SASABANGNGA 31:16 - WUKE SUSI WATTI'U AL᷊AL᷊USASSA

¹⁶ Walahannu Israel ṛinone mallaghun allo udde maṛṛana'a mappulunna maola'a tatialan pa'aire.

SASABANGNGA 31:16 Iomraidhean Croise

PANDARIADDI 17:11

Manattakka wuassu orassa indi i'o ṛinone mapasunattu ana'a esakka maradio'a uukke ual᷊u allo, nasutta lai manga allangnga apan nisungkangnga su wal᷊enu ara'e niawalliannu. Sunatta udde sarun maola'a tatiala wuassu paaire-U wuṛṛu i yamiu.

PANDARIADDI 9:13

ne Ta'u iaddo randipakka ara'e naggialo su winabbawa maola'a sambau tatialan paaire-U ringannu runia.

NEHEMIA 13:15

Sutempo udde i ya'u naasilo manungku su allon Sabat manga pira taumata su Yehuda mammakkan anggore. Pia taumata waine lai apan mallurannu gandumma, anggore, wuan ara wuṛṛu manga saranapa waine su keledaine wuṛṛu niapidde watukku Yerusalem. I mangitou ta'u nisingadda mabbal᷊u'a su Yerusalem.

SASABANGNGA 31:17

Allo udde eteudde allon pananaunganna sidutu su walahannu Israel wuṛṛu si Ya'u, ana waugu i Ya'u, Mawu, apan buatte nandiadi langitta wuṛṛu runia sulal᷊ummu annumu allo al᷊annune, wuṛṛu su allo appitune i Ya'u naddo nammanara wuṛṛu nangillol᷊o.”

YESAYA 58:13

Mawu nabbisara, “Pangaddatte allon Sabatta maola'a allo huna Mawu. Imbaṛṛangnga mammanara hausannu sassane su allo udde. Laghua'e allo udde maola'a allo al᷊al᷊uassa; Pangaddatte allon Mawu ringannu tawe sumal᷊ele; arie lai mammanara ara'e mabbisara wisara apan tawe gunane.

YEREMIA 50:5

I mangitou sarun maiwal᷊on lal᷊anna watukku Sion, ana see niumamatte su lal᷊anna udde. I mangitou sarun ma'ola'a pa'aire sarangkal᷊o'enge si Ya'u, wuṛṛu sidutu uaagassa pa'aire udde.