghaṛṛahon Duata apan wiakka; wal᷊ine lai su wowon batu pamamoṛṛetanna, arawe sulal᷊ummu naungngu taumata.

TAHIUL᷊E 10:4

Su watu udde Mawu namoṛṛettu mapul᷊o parenta uasul᷊ungngu paarorone, eteudde manga tita apan nionggoli Tou si yamiu, su tempo i Tou nabbisara wuassu pattangngannu putungnga su allo i yamiu na'ammula su wawal᷊annu wowone. Wua'udde Mawu nangonggolu watu niwoṛṛetanna udde si ya'u

TAHIUL᷊E 4:13

Poiaroddi i Tou namasingkatta si yamiu sarangkanambone apan sarun olaanni yamiu su ipanipussa pa'aire-Ne apan niola'a ringanni yamiu. Mapul᷊o Tita apan buatte niwoṛṛettu Mawu su daruan kul᷊appa watu udde ṛinone daringiṛṛanni yamiu.

TAHIUL᷊E 5:22

Eteudde manga parenta apan nionggolu Mawu si yamiu su tempo i yamiu uasemodda su wowone. Su tempo i Tou nabbisara ringannu tingikka ruddallu'a wuassu putungnga wuṛṛu winabbawa maapala, i Tou nangonggolu manga parenta udde, wuṛṛu wal᷊ine parenta waine. Ana see i Tou namoṛṛetta su ruan kul᷊appa watu wuṛṛu nionggola si ya'u.”

IBRANI 9:4

Sulal᷊ummu wabbo'a udde pia medda pangangadoannu sasamba apan niola'a wuassu wul᷊awanna panutunganna dupa, wuṛṛu pia lai Wantalu Pa'aire apan sarangkahewalle papi'unannu wul᷊awanna. sulal᷊ummu wantala udde pia urinna wul᷊awanna lal᷊oṛṛoannu manna, ta'inni Harun apan nassollate, wuṛṛu ruang kul᷊appa watu pamamoṛṛetanna apan su wowone wawoṛṛetannu mapul᷊o titan Ruata.