SASABANGNGA 30:1 - WUKE SUSI WATTI'U AL᷊AL᷊USASSA

¹ Mawu nabbisara apia si Musa, “Pa'ola'e wuassu alu akasia sambau mezbah tampa pananutunganna amania.

SASABANGNGA 30:1 Iomraidhean Croise

1 MARARATU 6:20

Wabbo'a udde al᷊o'engnge, al᷊alakke wuṛṛu atanggakke nassul᷊ungnga, eteudde sio metere. Mezbah su saruannu Wabbo'a Lembon Susi udde niola'a wuassu alu cemaran Libanon. Su ngara sasuttanna watukku wabbo'a udde niwatadda ṛate wulananna. Ahewallu wageangngu lal᷊ummu Wal᷊en Mawu udde nasutta Wabbo'a Lembon Susi wuṛṛu mezbahne nilapisannu wul᷊awanna tutune.

1 MARARATU 7:48

I Ratu Salomo lai nandolokka niapaola'a manga saranapa waine wuassu wul᷊awanna hunan Wal᷊en Mawu. Eteindi manga saranapa apan niolangnge udde: Mezbah Medda pangangaddoannu roti apan ionggolla su Ruata Mapul᷊o leddan sol᷊o apan niaddo su Wabbo'a Lembon Susi, eteudde lima su samba'an timukka wuṛṛu lima lai su samba'a sawannakka. Manga bunga Manga sol᷊o Manga sasipitta Manga mangko Manga lama'a pangaddoannu amania Manga lama'a pangaddoannu waṛṛa Manga hensellu ngara Wabbo'a Lembon Susi wuṛṛu manga ngaran liuddu Wal᷊en Mawu.

1 TAWARIKH 28:18

Su ola'u anambon wul᷊awanna tutune ipa'ola'a mezbah tampa panambunannu amania wuṛṛu ipallanginnu kereta su manga paal᷊uannu mala'ekatta ringannu papaidde apan uasiappakka su wowon Wantallu Paairen Mawu.

1 TAWARIKH 6:49

I Harun wuṛṛu papapulunne manarane mannambunnu amania, mangngonggolu sasamba itattambunna su wowon mezbah, mapaamattu lal᷊aghu su Wabbo'a Lembon Susi, wuṛṛu mangngonggolu sasamba ipamappassa rosan taumatan Israel. Sarangkanambone udde niola'a wuassu tatantiron Musa allangngu Ruata.

2 TAWARIKH 26:16

Napawe i Ratu Uzia matohasse, i tou nabbal᷊i mawunga, wuṛṛu udde panattaṛṛannu nanawon araratuanne. I tou nilumawangnga parentan Mawu Ruatane ana waugu sinumutta su Wal᷊en Mawu manambunnu amania su wowon mezbah amania.

SASABANGNGA 30:10

Santonna paassa i Harun ṛinone ma'ola'a lal᷊aghun pangangukassa mezbah ringannu mangalassu daṛṛan binatangnga apan niola'a sasamba su tatandungnge appata maola'a aampungnga rosa. Olangnge udde ṛinone olaanna suapan tonna su al᷊o'engngu tempo. Mezbah udde ṛinone susi sarangkahewalle wuṛṛu ṛaea'e si Ya'u.”

SASABANGNGA 30:2

Saṛṛen mezbah udde ṛinone uataṛṛawu'u appata; al᷊o'engnge wuṛṛu al᷊alakke sambau-sambau 45 sentimetere, wuṛṛu atangngakke 90 sentimetere. Su wuune appata ola'ete manga tatandu'a apan uaṛṛaiddu mezbah udde.

SASABANGNGA 31:8

eteudde medda wuṛṛu saranapane, leddan sol᷊o wuassu wul᷊awanna tutune ringannu saranapane, mezbah tampan panutunganna amania,

SASABANGNGA 35:15

mezbah tampan panutunganna amania ringannu alu papasannane, lanan lal᷊aghu, amania mawangngi; pampelen ngaran Dasanna,

SASABANGNGA 39:38

mezbah wuassu wul᷊awanna, lanan lal᷊aghu, amania mawangngi, pampelen ngaran Dasanna,

SASABANGNGA 40:5

Addoa'e mezbah wul᷊awanna tampan panutunganna amania su saruannu Wantallu Pa'aire, wuṛṛu elea'e sasarane su ngaran Dasanna.

YEHEZKIEL 41:22

Atanggakke sambau setenga metere wuṛṛu al᷊alakke sambau su meterene. Manga pabbuuanne, apampakke wuṛṛu darandunge niola'a wuassu alu. Esakka udde nabbisara si ya'u, “Eteindi medda apan uaraddo su saruannu daranta Mawu.”

IMAMATTA 4:18

Sambageanganna lai ṛinone iwuṛṛa su manga tatandu'a su manga wu'un mezbah amania sulal᷊ummu Rasanna, wuṛṛu lambene ṛinone ialassa su apampakku mezbah tampan sasamba itattambunna apan uaraddo su ngaran Dasanna.

IMAMATTA 4:7

Sambageanganna wuassu daṛṛa udde ṛinone iwuṛṛa su manga tatandu'a wuṛṛu su manga pabbuuannu mezbah dupa mawangngi sulal᷊ummu Rasanna, wuṛṛu lambene ṛinone iwokka su apampakku mezbah sasamba itattambunna apan uaraddo su saruannu Rasanna.

REENGANNA 3:31

I mangitou niapamanara mallu'adda Wantallu Pa'aire, medda, leddan sol᷊o, manga mezbah, manga saranapa apan ipappaatu manga imam su Wabbo'a Susi, wuṛṛu pampele apan uasara Wabbo'a Na'ukkassa. I mangitou niapamanara al᷊awo'u manara apan pia aukke ringannu manga saranapa udde.

REENGANNA 4:11

Wua'udde i mangitou ṛinone mamataddu sangkul᷊appa mal᷊aṛṛenessa ma'elomma su wowon mezbah wuassu wul᷊awanna udde, wuṛṛu taapannu sangkul᷊appa pisi al᷊ussa, ana see manuṛṛin alu papasannu mezbah udde.

IBRANI 9:4

Sulal᷊ummu wabbo'a udde pia medda pangangadoannu sasamba apan niola'a wuassu wul᷊awanna panutunganna dupa, wuṛṛu pia lai Wantalu Pa'aire apan sarangkahewalle papi'unannu wul᷊awanna. sulal᷊ummu wantala udde pia urinna wul᷊awanna lal᷊oṛṛoannu manna, ta'inni Harun apan nassollate, wuṛṛu ruang kul᷊appa watu pamamoṛṛetanna apan su wowone wawoṛṛetannu mapul᷊o titan Ruata.

SONDAPPA 8:3

Sangkatou mala'ekatta waine, apan uaapiddu sambau pananutunganna amania wul᷊awanna, nirumanta wuṛṛu dirumarisikka su saruannu meddan sasamba. Si tou nionggol᷊annu manambo amania ipanguntudu manga aal᷊iomannu anambon walahannu Ruata wuṛṛu iaddo su meddan sasamba wul᷊awanna apan uaraddo su saruannu adderan araratuanna.